الموضوع: مشكلة ف الميجاااان محتااج مساعدة

غالبا بطارية

starter brushes

تكتكة و مش بتشتغل غييير من تاني مرة

المشاركة الأصلية كتبت بواسطة leitosr

تبقي كدا البطارية زي ما قلت لك,
بتودع خالص فالحق غيرها من دلوقتي بدل ما تقف بيك في مشوار او مكان ومتلاقيش حد يعملك توصيلة عشان تدور العربية,
وقيسها برضة عند بتاع البطاريات عشان تتأكد أنها أنتهت.

وخليك فاكر لو العربية عطلت بيك أو وقفت في أي مكان لو أوتو مينفعش تقطرها لازم تتشال علي ونش,
ولو قريب من البيت ممكن تقطرها لمسافة لا تزيد عن 50 كيلو متر, وسرعتك متزيدش عن 50 كم في الساعة برضه, وأكتر من كدا هتأذي الفتيس.

شكرااا ع رد حضرتك بس انا الانوااار عندي مش ضعيفة شغالة عاادى مش ضعيفة
ف احتمااال انها تكووون حاجة تانية ؟؟؟

المشاركة الأصلية كتبت بواسطة leitosr

لا مش حاجة تانية, دي أعراض البطارية,, وعادي أنها هتلاقيها بتنور النور طبيعي والكاسيت طبيعي.

واللي هياكد لك دا حاجتين, أعمل توصيلة مع أي حد, لو دارات من أول مرة تبقي البطارية,
ولما تروح عند بتاع البطاريات خليه يقيس لك البطارية هتلاقيها ضعيفة ولما يركب البطارية الجديدة لما تدور من أول مرة تبقي بطارية,

غير كدا لو عملت توصيلة مع حد, أو ركبت بطارية جديدة ومدارتش من أول مرة,
نبدأ نقول أنها حاجة تانية,

تماااااااااااااام تسلم يا رب بكرة انشاءالله اجرب و اقوول لحضرتك التطورااات