العربية تعبتنى ارجو المساعدة

**Fancy_man22** · 15-09-2013 10:37 AM

امبارح كان عندى فرح ف اضطريت انى اغسل العربية و كمان انا الى غسلتها علشان عارف ان فى حجات بتبوظ لو غسلتها فى مغسلة بس ياسيدى ومن ساعتها و العربية لما اشغل التكييف فى صوت زنة جامدة جدا مع مروحة التكييف تانى حاجة العربية و انا ماشى على ٥٠ كم بحس ان فى رجة جامدة فى العربية و مش عاوزة تزود ومرة واحدة تروح الرجة مع كبس بنزين و العربية تجرى تالت حاجة الكك داون مش شغال مش عارف لية لما اجى اعمل كك داون العربية بتقطع كأنى دوست بنزين و شلت رجلى و دوست تانى كأنها بتقطع بنزين رابع حاجة ودى بتحصل مع الغيار التانى فقط انى بلاقى صوت العربية بيعلى بس العربية بتتحرك عادى بس مش بنفس المقدار المساوى لدوسة البنزين و الار بى ام يعلى لغاية ٢.٢ و مرة واحدة يروح نازل. ل١.٨ والعربية تمشى عادى جدا
لو حد يعرف حاجة ياريت يعرفنى انا بدأت اتخنق من العربية مبقتش فاهملها حاجة خالص

**Ahmed_selmy** · 15-09-2013 12:16 PM

انت غسلتها ازاى .....يعنى بحته مبلوله ,ولا خرطوم ميه ....وهل الميه داخلت ناحية الموتور و هل طالها ميه من تحت؟؟
لان غالبا فى حساس او حاجه طاله ميه .....انا مش عارف بالظبط بس هى غالبا حاجه وصلها ميه وبتهيس
علشان كدا فى المحطات بعد العسيل لازم بينفخها بهوا علشان يطير كل الميه .
والله اعلم

**Fancy_man22** · 15-09-2013 12:22 PM

غسلتها بخرطوم و فعلن فى مية وصلت للمتور بس مش كتير دا كأنك دلقت كوباية مية على المتور بس
طب الحل اية انا قلت انا لما العربية تنشف هتهدى كل حاجة بس للاسف مافيش حاجة هديت و لسة زى م هية

**Fancy_man22** · 15-09-2013 04:17 PM

يا وحوووش الميجن و استشارى الرينو اين انتم افيدون ارجوكم العربية بتنتش منى زى م يكون ممونها بنزين و العربية عملاها معايا

**amigo_magdos** · 15-09-2013 04:41 PM

فك كبلات البوجيهات و انفخها بالهوا.

**Fancy_man22** · 15-09-2013 08:47 PM

[QUOTE=amigo_magdos;3875182488]فك كبلات البوجيهات و انفخها بالهوا.[/QUOباشا شكرا على المتابعة و الرد بس انا عملت زى م حضررتك قلتلى و فكيت الكبلات و لقتها مبلولة فعلا و نضفتها و نفختها بالهوا بس المشكلة بتاعت التنتيش لسة زى م هيه اعمل ايى تانى ؟؟

**Hany Saad** · 15-09-2013 08:58 PM

كويلات......

**Ahmed Selim** · 15-09-2013 09:43 PM

فعلاً غالباً الكويلات باظت أو كانت بايظة اصلاً و الغسيل زودها.

أنا غسلت الموتور كتير قبل كده فى البنزينة و عادي مفيش حاجة بتحصل.

**Ahmed Selim** · 16-09-2013 11:55 AM

المشاركة الأصلية كتبت بواسطة fancy_man22

لو على قد كويلات بسيطة الحمد لله انا روحت للميكانيكى و قالى ان العربية متلتة يعنى شغالة ب ثلاث كويلات فقط اجبهم من فين و اركبهم عند مييييييين والسعر هيكون فى رنج كام علشان اعمل حسابى

متلتة يعني شغالة ب 3 كويلات/سلندرات بس.........يعني أنت محتاج كويل واحد فقط لا غير.

سعره بيتراوح من 150 ل 400 فى شارع دمشق........حسب الصناعة......طبعاً اللى ب 150 ده صيني و يا ريت تبعد عنه.

لو أنت مفيش حد عندك فى الإسماعيلية بيبيع قطع غيار رينو و هتنزل مخصوص للقاهرة يبقى الأفضل تجيب أتنين......واحد تستعمله و التاني تخليه للطوارئ.