ماشي. بالحجات الي بتقول عليها دي ياباشا بتخن
وهتبقى حلوة للرفعين. لكن احنا تخان خلقه فاحنا عاوزين نخسس تحت ونتخن فوق ... نقطة كمان اشمعنا عصير القصب. هل عصير القصب بيغزي العضلات. ...
ماشي. بالحجات الي بتقول عليها دي ياباشا بتخن
وهتبقى حلوة للرفعين. لكن احنا تخان خلقه فاحنا عاوزين نخسس تحت ونتخن فوق ... نقطة كمان اشمعنا عصير القصب. هل عصير القصب بيغزي العضلات. ...
خد نتيروتك اسكوب الصبح واسكوب بعد العشا + واستعمل امينو 2500 امريكي ممتاز من 6 الي 8 حبات بعد التمرين واهم من ده كله النظام الغذائي لحوم حمرا وبيض وسمك وجميع انواع السلطات وابعد عن الدهون
السلام عليكم
أنا معجب جدا بكل الاراء
أود أن أنقل تجربتى فى موضوع العضلات ، أنا رحت صالة رياضية عشان كان نفسى أهزم أصحابى فى لعبة الريست(الذراع) وكلهم كانو يسخرو منى ، وبالفعل مدة شهرين فقط الحمد لله بقيت أنا البريمو+ جسمى بقا ممشوق دا أنا أخدونى فترة الخدمة العسكرية ضابط بالجيش عشان جسمى وخصوصا ألعاب رياضية ،، نصيحة بلاش تعتمد على المكملات وخليك فى الرياضة بس واظب علي التمرينات .
مينفعش تقول اعمل عضلات ازاى ومكملات ايه والكلام ده
انت تقدر توصل للجسم الى بتوصفه للشباب من 6 ل 8 أسابيع وساعات اجسام بتستجيب بعد 12 أسبوع
وكل ده متوقف عليك انت
هدفك ايه ؟ هل جسم وشكل ؟ ولا عضلات جامده فعلا وحب للرياضه وصحه ؟ ولا بروفيشنال وتدخل بطولات وهكذا
لان كل هدف وليه طريقه وشغله ومصاريفه واكله وكل شيىء
الموضوع مش حديد بتشيله وتروح اغلب الناس الى بتشوفها بتاذى نفسها جدا بيحقن منشطات كتير جدا يحصل على عضل منفوخ في اقل وقت وده طبعا كله احتباس مياه فقط مش عضل صافى الياف
نيجى بقا لموضوع الهيبه والشكل في الشارع على اد ماهو شكله كويس وليه منظره بس لو عيل رفيه وقلبه جامد رزعه قلم ولا مطوه كل ده ملوش لازمه وهتحبط احباط السنين
فمتعتمدش على الشكل اعتمد على المضمون بمعنى اتعلم سيلف دفنس تريننج افضل واقوى وأوقع من انك تكون منظر ماشى وخلاص
اللنك ده هيفيدك علشان متصدعش نفسك لان اللعبه ديه فيها فتى السنين
.:. Arabian Muscles .:.
بسم الله الرحمن الرحيم
شوف ياسيدي
في الأول انا فعلا عايزك تنسى المكملات
مش لأنها خطر
خطورة (المكملات) دي أقل من خطورة علبة البيبسي !!
الأهم ليك دلوقتي
تبدأ تتمرن, تاخد على الاداء الصحيح للحركه وتعرف طبيعة جسمك وكده
لاني اظن انك مالعبتش قبل كده
فهتلعب شهرين الأول بدون ماتاخد حاجه أوك ؟
دلوقتي من وصفك انت جسمك بيخزن في مناطق اكتر من مناطق
مش مشكله
هتدخل الكارديو في تدريبك ان شاء الله من أول يوم
وهتاكل الأكل اللي فيه سعرات قليله, بس فيه بروتين
يعني تبعد عن اكل الشارع تماما
وتنسى اكل البيت المسبك
وتاكل سلطه وخضار وكده
بعدين خليك فاكر المعادله دي
أي كالوري زياده عن اللي جسمك محتاجه لو ما اتحرقش هيتخزن
بالنسبه لسؤال الأمينو
اللي افضل من ده وده ال bcaa
وكبدايه انصحك تعتمد على مصدر بروتين زيرو فات
زي أي أيزو بروتين
شخصيا انصحك بال أيزو بيور
بس برضه مش دلوقتي
ان شاء الله بعد ماتنزل الوزن الزايد وتاخد عالحديد شويه
هتلاقي معادلة جسمك ظبطت
وانا معاك برضه لو عزت حاجه
بس ماقلتليش
وزنك وطولك ؟؟
حضرتك الاستاذ عايز ينزل وزنه
ويعمل جسم
وبتقوله ياكل شيكولاته ؟؟؟
وعموما زيادة الحجم او زيادة الوزن مش شرط تبقى حاجه كويسه (للرفيعين) او لأي حد هارد جينر عموما
فمش أي تجربة شخصيه تنفع لأي حد ياباشا :)
موضوع المنشطات ده فعلا مشكله
بس يظل الحصول على عضل مش سهل
اللي انت بتقوله عن المنظر عالفاضي وكده ده واحد لا ليه في الرياضه ولا ليه في المنشطات
قالوله خد كذا, نفذ الكلام وخلاص فاتنفخ عالفاضي زي مابتقول حضرتك كده
والتدريب عموما مش منظر
لأ ده (اذا مشي صح) صحه افضل, والوصول اصلا لل (منظر) ده مش سهل ومش هييجي ولا في سنه
يعني اللي بيلعب بيلعب لنفسه مش عشان يبلطج عالناس
بس لو حد قل أدبه اهلا وسهلا
ابقى احب اشوف العيل الرفيع ده هيعمل ايه :) :) :)
ناوي علي ايه يا عمدة ؟؟ ههههه
-الناس اللى اعرفها بيفهموا فى الجيم كويس بيعملوا الاتى:
1-يخسوا الدهون بمعدل بطىء..يعنى ف خلال 3 شهور مثلا ينزلوا الدهون الزياده
2-يناموا كتير
3-يتمرنوا قليل
4-يشيلوا اوزان كتير فى عدات قليله "يعنى مثلا 8*3" بس باوزان
5-بياخدوا قبل التمرين كرياتين
6-بيشربوا مياه كتير خصوصا وقت التمرين
7-بعد التمرين ياكلوا لحمه ويحبسوا ب whay protien
--
ومش دايما بتجيب نتيجه سحريه يعنى اجسام زى جسمى كده صعب يبان عليها التمرين..وناس تانيه ف شهر واحد تحس انه اختلف
طيب بالنسبة للرفيعين اللي زيي كدة :Copy of rfds:
الله ينور يا أستاذ عبد الخالق,
ياريت لو تحط برنامج غذائي لزيادة الوزن bulking for skinny
يعني كام كالوري في اليوم الواحد مفروض ميقلش عنها, علي كام وجبة 6 صغير ولا 4 متوسطين للناس اللي عندهم ال ميتابوليزم عالية.
وياريت لو تدي أمثلة للوجبات ويكون فيها أيه وأيه اللي ممكن يتاخد معاها في اول شهرين قبل ما الواحد يبدأ في المكملات اللي زي الواي بروتين,
شكراً,