يوم متعب ف توكيل العامرية

**moody_687** · 15-09-2013 07:26 PM

انا روحت اعمل صيانة العربية وغيرت بوجيهات وفلتر زيت ونضفوا الفرامل وظبطوا العفشة وركبولي لمض وغيرت زيت وحطيت موبيل وان 5w30 والاول كنت بحط للاسف xhp خمس الاف ك فكلمت الميكانيكي اللي شغال وقالي غير الزيت موبيل وان ع 7الاف ك لحد مايتظبط معاك الماتور
المهم انا غيرت البطارية كمان بالقشاط عشان كان متاكل والقشاط مكنش عندهم وجابولي واحد صغير بالعافية بس مش بتاع الاوبل وفضلوا يقصوا ف القشاط القديم المتاكل ومهري وظبطوا القشاط الجديد ع سلك القشاط اللي لونه احمر بس اضطروا انهم يشيلوا كفر البطارية ويقفلوا بس بالغطاء البلاستك انا عايز اعرف بقى اغير القشاط اللي ركبهولي التوكيل واركب قشاط اكبر شوية
وكان ليا استفسار العربية اتغسل حوض ماتورها بالكامل والعربية الحمدلله نضفت وطلعت انا والمهندس نجرب العربية ونرجع للتوكيل تانى ولما رجعنا لقيت دخان طالع من الكبوت فاتفجعت وقولت للمهندس ايه الدخان ده قالي عشان الماتور مغسول فقلقت فقولتله معلش وديني لاي ميكانيكي فبص ع الدخان فقالي عشان العربية مغسولة بس وسئلنى ع مؤشر الحرارة قولتله 90 وشرطة قالي متخافش
فانتم ايه رأيكم هل فعلا لما يتغسل الماتور والعربية تتحرك وتعمل مشوار وماتورها يسخن تطلع من داخل الماتور دخان ولا لا
عشان انا هسافر بيها الساحل وحاسس انى مقلق ولا انا اللي قلوق زيادة عن اللزوم
وكمان غطاء البطارية اللي متشال ده قرفني

**saddam** · 15-09-2013 08:23 PM

صديقي المواطن
غسيل الموتور بالطريقة دي مش صح ولكن متخافش ده طبيغي ساعة وكله.حيتبخر أما موضوع القطاش فده كلام مش وطني وأهم حاجة في العربية قطاش محمل وثخين جدا وسعر الفردة.الوحده من القطاش المحترم النحاس 7 جنيه في الجملة في التوفيقية أما في المحلات العادية.فبيتباع الواحد ب 14 جنيه أما موضوع البطارية غطاها مفتوح فده مش فاهمه بس غالبا تقصد الكفر البلاستك فوق كل قطاش وده.موعه بسيط هو حلو منظرا وانا حريص عليه وتقدر تشتريه مع البطارية.الجديدة.أو تجيبه من التوفيقية ب 6 جنيه الطقم أو تحط شحم على القطاشات بتاعتك عشان تفضل تشحن كويس وتبعد عنك اﻷملاح سافر براحتك وموضوعك بسيط ولا تقلق ودمتم للنضال

**Silent~Dream** · 15-09-2013 08:34 PM

المشاركة الأصلية كتبت بواسطة saddam

صديقي المواطن
غسيل الموتور بالطريقة دي مش صح ولكن متخافش ده طبيغي ساعة وكله.حيتبخر أما موضوع القطاش فده كلام مش وطني وأهم حاجة في العربية قطاش محمل وثخين جدا وسعر الفردة.الوحده من القطاش المحترم النحاس 7 جنيه في الجملة في التوفيقية أما في المحلات العادية.فبيتباع الواحد ب 14 جنيه أما موضوع البطارية غطاها مفتوح فده مش فاهمه بس غالبا تقصد الكفر البلاستك فوق كل قطاش وده.موعه بسيط هو حلو منظرا وانا حريص عليه وتقدر تشتريه مع البطارية.الجديدة.أو تجيبه من التوفيقية ب 6 جنيه الطقم أو تحط شحم على القطاشات بتاعتك عشان تفضل تشحن كويس وتبعد عنك اﻷملاح سافر براحتك وموضوعك بسيط ولا تقلق ودمتم للنضال

هو ده المفيد +1

**angel83** · 15-09-2013 10:02 PM

صديقي المواطن صدام
اولا الراجل بيقولك توكيل العامريه يعني من اسكندريه احلي واجمل محافظه في مصر
ثانيا موضوع الموتور ده بيبقي عادي بعد الغسيل بفتره وبعد كده بتروح
ثالثا في واحد كهربائي نضيف اوي في الشارع اللي هوه امتداد شارع الشرطه العسكريه في سموحه بعد اما تعدي مركز اسكندريه للعيون والصنيه اللي في النص قدامه روحلوا وقولوا علي مشكلتك وهيظبطك اما القطاش فده ممكن تلاقيه في شارع صلاح الدين او عذبة سعد او مركز بيع قطع الغيار اللي في توكيل منصور اللي في بنزينة سموحه اللي في دوران فيكتوريا عمانويل وربنا يسهلك الحال ويسترها معانا ومعاك

**amr elsisi** · 16-09-2013 12:03 AM

ايوة خلو رجالت اسكندرية تتجمع

**احمد فهمى** · 16-09-2013 08:38 PM

سيب القشاط عادى مش هيفرق وموضوع الدخنه عادى ده بخار المياه والجاز اللى غسلولك بى وغير مستحب غسيل المتور بالطريقه دى او بغيرها بصراحه ولا تقلق كل ده طبيعى وحط شل بلاش موبيل