مساعدة عاجلة من ذوي الخبرة والتجربة للماتركس

**loooooka** · 14-09-2013 03:36 PM

السلام عليكم،
انا الحمد لله رب العالمين اشتريت عربية هيونداي لافيتا 2001 كاملة cr من بورسعيد والعربية الحمد لله رائعة ولكن احتاج مساعدتكم في الاتي:
1- لمبة الفرامل في التابلوة منورة علي طول رغم اني منزل فرامل اليد واول ما تحرك بالعربية وتوصل سرعة 15 كيلو يشتغل انذار زي بتاع الباب لما يكون مفتوح بالظبط ومبيفصلش خالص الا لما العربية توقف، هل السويتش بتاع فرامل اليد مش شغال او عاوز يتنضف مثلا.
2- لمبات abs & tcs منورين طول الوقت ومحتاج اكشف كمبيوتر عليهم فين افضل مركز ممكن يعمل الكشف ويقبل يشتعل في اللافيتا.
3- عندي كمبيوتر رحلات في التابلوه مش فاهم حاجات فية لو حد عنده كاتالوج للعربية شرح وتوضيح ياريت يرفعة.

شكرا لحسن تجاوبكم.

**profimh** · 14-09-2013 06:07 PM

ربنا يباركلك فيها
اكشف على زيت الفرامل و شوف مستواه فين لانه لو ناقص هينور الانوار اللى انت بتقول عليها دى كلها و

اما الصوت اللى بعد 15 كيلو فاغلب الظن نظام الغلق المركزى يا اما معلق و محتاج ريسيت يا اما فى مشكلة فى باب من الابواب

يا ريت تصور الوجوهات اللى انت مش فاهمها فى كمبيوتر الرحلات و انا هكون معاك اقلك عليها
للاسف معنديش مانيوال ليها

اى استفسار تحت امرك

**loooooka** · 15-09-2013 12:06 PM

المشاركة الأصلية كتبت بواسطة profimh

ربنا يباركلك فيها
اكشف على زيت الفرامل و شوف مستواه فين لانه لو ناقص هينور الانوار اللى انت بتقول عليها دى كلها و

اما الصوت اللى بعد 15 كيلو فاغلب الظن نظام الغلق المركزى يا اما معلق و محتاج ريسيت يا اما فى مشكلة فى باب من الابواب

يا ريت تصور الوجوهات اللى انت مش فاهمها فى كمبيوتر الرحلات و انا هكون معاك اقلك عليها
للاسف معنديش مانيوال ليها

اى استفسار تحت امرك

متشكر جدا استاذنا الكريم
المشكلة اتحلت الحمد لله كشفت كمبيوتر وكان في حساس الفرده اليمين قدام والشمال ورا بايظين والحمد لله غيرتهم استيراد بـ 350 جنيه وكل لمبات Break, ABS & TCS فصلت وكمان الانذار فصل لانة كان متعلق بالفرامل.

شكرا مرة اخري للتجاوب السريع.

**profimh** · 15-09-2013 12:12 PM

لاشكر على واجب
المهم تمام كده
نشوف حكاية كمبيوتر الرحلات و لا دى لقتلها حل

ربنا يحفظهالك يديك خيرها و يبعد عنك شرها و يبعد عنها مطبات بلدنا العظيمة الشرقية اقصد جبالنا ههههههههه

**loooooka** · 15-09-2013 04:14 PM

المشاركة الأصلية كتبت بواسطة profimh

لاشكر على واجب
المهم تمام كده
نشوف حكاية كمبيوتر الرحلات و لا دى لقتلها حل

ربنا يحفظهالك يديك خيرها و يبعد عنك شرها و يبعد عنها مطبات بلدنا العظيمة الشرقية اقصد جبالنا ههههههههه

كمبيوتر الرحلات تمام بس في كام حاجة مش فاهم معناهم ايه هحاول اصورهم ان شاء الله.
شكرا

**خالد وافى** · 09-02-2015 04:12 PM

السلام عليكم
انا عربيتى ماتركس لافيتا موديل 2002
وعندى مشكلة فى ال abs ورحت للكهربائى دخل العربية على الكمبيوتر وقالى ان الكمبيوتر مش قارى ال abs بتعها وقالى عايز يتغير المهم رحت للميكانيكى وجبت abs استيراد وركبتو بس نفس المشكلة احترت اعمل اية رجاء الرد ولك جزيل الشكر