ان شاء الله الهجره الامريكيه Lottery هتفتح كالعاده في اول شهر أكتوبر يعنى كمان أسبوعين بالزبط
ياترى ناوى تقدم ؟ وهتعمل ايه لو نجحت في القرعه ؟
عرض للطباعة
ان شاء الله الهجره الامريكيه Lottery هتفتح كالعاده في اول شهر أكتوبر يعنى كمان أسبوعين بالزبط
ياترى ناوى تقدم ؟ وهتعمل ايه لو نجحت في القرعه ؟
انا نفسي اقدم بس بعد مااخلص الماجستير انشا الله
لاني جالي حالة اكتئاب وحاسس اني غريب في بلدي
بيبقى مطلوب ايه عشان أقدم ؟
و هل بيبقوا طالبين وظائف معينة ؟
طيب لو سافرت و سنك 40 وما فوق ومجالك موش موجود هناك ماذا ستفعل هاتذاكر بعد السن دة ومين هايرضى يشغلك ولا تشتغل فى بنزينة ولا سوبر ماركت 8 او 9 دولار للساعة
شاركونا الاراء يا جماعة
خلاص مابقتش زى الأول فية هناك بطالة
ولازم يكون معاك ماستر غير كدة هاتتعب
الكلام دة من مصريين اعرفهم معاهم green وبيشتكوا من الغلاء هناك
طب انت قدمت وقبلت وسافرت هتشتغل اية بقا هتغسل صحون ولا تقف فى سوبر ماركت
متابع
الموضوع ياجماعه لاى دوله اوربيه او أمريكا بتبقا عيشه ادميه ومريحه جدا جدا اكتر منها فلوس والكلام ده معروف من زمان
ومتقدرش تقول على أمريكا غلاء معيشه لان كل ولايه قائمه بذاتها وليه كيانها الكامل في كل شيىء حتى الأسعار ونسبه الضرائب
يعنى عندك ولايه بوسطن مثلا ولايه غنيه جدا وكلها اعنياء واسعارها غبيه لاتصلح للمعيشه على العكس ولايات اخرى كتير
يعنى احترام وتعليم وتكنولوجيا وقانون وكل شيىء تتخيله هتتعامل بيه
يكفى ان صاحب الجرين بيحصل على 6 الاف دولار سنويا منح تعليميه لاى جامعه في اى مجال
اى حد محتاج اى معلومه انا تحت امره
دا موضوع كامل جالي شير من الفيسبوك عن الهجرة ولقيت فيه كل شئ عن الهجرة من الالف للياء
نصائح الحصول علي الهجرة الامريكية | انصحني شكرا
طاب مفيش حاجه لكندا او استراليا
و الله يا جماعة انا مش مؤيد اوى لحكاية الهجرة العشوائية و القرعة و الكلام دا
و شايف ان الافضل ان الواحد يروح هناك بمعادلة
عشان يعرف يعيش عيشة محترمة هناك و تبقى وظيفته مستنياه
و اعتقد ان معظمنا يعرف ناس هناك بيشنغلوا ف مهن اى كلام
و عارفين بيتعبوا قد ايه
مع العلم ان زى ما قال الاخ الفاضل
ان اللى بيروح امركا و كندا و اماكن كتير ف اوروبا
مايستناش انه يعيش ملك هناك او انه يبقى مستريح ماديا
بالعكس ,, الناس هناك بتتعب جدا عشان الفلوس
لكن الفكرة اننا نفسنا نروح هناك عشان الواحد يعيش عيشة أدمية
يا ريت يا جماعة نصبر على مصر شوية لان مصر هينصلح حالها و امريكا هتخرب طبعا الكلام ده عكس اللى حاصل حاليا بس باذن الله ده اللى جاى قريب
انا هاقدم فيها
قدمت فيها مرتين قبل كده وربنا موفقش بس ان شاء الله هاقدم فيها السنة دى برضه
لانى خلاص اتخنقت والله ومفيش شغل
Will do ISA.
انا لى ملاحظة بس عايز اقولها للى مهتم. ان موضوع الهجرة ده فى محاذير شرعية ياريت كل واحد بيفكر فى الموضوع انه يسأل أهل العلم الشرعى الأول قبل ما ياخد القرار نحو الهجرة.
