الموضوع: العربية بقت مخنوقة ارجو المساعدة

السلام عليكم
ازيكم يارب تكونوا بخير وبصحة دايمة ان شاء الله

انا ياجماعة بقالى كام يوم حاسس ان العربية مخنوقة لحد ما تعدى 2اربى ام وبعدين تفوق تانى ومش عارف اية السبب
افسرلكم الموضوع اكتر شوية
لما اجى امشى بالعربية بتكون مخنوقة زى ما شرحت فى اول الموضوع وبعدين الخنقة بتفك وبتجمع
فجربت اقرص على الغيار اشوف اية حكاية الخنقة دى بمجرد ما عدت 2.5 راحت لحد ما نقلت على 4.5 بس كنت بسايس دواسة البنزين يبقى كدة عرفنا ان الخنقة بتفك بعد ما تعدى 2او2.5

فى بقى حاجة تانية لما اجى بقى اكبس بنزين جامد بردو فى خنقة وبتفك زى ما قلت بس لقيت حاجة غريبة اوى اول مرة الاحظها
انى لقيت العربية اتكتفت وزى مايكون الغيار قفل ومفيش استجابة
تعرفوا لما تيجى ماشى على الرابع وتنزل على الثالت مش بتلاقى العربية بتتكفى لقدام وبتاخد عزم اكبر وبتجمع
اهو لما الغيار بيقفل احس بتعمل كدة بالظبت بس خلاص مش قابلة اى استجابة غير لو تقلت للغيار اللى بعدة

تفتكروا الموضوع دة من اية وارجو من حضرتكم سرعة الرد عشان اخلص المشكلة دى فى الانجاز والعربية متفضلش كدة ومع العلم ان مشى العربية مش قرص وفرق وكدة انا كبيرى انقل على 4 اربى ام اقصى حاجة ليا

شوية معلومات
عملت صيانة فى غيار الزيت اللى فات
وغيرت فلتر بنزين وفلتر زيت
بوجيهاتngk وسلوك بوجيهات اصلى
كويل وكوعة ترموستات اللى هيا بلاستك مش المونيوم زلى القديمة
وكدة فاضل 400 ك على غيار الزيت الجديد

والحرارة مظبوطة و استهلاك البنزين مظبوط ومستوى الزيت والمياة ثابت والعادم طبيعى

واسف للأطالة

ان شاء الله فى اقرب وقت اليومين الجايين دول هعدى على الميكانيكى ونشوف
خصوصا لسا جايب طقم كاوتش جديد انبارخ ورصصت وظبت زوايا والصيانة اللى فاتت دافع مبلغ برضةفى شوية الحاتجات اللى غيرتها اللى ذكرتهلكم وغسلت دورة التبريد وحطيت مياة خضرا وشاحن التكييف فا العملية فى النملية
بس كلة يهون عشان نوبيرتى تفضل واقفة على حيلها وابقى مقصرتش معاها فى حاجة