أسترا كوزمو تربو سيدان 2013

**eng_ah_xxxx** · 14-09-2013 04:55 PM

السلام عليكم منذ أسبوع عملت اول صيانة وغيرت زيت لكن لم اضع زيت موبيل وان وجبت زيت شيل التر هليكس انتاج 7/2013 لان كل الزيت الكاسترول فى الاسكندرية انتاج 8/2010 فقلقت اضعه وكان معى صاحبى بس معة استرا الفئة الثانية ووضع زيت موبيل وان المهم بعد الانتهاء لاحظت ان صوت سيارتى على السلانسية وفى الصباح أهدأ كثير من موبيل وان على فكرة من كلام مهندس فى التوكيل ان الزيت الموبيل وان سئ جدا وان الموضوع كلة علاقات تجارية وايضا سحب السيارة لاحظت انه اصبح احسن زيادة لكن مازلت اقول ان هذة السيارة وخصوصا التربو مظلومة مع الفتيس لانه تقليدى مع ان اعطالة قليلة وعمرة طويل باذن الله ايضا لاحظت ان كتالوج السيارة وموقع اوبل المانيا يوصى بزيت 5w-30 ولكن هذة اللزوجة غير موجودة فى الزيوت فى مصر وايضا لان الجو حار اكثر كثيرا من المانيا والزحمة والتراب فتكون اقرب لزوجة لهذا الزيت التخليقى 5w-40 وهذا متوفر فى معظم الزيوت التخليقية فى مصر(كاسترول وشيل وفيسكو) ماعدا موبيل وان 5w-50

**eng_ah_xxxx** · 14-09-2013 05:09 PM

اسف نسيت اقول ان صوت الهواء الذى يخبط ناحية السائق ناحية العجلة قالوا أنة عرفوة واصبح تصليحة عادى وبسيط جدا مجرد فك العجلة وحل الcover فوقها وقفل وتثبيت شئ معين وان 80 % من السيارات الذى ظهر فيهم الصوت كان ناحية الشمال والقليل ناحيةاليمين والقليل جدا جدا الناحيتين وانا بصراحة مش ناوى اعملة الان

**K.Ossama** · 14-09-2013 09:45 PM

المشاركة الأصلية كتبت بواسطة eng_ah_xxxx

اسف نسيت اقول ان صوت الهواء الذى يخبط ناحية السائق ناحية العجلة قالوا أنة عرفوة واصبح تصليحة عادى وبسيط جدا مجرد فك العجلة وحل الcover فوقها وقفل وتثبيت شئ معين وان 80 % من السيارات الذى ظهر فيهم الصوت كان ناحية الشمال والقليل ناحيةاليمين والقليل جدا جدا الناحيتين وانا بصراحة مش ناوى اعملة الان

ده تمام اوى يا ريت يكون حل جذرى فعلاً
ممكن حصرتك تنقل الكلام ده لموضوع رابطة المالكين

http://www.nilemotors.net/Nile/338067-j.html

**Ahmed Amin** · 14-09-2013 09:47 PM

ألف مبروك علي الصيانة وشكراً علي التقرير,
وفعلاً زيت موبيل زفت وان في مصر من أسوء الزيوت اللي موجودة في السوق,
وقلنا كدا كتير أنو بيسخن العربيات وبيعلي صوت الموتور ومش بيريح العربية,
بس محدش بيعرف إلا أما بيجرب بنفسة,,

وأنا دايماً بعمل زيك كدا باخد معايا زيت شيل وأنا رايح التوكل لانهم بيغيرو بزيت موبيل هناك لتعاقدهم مع موبيل كحال أغلب توكيلات مصر, وبيغيرو لي بزيت شيل عادي,,

المهم مبروك علي الصيانة وعقبال صيانة ال 100 ألف.

**hossam_elwani** · 15-09-2013 12:57 AM

المشاركة الأصلية كتبت بواسطة leitosr

ألف مبروك علي الصيانة وشكراً علي التقرير,
وفعلاً زيت موبيل زفت وان في مصر من أسوء الزيوت اللي موجودة في السوق,
وقلنا كدا كتير أنو بيسخن العربيات وبيعلي صوت الموتور ومش بيريح العربية,
بس محدش بيعرف إلا أما بيجرب بنفسة,,

وأنا دايماً بعمل زيك كدا باخد معايا زيت شيل وأنا رايح التوكل لانهم بيغيرو بزيت موبيل هناك لتعاقدهم مع موبيل كحال أغلب توكيلات مصر, وبيغيرو لي بزيت شيل عادي,,

المهم مبروك علي الصيانة وعقبال صيانة ال 100 ألف.

