و الله العظيم فاكر
بس اعمل ايه فى فتاوى النت بقى
سألت قبل كده فى منتدى تانى "محاورات المصريين" و قالولى ان شهادتى ليها معادله و لخبطونى
و بتقول مافيش الكلام ده فى امريكا تقصد على ايه ؟؟
عرض للطباعة
مفيش غلاسة عالمسلمين و الكلام ده ....... و لو حصل تقدر تودي اللي عملها في داهية
مفيش حاجة اسمها معادلة لان مهنتك اصلا مش REGULATED يعني ممكن واحد مامعاهوش ابتدائية حتى يشتغلها لو عنده المهارات اللازمة
يعني مثال : لو شركة عايزة developer بلغة معينة و جالهم واحد مامعاهوش مؤهل اساسا ممكن يشغلوه
على عكس الطبيب مثلا اللي لازم تصريح مزاولة مهنة و مؤهل و افلام هندي ........
السلام عليكم ورحمة الله وبركاته
الاخ احمد كمال سؤال بعد اذنك علشان بس اتاكد اني فهمت كلامك صح
انا عندي فرصة للسفر لأمريكا لأن ليا نسايبي وقرايبي هناك في الي معاهم الجنسية والي معاهم اقامة دائمة
بخصوص موضوع معادلة الشهادات ده لأني سألت كذا مصدر وقالولي امريكا مبتعترفش باي شهادة من الخارج اي كان التخصص، ومفيش شركة هناك ممكن تقبل توظفك عندها طالما انت مش معادل شهادتك الا لو هتشتغل في بنزينه ولا كاشير ولا كلام من ده انما لو هتقدم في شرككة او مؤسسة محترمة فمينفعش من غير المعادلة
انا بكالوريوس علوم حاسب آلي وتقديري ممتاز الحمد لله ففهل فعلا مش هتحتاج موضوع المعادلة ففي حالة السفر بأذن الله لأن تخصصي زي مانت بتقول عام مش تخصص دقيق زي الطب والهندسة وكدة؟ ولا هتحاج اني ادرس مواد زيادة علشان يكون في نسبة قبول بعد كدة في التوظيف في الشركات؟
وشكرا جزيلا لك
فيه مهن عليها regulation .... زي الطب و الهندسة المدني الخ الخ الخ
ما ينفعش تشتغل فيها من غير معادلة لانك بتتعامل في ارواح ناس
و فيه مهن مش regulated ......
مفيش حاجة اسمها مفيش شركة هتقبل بيك
اصحابي شغالين في ميكروسوفت نفسها ببكالوريوس من جامعة عين شمس من غير لا معادلة و لا بتاع
سؤال معلشى - بالنسبه لولايه ممفس الامريكيه
ايه متوسط الدخل فيها اللى يحقق نفس المستوى المعيشى ل 6 او 7 الاف جنيه شهريا فى مصر ؟؟
خد الجروب ده هديه :M_yes[1]:
https://www.facebook.com/groups/dv.america/
أعرف مهندس مدنى أشتغل فى شركة أمريكية كانت بتعمل مشروع هنا فى مصر تبع المعونة (شركة مقاولات و مشروع صرف صحى ) و هو كان متميز فى شغله جدا و متفانى الحقيقة و لما المشروع خلص أخدوه معاهم و هما ماشيين
معلش ياجماعة بالنسبة للمحامين ايه وضعهم لو سافروا لامريكا هل المحاماه مهنة مطلوبة هناك ولا لا
وكنت عايز اعرف الهجرة بيقدم عليها ازاي ؟
طيب يعنى اطلع برة اشتغل اي حاجة
وهل وظيفة it تنفع ف امريكا ولا لا
عشان بفكر اخد كورس it
وعايز اعرف كيفية التقديم ع الهجرة العشوائية
تنفع
التقديم لما يفتح هيكون هنا
https://www.dvlottery.state.gov
اي موقع تاني حمادة بالجنزبيل
طب كام سؤال كدة ع السريع !!
