الموضوع: افيدونى موتور كيا كارينز

طب والي عربيته عامله 11000 وبتسنهلك برده من 300 الي 350 كيلو في التفويله مع التكيف وحوالي 20مطب يوميا

هل من مجيب

المشاركة الأصلية كتبت بواسطة spidars

طب والي عربيته عامله 11000 وبتسنهلك برده من 300 الي 350 كيلو في التفويله مع التكيف وحوالي 20مطب يوميا

عادى شكل معظم العربيات ال 1600 مع التكييف والزحمه المقرفه ال 45 لتر بيعملوا بتاع 350 كم
يعنى كل 7.77 كم العربيه بتستهلك لتر بنزين
او كل 100 كم العربيه بتستهلك 14 لتر بنزين

سؤال فنى حساس ال o2 راكب فين فى الموتور مع ان معلوماتى بتقول انهم 2 مش حساس واحد

المشاركة الأصلية كتبت بواسطة saddam

صديقي المواطن
إذن.فقط تنظف حساس البوابة ال آي سي واارشاشات فإن.لم يتحسن صرف الوقود فلا بد من تغيير الرشاشات بجديد ودي غالية جدا الواحد ب 375 جنيه بس اﻷول نظف الرشاشات هات 6 علب منظف رشاشات من التوفيقية.أبو 20 جنيه حط في أول تموينة 4 وغير فلتر البنزين قبلها وعيش حياتك تموينة 92 والتموينة اللي بعدها تحط 2 الباقيين وتمشي بيها حتلاقي الرشاشات ودورة.الوقود رجعت جديدة وإحرص من ضمن ال 6 علب بيكون واحد منظف صبابات ومتجيبش الحاجات الغالية أم 68 جنيه العلبة حتتعبنا من.غير إنجاز والتموينة.الثالثة تغير فلتر البنزين تاني ومتسمعش كلام أي مواطن يقلك واحد.أو إثنين كفاية.أنا مجرب في عشرات العربيات مش عربية ولا عربيتين ولو مش عايز تعمل ده فنظف بجهاز اﻷلتراسوند وده ليه عيوبه وليه حسناته ودمتم.للنضال

-حلو قوي يحط 2 علبة منظف على تفويلة واحدة دي

-المصنعين بيلزموا انك تستحدم المنظف على Full tank 50-60 لتر نظرا لانة فية منظفات مركزة ممكن تسبب تلف لنظام حقن الوقود

المشاركة الأصلية كتبت بواسطة toty_305

-حلو قوي يحط 2 علبة منظف على تفويلة واحدة دي

-المصنعين بيلزموا انك تستحدم المنظف على full tank 50-60 لتر نظرا لانة فية منظفات مركزة ممكن تسبب تلف لنظام حقن الوقود

صديقي المواطن
المنظفات دي عملوها لعربيات تعتبر نظيفة مش لعربياتنا وإستعمالنا وجونا.ووساخة بنزيننا الوطني ثم حضرتك إنت بتكلم واحد بيجيب خلاصة.الخلاصة روح حط واحد من أغلى نوع وسمعني أخبارك حتلاقي مفيش فرق أكتر من 10% وكمان أنا مش مجرب في عربية.ولا عربيتين ولا ثلاثة ولا خمسين ولا 150 أنا مجرب في أكثر من 300 عربية وأنا بنصح في المنتدى عن تجارب ولا أنصح عن سمع ولا عن نقل وكمان أنا قاعد مع كذا بتاع جهاز تنظيف رشاشات بالجهاز القديم والحديث ومعلومة أضيفهالك المادة دي لا تأثير لها بتاتا على العربية زادت أو قلت ومفيش فيلم اللي بتاكل مواسير وتنك وطرمبة.واﻷفلام دي أحيانا بسافر سنة وسايب العربية بتاع سنة وماشية أكتر من 250 ألف كيلو و آجي أدور مفيش أقل من.ربه سنة مارش العربية تدور
ودمتم.للنضال
وإنت صح وأنا خطأ

المشاركة الأصلية كتبت بواسطة hugan

والله ياستاذ صدام انا باستفيد جدا من معلوماتك الغزيره في عالم السيارات
يعني علبه واحد ه لاتصلح للتنظيف
طب ايه رائيك في المنظفات اللي بتباع في محطات البنزين

صديقي المواطن
جزاك.الله.عني خيرا وأنا في خدمتك
علبة.واحدة.لا تصلح ولا إثنان ولا ثلاثة
التأثير يبدأ من 3 منظف رشاشات وواحدة.منظف صبابات وبعض السيارات شديدة الضياع تحتاج ل 6 علب على تفويلتين أم 70 لتر مع.تغيير بوجيهات وفلتر هواء وفلترين بنزين أما التنظيف بعلبة واحدة فده واجب في مصر مرة.واحدة.شهريا بعد متكون عربيتك زيرو أو لسه منظف تنظيفة شديدة اللهجة على فكرة.فيه أنواع مكتوب عليها يوضع مع كل تموينة

أما منظفات في البنزينة فهي نفسها جاية من التوفيقية لكن الفرق البنزينة بتفرض عليك نوع واحد ويقلك 68 أو 45 إنما في التوفيقية هو.نفسه بيبدا من 15 أنا بحط وينز بنفسجي ب 20 في الجملة وهو بيعمل واجب أفضل من.أبو 68 جنيه والله على ما.أقول شهيد
اﻷخوة المواطنون أنا أكثر حد في الجمهورية بيحب عربيته وأنا بصرف على عربياتي أكثر من أكلي وشربي أنا بغير زيت المحرك ب 800 جنيه تقريبا وفي الغيار بقعد ساعة ونص وبغير 4 فلاتر زيت.في كل.مرة.فمش معقولة حعمل حاجة تضر عربيتي ودمتم.للنضاب