الموضوع: اذا سمحتوا اريد منكم النصيحة لاني مقبل علي شراء الميجان ومحتار بين عربيتين ارجو الرد

المشاركة الأصلية كتبت بواسطة semsem85

قدامي عربيتين 2006 الاولي عاملة 36000 الف كيلو فبريكة بره جو وشكلها نضييف بدون فتحة سقف فيها مثبت جنوط بكارت واحد فيها تجريح غارز في العتب من تحت لكن لما سوقتها وانا بلف الدريكسيون سامع صوت كان حاجه بتطقطق او صوت ترس والابواب في صوت طقطقه والعافشه نوع ما صوتها مش مكتوم لما بنزل في حفره وبيتكلم في 70 الف جنيه ....... الثانية عاملة 100 الف كيلو فبريقة فيها فتحة سقف بدون مثبت بها جنوط العفشه تقريبا زي الفوق رخصة ل 2016 بيتكلم في 65 الف بكارت واحد انا محتار وموضع الكارت ده مش المفروض كارتين وهل ممكن يطلع عليه كارت تاني وبكام وهل ده امان ارجو منكم المساعدة مع خالص الشكر

مبدأياً كده العربية الأولى في قلق...........عداد 36 ألف كيلو يعني عربية زيرو.........أزاي عفشتها تكون بايظة ؟

أكشف فى التوكيل او مراكز الخدمة المعتمدة علشان تعرف كل حاجة فى العربية......هيجيبلك تفاصيلها بالكامل و أيه اللى بايظ فيها و العداد بتاعها صح ولا لأ.

الكشف فى التوكيل ب 550 و فى مراكز الخدمة ب 350 تقريباً

المشاركة الأصلية كتبت بواسطة fancy_man22

باشا متيجى تشترى عربيتى ٢٠٠٨/٢٠٠٩ كاملة كل حاجة ماعدا فتحة السقف فبريكة برة و جو ة و ٧٥٠٠٠ و مفيش فصال ومعاها تيل فاليو لسة مركبتهوش و مساعد استيراد كمان ولسة مركبلها فرش جديد
٩٨٥٠٠٠ كم

باشا لو صاحب الموضوع مش هياخدها قولي لونها أيه و هي 2008 ولا 2009 و الفرش اللى مركبه جلد ولا قماش.

فيه واحد أعرفه بيدور على ميجان...........و هل شغال معاك الكشف فى التوكيل ؟

[QUOTE=Fancy_man22;3875183634]

المشاركة الأصلية كتبت بواسطة Ahmed A.Maksoud

مبدأياً كده العربية الأولى في قلق...........عداد 36 ألف كيلو يعني عربية زيرو.........أزاي عفشتها تكون بايظة ؟

أكشف فى التوكيل او مراكز الخدمة المعتمدة علشان تعرف كل حاجة فى العربية......هيجيبلك تفاصيلها بالكامل و أيه اللى بايظ فيها و العداد بتاعها صح ولا لأ.

الكشف فى التوكيل ب 550 و فى مراكز الخدمة ب 350 تقريباً



باشا لو صاحب الموضوع مش هياخدها قولي لونها أيه و هي 2008 ولا 2009 و الفرش اللى مركبه جلد ولا قماش.

فيه واحد أعرفه بيدور على ميجان...........و هل شغال معاك الكشف فى التوكيل ؟[/QUOTE
لونها فيرانى ترخيص ١٢/١٢/٢٠٠٨ معنديش مانع اكشف ف التوكيل بس المشكلة انى من الاسماعيلية و علشان اجى العبور او المقطم علشان اكشف على العربيى و ارجع تانى من غير م اخلص فيها ف نفس اليوم هيكون صعب انتا ماشاء الله بتفهم ف العربية دى كويس ف انت كفايى و الفرش لونو فيرانى فى اسود والخيط لونة احمر شكلها من جوة بالاجماع من كل اصدقائى تحفة

يا باشا مش هينفع للأسف.........ده أنا واجع دماغه كل شوية بموضوع الكشف فى التوكيل ده.

عموماً هقوله و أبلغك لو فيه جديد.

المشاركة الأصلية كتبت بواسطة semsem85

هو مفيش مكان معتمد او كويس ممكن الكشف فيه غير التوكيل وعاوز حد يقولي علي اسم حد بيعمل كروت اسأل الكارت بكام وهل لما بيعمل الكارت مش ممكن الراجل ينخ عليه اكتر من واحد اعذروني مش فاهم الموضوع كويس

مراكز الخدمة المعتمدة زي الميكانيكيون العرب و فرنش موتورز.

الكارت فيه اكتر من واحد بيعمله.........منهم واحد أسمه عزب فى شارع السودان فى المهندسين و أسمع عن واحد تاني فى مدينة نصر قدام القسم بس مش فاكر أسمه.

و الكارت بيتعمل و العربية واقفة........و أنت أكيد هتكون واقف....يعني هيعمل الكارت قدامك........ده غير أنه أكيد مش عارف أنت ساكن فين :)

المشاركة الأصلية كتبت بواسطة semsem85

هو في شكلين لموديل 2006 هل اللي شاته لونها ابيض افضل من البرتقالي واي منهم في مشاكل الفتيس

المفروض أن الشكل اللى شاشته لونها أبيض أحسن شوية

بس هى القصة أن المشاكل كانت فى أجزاء إستهلاكية...............يعني أجزاء زمانها أتغيرت من فترة فى عربية موديل 2005 أو 2006