السلام عليكم
تقلت عليكم انا عارف بس بصراحة خايف اتخم فى شرا عربيتى الاولى

قدامي عربية 128 موديل 75 الفانوس المدور
العربية صاحبها عاملها عمرة كاملة
عمرة موتور مغيرلها العفشة كلها والنص القدماني
مغيرلها دينامو ومجدد كهربتها بالكامل
هو كان بيشدها عشان يقنيها مش للبيع بس اتزنق فعايز يبيع
العربية صالونها جديد ونضيف بصراحة
جنوط سبور وكاوتش جديد
مغيرلها فتيس جديد
هو قالى محتاجة بس قطعة فى الموتور كده تكلفتها 300 جنيه عشان صوت الموتور
والمساعد الخلفى الايمن بتاعها خفيف شوية
العربية واخدة وش خارجى
كمالياتها بتهيالى عادية مفيهاش حاجة كهربا فيها كاسيت وطقم سماعات

العربية عاجبانى بصراحة وسألت الميكانيكية والسنكرى اللى عامله فيها الشغل لانه بلدياتي فقال فعلا الحاجات دى هو عاملها لسه جديد وان العربية حلوة جدا ومش هتصرف عليها حاجة

العربية دى بقى يا اهل الخير ايه رأيكم فيها ؟ وتساوى كام ؟؟؟

رجاء الرد بسرعة وشكرا مقدماااا