أولآ هل كل اللي بيتقبل وبيروح السفارة للمقابلة بيسافر ولآ في استبعاد ولو في بيكون بسبب ايه ؟
ثانيا هل كل اللي حابين يقدموا عارفين ناس هناك هيروحوا عليهم ولو في ناس مش عارفة حد وقبلت تعمل ايه ؟؟
ثالثا انت لو جتلك هجرة وسافرت بتستقر خالص ف أمريكا ولآ بتنزل مصر تاني ؟؟
شكرا لأجدع شباب
1- ايوة بيبقى فيه مقابلات و ممكن يبقى فيه استبعاد لاي سبب امني او طبي
2- لو مش عارف و قبلت هتروح و رزقك على ربنا هتتعب شوية في الاول بس هتسلك
3- ليه يعني هو معتقل ؟؟؟؟؟؟؟؟ من حقك طبعا تسافر اي مكان براحتك
بس فيه نقطة واحدة بس
انت اما بتاخد الجرين كارد ما ينفعش تاخد الجنسية قبل 5 سنين
في الخمس سنين دي ...... لو خرجت من امريكا في مرة اكتر من 6 شهور حتة واحدة او قعدت برة امريكا في سنة اكتر من 6 شهور برة ........ الجرين كارد بيتلغي (الا في بعض حالات استثنائية ممكن تقدم على طلب اذن للعودة قبل ما تسافر و لو اقتنعوا بسبب سفرك بيسمحوا لك تغيب برة سنة مش 6 شهور)
بعد الجنسية براحتك ان شالله تغيب عن البلد 100 سنة
سؤال معلش يا احمد .. بخصوص موضوع الهجرة لامريكا او كندا
هل مهنة "ابحاث التسويق" مطلوبة ؟؟ يعنى لو ربنا شاء وقدر وقدمت فيها واتقبلت .... هل هلاقي شغل هناك فى المجال ده بسهولة؟؟
لانى بصراحة مش هسيب بلدي واروح اشتغل فى بنزينه ولا سوبرماركت
وشكرا
بص
امريكا مافيهاش حاجة اسمها التقديم للهجرة
يغني ايه؟ يعني امريكا دونا عن اغلب دول العالم المتحضر ..... ما عندهاش merit-based immigration
يعني ما عندهاش زي مثلا كندا و استراليا ..... مؤهلك كذا تاخذ كذا نقطة ...... سنك كذا نقطة ..... لغتك مهنتك الخ الخ الخ
فمفيش حاجة اسمها اقدم لامريكا ....... الهجرة لامريكا بتبقى بسكك تانية و معقدة مش دغري
بالنسبة لكندا خش على موقع Welcome Page | Page d’accueil و شوف جدول المهن المطلوبة
يبدأ التقديم للهجره العشوائيه لعام 2015 من يوم الثلاثاء 10/1
يتم التسجيل من خلال هذا الرابط :-
https://www.dvlottery.state.gov/
وعلى كل المتقدمين معرفه كل البيانات المطلوبه من الان !!!
طيب ولو واحد اتوظف في بلده موضوع الهجره دا مش هيبقى مجدي معاه اصلا ولا انتوا ايه رايكم رغم ان الراتب ضعيف لا يتعدى ال 500 جنيه بس احسن من مفيش ... الحمد لله رب العالمين
تم فتح التسجيل فى قرعه 2015 بالتوفيق للجميع وحتى نهايه اكتوبر
http://www.dvlottery.state.gov/application.aspx
متابع باهتمام
اللى بيترقوا على شغلانة غسل الصحون وبيع الجرائد والكلام ده كله احب اقولهم انتوا معقدين نفسيا وده طبعا عادى لاننا فى بلاد عربيه متخلفه
الوظايف دى عادى هناك ومفيش حد بيبص لمن يعمل بها على انه دون المستوى
واللى بيقولوا اتضهاد للعرب المسلمين احب اقوله برضوا لا عيش فى حالك هناك ومتعملش اى حاجه ضد القانون وهاتعيش مستريح
اعبد ربنا زى ما انتا عايز بس متمشيش مع جماعه انت مش عارف انتمائها ولا بتعمل ايه هناك
واعتقد ان كل واحد بيقول قريبى هناك وتعبان وطالع عينه , ياريت لو يسئل قريبه وانت ايه اللى مصبرك على المرار اللى انتى بتحكى عنه , او يسئله طيب متنزلش مصر ليه مدام انت تعبان هناك ؟ وياريت يبقى يقولنا الاجابه
بس هو فى ناس بتخاف لحد يطلب منها انها تساعده على السفر فيقعد يقول الحياه وحشه وانا تعبان والكلام ده ده كله عارفينوا طبعا علشان ميساعدش حد
عامة احب اقولكم ان السفر فيه كذا ميزه وكل الحكماء قالوا عليها
اوليست كلها ارض الله
ومدام رزقنا قليل هنا ندور عليه فى حته تانيه
يارب توفق كل واحد لما تحبه وترضاه
نعمل الصورة ازاي اي جماعة ؟
مين قدم ياجماعه ويحلكنا تجربته ولو نجح باذن الله ناوى يعمل ايه ؟