كنت عايز سألك هما عادى بيقبلو انك تجيب الزيت معاك من بره ولا بتتحايل عليهم ؟؟

**Ahmed Amin** · 15-09-2013 02:32 AM

المشاركة الأصلية كتبت بواسطة hossam_elwani

كنت عايز سألك هما عادى بيقبلو انك تجيب الزيت معاك من بره ولا بتتحايل عليهم ؟؟

بيقبلو عادي ومش بتحايل ولا حاجة,
وأنا هحكيلك الموقف جه أزاي معايا بالتفصيل عشان تستفاد من تجربتي,,

أول كام مرة كنت بسيبهم يغيرو لي الزيت والفلتر وأحاسب وأمشي عادي,,
بعد كدا في مرة كنت بغير زيت في مركز خدمة رسمي تبع التوكيل ولاقيتهم مش بيغيرو غير بزيت شيل بس عندهم,

ولما سألت صاحب المركز دا عن السبب قالي لي أنو أحسن زيت في مصر وأفضل من موبيل بمراحل,
وأنا أصلاً كنت بستعمله في الانسر علي طول وكنت مرتاحلة, بس مفكرتش أني أخد معايا الزيت التوكيل قبل كدا وأطلب منهم يغيرو لي بيه,

المهم لما طلعت بالعربية من عندهم حسيت أني كنت ظالم العربية معايا, الموتور بقي أنعم بمراحل وأستجابة الدواسة أسرع, صوت الموتور أهدي ومفيش سخونية طالعة من الكبوت زي أيام موبيل.

المهم في غيار الزيت الي بعده روحت التوكيل في أبو رواش, وعديت علي بنزينة شيل قبل ما أروح وأشتريت جركن شيل ألترا المشهور في مصر ب 10 الاف, وطلعت بيه علي التوكيل,

دخلت أستقبلني المهندس, قالي حابب تعمل أيه قلت له أغير زيت,
كتب في أمر الشغل تغير زيت, ولسه هيقفل أمر الشغل ويدخل بيه قلت له أنا جايب الزيت معايا,

فتنح شوية كدا وبص في أمر الشغل وحسسني أنو مش هينفع وأني ليه جبت زيت معايا من برة,
وكان جديد عليا الموقف, فقلت له بص أنا مغير بيه أخر مرة في مركز خدمة تبعكم والزيت ريح العربية في السحب والصوت وأنا معود العربية عليه وعايز أكمل عليه,
فا شوف لو هينفع نغير بيه يبقي خير وبركة, لو منفعش مش مشكلة وانا هرجعه للبنزينة وأنا مروح.

فقالي ماشي هدخل أشوف في الأدارة وأرجع لك, دخل بالظبط 3 دقايق وطلع لي قالي ماشي,
وكتب في أمر الشغل "العميل أحضر الزيت معه" تحت كلمة تغير زيت وفلتر زيت,,

ودفعت بس حق فلتر الزيت, ومصنعية التغير, وأتشال البند الخاص بالزيت لأني مشترتهوش من عندهم.
وطلعت من عندهم برضه حاسس بفرق تاني كبير عن أيام موبيل خصوصاً في المشي علي الصحراوي كنت بحس إن العربية تقيلة ومش بتسحب بزيت موبيل بتاعهم.

المرة اللي بعدها, روحت أستقبلني مهندس تاني غيرة, وكنت جايب معايا الجركن برضه وأتكرر نفس الموقف,, بس كان المهندس دا رخم بقي وقالي مش هينفع,
فقلت له لا هينفع أنا مغير بيه هنا المرة اللي فاتت ودا زيت مش قطع غيار, قالي ميحصلش وهوا حصل طبعاً ومينفعش فعصبني, وأنا كنت متعلم من الدرس القديم,

فقت له طب بص, عندك الأدارة جوا, أدخل أسئلهم دلوقتي قلهم في عميل واقف بره عايز يغير زيت, وجايب الزيت معاه, وهيغير الزيت بس وأخد الفلتر من عندكم وأدفع مصنعية التغير عندكم,,
ولو مش هينفع همشي دلوقتي حالاً,,,,,,,,,,,,,

فبصلي وقالي ماشي, دخل وطلع لي حاطط وشة في الأرض لأنه قعد يفتي ويقفلها في وشي بدون ما يرجع للأدارة ومش من حقة إن ياخد قرار زي دا علي مزاجه,
وكتب في أمر الشغل "العميل أحضر الزيت" وقالي هنغير بالزيت اللي معاك.