بالتوفيق لما فيه الخير ان شاء الله
دا المصريين نفسهم يهربوا على الخليج وتجيلى فرصه اروح امريكا واقول لا
انفد بجلدك يا كبير وتوكل على الله
يا منجى من المهالك يارب
للاسف حال نص البلد عاوز يهاجر علشان النص الاولاني كلهم قاعدين علي كراسي وبيورثوها لاولادهم
وكأن مصر بقت تكية
للاسف دة الحقيقة مصر مش بتاعتنا
اهرب بجلدك ياريس
رَبَّنَا أَخْرِجْنَا مِنْ هَـذِهِ الْقَرْيَةِ الظَّالِمِ أَهْلُهَا
واضح ان مش انا اللى مخنوق لوحدى
طيب الحل ايه ؟ هو الغلط فينا ولا فى ايه بالضبط
معلش تصويب خارج الموضوع
بوسطن مدينة فى أمريكا و ليست ولاية
و بوسطن موجودة فى ولاية إسمها ماساشوستس
و الولاية دى فيها أهم جامعة تكنولوجيا فى العالم
و هى معهد ماساشوستس للتكنولوجيا
Massachusetts Institute of Technology
و إختصارها MIT
متوسط الدخل السنوي لبعض المهن في كندا.... المصدر مجلة ماكلين الكندية الشهيره
Painters النقاشين يعني بالمصري
45k$
Cabinet makers نجارين المطابخ
46k$
Plaster and Drywall installers
62k$
Carpenters النجارين
63k$
Sheets m etal workers
66k$
Heavy equipment mechanics
86k$
Plummers السباكين
71k$
Electricians الكهربائية
74k$
Refrigerator and air conditioning mechanics
81k$
متوسط الدخل السنوي لبعض المهن في كندا.... المصدر مجلة ماكلين الكندية الشهيره
Painters النقاشين يعني بالمصري
45k$
Cabinet makers نجارين المطابخ
46k$
Plaster and Drywall installers
62k$
Carpenters النجارين
63k$
Sheets m etal workers
66k$
Heavy equipment mechanics
86k$
Plummers السباكين
71k$
Electricians الكهربائية
74k$
Refrigerator and air conditioning mechanics
81k
انا بقه متجوز وعندى طفلين عايز اخلع نهائى من مصر بلا رجعه
هل قوانين الهجره مع المتزوج بتبقى ليها ميزها اضافيه ؟؟ او فرص اكبر ؟؟
ابن خالتي راح هناك سنة 2007 بعد ما خد إعفاء من الجيش على طول بفيزا سياحة,
أفتكر واحنا صغيّرين كان دايماّ بيزنّ انو عايز يهاجر امريكا وبتاع, محدّش كان مدّيله اهتمام, فجأة في ليلة اتصل بيّا وقاللي يابن خالتي انا بكره مسافر.
راح هناك واتبهدل, كانت اخباره بتنقطع شهور وأرجع اكلّمه بالعافية,
جات عليه فترات كان بينام في السنترال بارك في نيويورك عشان يوفّر تمن موتيل ب 30 دولار في الليلة.
خلاصة الأمر انّه دلوقتي بيشتغل في كافيه عند واحد مغربي, اتجوّز واحدة Asian اكبر منه ب 12 سنة شايلة الرحم عشان ياخد الجنسية وفعلاً أخدها.
اشترى كوندو وقاعد حالياً في ولاية كانساس ويبعت فلوس لوالدته بالدولار كل شهر والحياة زي الفل
مفيش مستحيل.
تجربة عايشتها وحبّيت أنقلها هنا.
بس خلاص
امريكا ليست جنه الله في الارض و ليست جحيم ايضا
اليوم
العلاقات الامريكيه المصريه سيئه جدا علي المستوي السياسي
و من الممكن علي المستوي العسكري
حاليا الحاله الاقتصاديه الامريكيه في تراجع نظرا لما يحدث علي الساحه السياسيه
من سوف يذهب هناك
اعتقد انه سوف يكون هناك (استقصاد) من قبل الاجهزه الامنيه و خصوصا في تلك الفتره
في المعتاد
عند حدوث اي حادث ارهابي
بيتم وضع العرب المسلميين تحت الرقابه
و ربما يتم القبض علي بعض المشتبه بهم
لن تتواجد مهن جيده بسهوله و خصوصا لمن ليس لديهم شهادات علميه محترمه
تلك معلومات من احدي اقاربي المتواجدين هناك
اي سؤال انا في الخدمه
تحياتي
انا قدمت بقالى 3 سنين و ان شاء الله ح اقدم السنة دى كمان
انا بصراحه مش مؤيد لفكرة الهجره الا لو الواحد هيروح هناك يلاقى شغلانه محترمه
انما شغلانه زى غسيل صحون ومحطة بنزين وانت معاك مؤهل عالى متسواش تلاته تعريفه
الاولى تسافر اى دوله عربيه تشتغل بمؤهلك وبرضه هتعيش عيشه ادميه
لماذا عدم التفكير في الهجره الي روسيا مثلا ؟
على فكره الى بيلعب بموضوع الهجره صح وعايز نصيحتى
ياخد الجنيسه لاى دوله عظمى وليها هيبتها في العالم مثلا كندا - أمريكا - دول اوربيه كبيره
ويرجع يشتغل في الخليج هيشتغل ملك بسبب الجنسيه + طبعا تخصصه ولكن الجنسيه دورها كله هيفرق في الراتب بين السما والأرض
ده مختصر الموضوع للى عايز الهجره مش شرطه تعيش هناك وتتمرمط
ربنا يصلح حال الجميع ، المهم أنك تتجنب الفتن .
ياشباب أنا داخل الجيش خلاص على شهر 10 أو 11
كان في واحد صاحبي قالي لو جتلك الهجرة بيطلعوك من الجيش وبتسافر عادي !!!!
هل الكلام ده حقيقي فعلا أيا كنت ظابط أو مجند ؟!!؟؟
ياجدعان اعتقد والله اعلم ان نهايه العالم قربت وشراره الحرب العالميه الثالثه قد بدأت وغالبا اقتصاد العالم كله هيقع وكله هيبقى زي بعضه . انتهى
بصراحه انا بفكر فى الموضوع
لكن اسمع ان امريكا فيها تفرقه عنصريه للمسلمين و انا مراتى محجبه - علشان كده انا بفكر فى الهجره لكندا
لكن عاوز اروح هناك بمعادله لتخصصى (سواء لامريكا او كندا) - علشان اتفادى البهدله اللى فى المرحله الاولى قدر المستطاع خاصه انى متجوز و عندى طفلين
انا مهندس برمجيات - خريج كليه علوم قسم علوم الحاسب الالى
فهل ينفع اعمل المعادله دى و انا فى مصر ؟؟ و ازاى و منين
انا مقيم فى القاهره بالمناسبه