مشكلتين قدام بس مش لاقى حل

**aldesha989** · 15-09-2013 04:01 AM

السلام عليكم ورحمة الله وبركاتة

بصو يا شباب عندى مشكلتين فى حاجه واحده

اول حاجه فى صوت تكتكه من نحية الكمبروسيسور مجنانى ساعات تظهر وساعات لا وبتظهر اوقات كتير لما يكون التحميل على الكهرباء كبير يعنى ممكن وانا ماشى ما يكنش فى تكتكه وانا مشغل التكيف الا لما المروحه بتاعت الردرياتير تبتدى تشتغل والتكتكه بتروح لما بكون ماشى لو وقفت فى اشاره او زحمه ساعات تطلع وساعات لا فى ناس بتقول بلف الكباس بس بلف الكباس كان هيعمل كده على طول مش ساعات وساعات وماكنش هيظهر فى تحميل الكهرباء وعلى فكره التكيف مش بيتأثر نهائى وبليل بيكون تلاجه وبالنهار بيكون حلو مش بطال

تانى حاجه لما بشغل التكيف العربيه بترجرج وطبعآ الموضوع بيتحل لو عليت الماتور بس لو عليته هيعلى اوى يعنى ممكن rpm 2 علشان العربيه ما ترجرجش وده طبعآ غير انه هيأكل بنزين كتير هيكون صوت الماتور عالى ومش هقدر اوطيه حتى لما اقفل التكيف فأكيد فى حاجه غلط

قواعد الماتور سليمه ومغير قاعده بايظه من شهر ومغير الفاكيوم اللى بيعلى الماتور لما التكيف يشتغل علشان كان فى واحد مش شغال والكهرباء المفروض انها مظبوطه بس مش عارف ايه المشكلة وماحدش يقولى التكيف بيحمل على العربيه علشان اللى عملها اكيد عارف

ياريت ارائكم واقترحاتكم يا شباب

**svneleven** · 15-09-2013 06:08 AM

حضرتك بتقول مع التحميل علي الكهربا. مش ممكن تكون بلية الدينامو؟

**aldesha989** · 15-09-2013 06:15 AM

المشاركة الأصلية كتبت بواسطة svneleven

حضرتك بتقول مع التحميل علي الكهربا. مش ممكن تكون بلية الدينامو؟

بس صوت التكتكه جاى من عند الكباس وكمان لو فى تحميل من غير التكيف مش بيطلع الصوت ده

هى ممكن بلية الدينمو تخلى العربيه ترعش لما اولع النور العالى او المروحه لما تشتغل العربيه ترعش ولا ملهاش علاقه ؟

**saddam** · 15-09-2013 06:48 AM

صديقي المواطن يا إما الكباس مفيهوش زيت يا إما البليو بتاعت الكباس منتهية
أما الرعشة لما تشغل نور عالي وتشتغل المروحة فده سببه إن الدينمو.صغير عالعربية ومحتاج تركب أمبير أعلى وكذلك البطارية دايما ركب أعلى من الفبريكة بعد متخلص بدرجة ودمتم للنضال بالنسبة للرجرجة يا ريت تقلي عربيتك إيه وموديلها إيها وكربريتير ولا إنجكشن

**aldesha989** · 15-09-2013 06:57 AM

المشاركة الأصلية كتبت بواسطة saddam

صديقي المواطن يا إما الكباس مفيهوش زيت يا إما البليو بتاعت الكباس منتهية
أما الرعشة لما تشغل نور عالي وتشتغل المروحة فده سببه إن الدينمو.صغير عالعربية ومحتاج تركب أمبير أعلى وكذلك البطارية دايما ركب أعلى من الفبريكة بعد متخلص بدرجة ودمتم للنضال بالنسبة للرجرجة يا ريت تقلي عربيتك إيه وموديلها إيها وكربريتير ولا إنجكشن

الكباس اخر مره شاحنه من شهرين خليته يحطلى زيت حوالى ربع كوبايه او اقل شويه

البطاريه اللى راكبه 35 امبير ومستنيها تبوظ علشان اغيرها ولو لسه الرعشه مع النور موجوده هقلب الدينمو لان الاتنين مش مقصرين من اسبوع البطاريه نامت بسبب ان الكتاوت بتاعت المروحه علقت وجيبت الكهربائى اديته زقه ودارت وبعدها بمتين متر بطلنا ودورنا دارت تانى يعنى المفروض ان الدينمو شحنه سريعه والبطاريه كويسه لانها قامت بسرعه مع المروحه علقت مش اقل من ساعه ونص