بعدها بقي في المراكز غمرة وصلاح سالم وأسكندرية العامرية, ودي مراكز بيجو بالمناسبة عشان محدش هنا يستغرب,,
كله كنت بروح لهم بالجركن وبيغيرو عادي علي طول من غير مشاكل, لانه ملصحة ليهم
ومحدش غلس بعدها,
ولأن لوحد غلس هدخل للأدارة ولو غلسو هقولهم شكراً وأشتري الفلتر من عندهم أو من برة من أي محل معتمد وأغير الزيت والفلتر في أي مكان ب 10 جنيه بس, بدل ما بغيرة ب 80 جنيه عندهم هما أولي بيهم.!

**hossam_elwani** · 15-09-2013 02:21 PM

المشاركة الأصلية كتبت بواسطة leitosr

بيقبلو عادي ومش بتحايل ولا حاجة,
وأنا هحكيلك الموقف جه أزاي معايا بالتفصيل عشان تستفاد من تجربتي,,

أول كام مرة كنت بسيبهم يغيرو لي الزيت والفلتر وأحاسب وأمشي عادي,,
بعد كدا في مرة كنت بغير زيت في مركز خدمة رسمي تبع التوكيل ولاقيتهم مش بيغيرو غير بزيت شيل بس عندهم,

ولما سألت صاحب المركز دا عن السبب قالي لي أنو أحسن زيت في مصر وأفضل من موبيل بمراحل,
وأنا أصلاً كنت بستعمله في الانسر علي طول وكنت مرتاحلة, بس مفكرتش أني أخد معايا الزيت التوكيل قبل كدا وأطلب منهم يغيرو لي بيه,

المهم لما طلعت بالعربية من عندهم حسيت أني كنت ظالم العربية معايا, الموتور بقي أنعم بمراحل وأستجابة الدواسة أسرع, صوت الموتور أهدي ومفيش سخونية طالعة من الكبوت زي أيام موبيل.

المهم في غيار الزيت الي بعده روحت التوكيل في أبو رواش, وعديت علي بنزينة شيل قبل ما أروح وأشتريت جركن شيل ألترا المشهور في مصر ب 10 الاف, وطلعت بيه علي التوكيل,

دخلت أستقبلني المهندس, قالي حابب تعمل أيه قلت له أغير زيت,
كتب في أمر الشغل تغير زيت, ولسه هيقفل أمر الشغل ويدخل بيه قلت له أنا جايب الزيت معايا,

فتنح شوية كدا وبص في أمر الشغل وحسسني أنو مش هينفع وأني ليه جبت زيت معايا من برة,
وكان جديد عليا الموقف, فقلت له بص أنا مغير بيه أخر مرة في مركز خدمة تبعكم والزيت ريح العربية في السحب والصوت وأنا معود العربية عليه وعايز أكمل عليه,
فا شوف لو هينفع نغير بيه يبقي خير وبركة, لو منفعش مش مشكلة وانا هرجعه للبنزينة وأنا مروح.

فقالي ماشي هدخل أشوف في الأدارة وأرجع لك, دخل بالظبط 3 دقايق وطلع لي قالي ماشي,
وكتب في أمر الشغل "العميل أحضر الزيت معه" تحت كلمة تغير زيت وفلتر زيت,,

ودفعت بس حق فلتر الزيت, ومصنعية التغير, وأتشال البند الخاص بالزيت لأني مشترتهوش من عندهم.
وطلعت من عندهم برضه حاسس بفرق تاني كبير عن أيام موبيل خصوصاً في المشي علي الصحراوي كنت بحس إن العربية تقيلة ومش بتسحب بزيت موبيل بتاعهم.

المرة اللي بعدها, روحت أستقبلني مهندس تاني غيرة, وكنت جايب معايا الجركن برضه وأتكرر نفس الموقف,, بس كان المهندس دا رخم بقي وقالي مش هينفع,
فقلت له لا هينفع أنا مغير بيه هنا المرة اللي فاتت ودا زيت مش قطع غيار, قالي ميحصلش وهوا حصل طبعاً ومينفعش فعصبني, وأنا كنت متعلم من الدرس القديم,

فقت له طب بص, عندك الأدارة جوا, أدخل أسئلهم دلوقتي قلهم في عميل واقف بره عايز يغير زيت, وجايب الزيت معاه, وهيغير الزيت بس وأخد الفلتر من عندكم وأدفع مصنعية التغير عندكم,,
ولو مش هينفع همشي دلوقتي حالاً,,,,,,,,,,,,,

فبصلي وقالي ماشي, دخل وطلع لي حاطط وشة في الأرض لأنه قعد يفتي ويقفلها في وشي بدون ما يرجع للأدارة ومش من حقة إن ياخد قرار زي دا علي مزاجه,
وكتب في أمر الشغل "العميل أحضر الزيت" وقالي هنغير بالزيت اللي معاك.

بعدها بقي في المراكز غمرة وصلاح سالم وأسكندرية العامرية, ودي مراكز بيجو بالمناسبة عشان محدش هنا يستغرب,,
كله كنت بروح لهم بالجركن وبيغيرو عادي علي طول من غير مشاكل, لانه ملصحة ليهم
ومحدش غلس بعدها,
ولأن لوحد غلس هدخل للأدارة ولو غلسو هقولهم شكراً وأشتري الفلتر من عندهم أو من برة من أي محل معتمد وأغير الزيت والفلتر في أي مكان ب 10 جنيه بس, بدل ما بغيرة ب 80 جنيه عندهم هما أولي بيهم.!

الف شكر على الرد التفصيلى ده

بس هيا مصنعية تغيير الزيت والفلتر 80 جنيه ؟؟ !!!!!!!!!!!!!!!

**Ahmed Amin** · 15-09-2013 11:20 PM

المشاركة الأصلية كتبت بواسطة hossam_elwani

الف شكر على الرد التفصيلى ده

بس هيا مصنعية تغيير الزيت والفلتر 80 جنيه ؟؟ !!!!!!!!!!!!!!!

عندنا في بيجو كدا في التوكيل, وفي مراكز الخدمة تقريبا 40.
ومن فترة عربية جديدة عملت صيانة ال 10 الأف بحوالي 150 عشان كان فيه تربيط عفشة وشوية نثريات,
هما عندهم جدول علي حسب الوقت الوقت اللي بتاخدة العربية بتتحسب التكلفة,
معظم توكيلات مصر التكلفة فيها من 40 ودي صعبة لحد 100 وشوية, دا الرينج يعني.

ونيصحة مني متستغلاش الرقم دا, عشان لو فكرت تجيب الفلتر وركبت برة,
وواحد قرص لك عليه في الفك أو التركيب وباظ أو أتكسر,
هتخرج العربية من الضمان, وهتخسر أي ضمان ليك خصوصاً لو طلع عندك عيب صناعة مع الوقت وهتصلح علي حسابك,,

نفس الكلام مع صيانة ال 30 أو ال 40 اللي فيها تغير بوجيهات,
البوجيهات بتاعت الفابريكة بتاعتها بيكون متقرط عليها جامد, ولازم اللي بيفكها تكون أيديه متمرسة والعدة الأصلية بتاعت سيفرولية اللي بيفك بيها,
لأن معظم الميكانيكة برة بتستخدم عده تعبانة واليد بتنكسر,,
أو لو البوجيه نفسه أتكسر من الفك بعنف أو التقريط عليه جامد في التركيب للجديد,
هتدخل نفسك في متاهات وقصص أنت في غني عنها,

خليك علي الأقل أول 40 ألف كيلو منتظم مع التوكيل في الصيانات,
بعدين في صيانة ال 60 لو الكاتينة كاوتش تغير في التوكيل برضه, عشان دي روح الماتور, وهناك تغيرها هيديك ضمان, لكن لو غيرت برة وخلفت في التوقيت أو أتقطعت هتجيب وش سلندر علي طول,
وبراحتك بعد كدا لما تخلص ضمانك..