العربيه موديل 98 مازدا 121 ماتورها 121 كربراتير للاسف

**saddam** · 15-09-2013 09:33 AM

صديقي المواطن.بطارية 35 أمبير = مهزلة إنت تجيب بطارية أقصى حاجة يستحملها مكان البطارية عندك زي 74 أمبير وأضعف الحلال 66 أمبير أما زيت الكباس فلا علاقة.له بصوت البلي الزيت علاقته بالبساتم الداخلية أنا عايزك تجيب مفتاح 13 وترخي اﻷسبراتير شوية ولفه لفه بسيطة شمال أو يمين لغاية متوصل لدرجة تريحك في السواقة وحط مع التنك علبتين منظف كربريتير من باب اﻹحتياط وغير فلتر البنزين تاني ودمتم للنضال وشغل التكييف والعربية واقفة وإفتح كبوت ودوس بنزين وحط ودانك عند الكباس لو طلع صوت خشانة مستمرة.فده بلي لازم يتغير ولو طلع صوت تكسير فده بلي على تعب في البساتم بتاعته

**aldesha989** · 15-09-2013 08:32 PM

المشاركة الأصلية كتبت بواسطة saddam

صديقي المواطن.بطارية 35 أمبير = مهزلة إنت تجيب بطارية أقصى حاجة يستحملها مكان البطارية عندك زي 74 أمبير وأضعف الحلال 66 أمبير أما زيت الكباس فلا علاقة.له بصوت البلي الزيت علاقته بالبساتم الداخلية أنا عايزك تجيب مفتاح 13 وترخي اﻷسبراتير شوية ولفه لفه بسيطة شمال أو يمين لغاية متوصل لدرجة تريحك في السواقة وحط مع التنك علبتين منظف كربريتير من باب اﻹحتياط وغير فلتر البنزين تاني ودمتم للنضال وشغل التكييف والعربية واقفة وإفتح كبوت ودوس بنزين وحط ودانك عند الكباس لو طلع صوت خشانة مستمرة.فده بلي لازم يتغير ولو طلع صوت تكسير فده بلي على تعب في البساتم بتاعته

هو انا لما جيبت العربيه كانت البطاريه فيها ولسه شغاله علشان كده ما ركبتش اعلى منها

المشكلة انى حاولت اظبط الكهرباء قبل كده واتخنقت لانى ما حستش بأختلاف غير فى الحرق يعنى لازم كل مره اطلع احرق على الغيارات علشان اتاكد من الكهرباء والدواره غير كده ما بحسش انها بتفرق فى حاجه تانيه فلتر البنزين غيرته مرتين ومعايا فلتر جديد لسه ما ركبتهوش بالنسبه للمنظف مافيش حاجه تنضف التانك ولا لازم يتفك ؟

هو الكباس مش بيطلع صوت غير صوت التكتكه اللى عامله زى شرارة سلك البوجيه بس

**saddam** · 15-09-2013 08:41 PM

صديقي المواطن.المنظف يتحط مع البنزين في التنك بينظف كل دورة.الوقود مش بس الكربريتير وعشان كده بيقلك قبلها تغير فلتر بنزين وبعدها تغير فلتى بنزين ثم كل شهر تحط واحد عشان تحافظ على عربيتك بعيد عن الميكانيكية سعر الغبوة 20 جنيه في التوفيقية وفيه ب 15 وفيه غالي ملوش لزمة وهات منظف صبابات برضو ب 20 خد بالك نفس الحاجات دي في البنزينات ب 37:جنيه ودمتم للنضال

**aldesha989** · 15-09-2013 08:48 PM

المشاركة الأصلية كتبت بواسطة saddam

صديقي المواطن.المنظف يتحط مع البنزين في التنك بينظف كل دورة.الوقود مش بس الكربريتير وعشان كده بيقلك قبلها تغير فلتر بنزين وبعدها تغير فلتى بنزين ثم كل شهر تحط واحد عشان تحافظ على عربيتك بعيد عن الميكانيكية سعر الغبوة 20 جنيه في التوفيقية وفيه ب 15 وفيه غالي ملوش لزمة وهات منظف صبابات برضو ب 20 خد بالك نفس الحاجات دي في البنزينات ب 37:جنيه ودمتم للنضال

جزاك الله كل خير

هل له اسم معين منظف كويس معروف