الموضوع: تقرير كيفية فك و تركيب صالون ابيزا / كوردوبا 94 حتي 2002

السلام عليكم احبابي في قسم سيات نايل موتورز
بعد موضوع مهندس محمد سيد حول اصلاح الكراسي الامامية و استكمالا لكيفية فك و صيانة صالون العربية بالكامل حبيت انقل لكم تجربتي في فك و غسيل و صالون عربيتي بالكامل و اعادة تركيبة مرة اخري

الأدوات :-
و العدة المستخدمه في هذا الموضوع هو مفتاح الانكية مقاس 5 (اكثر العدد استخداما في الموديل ده عموما و قطعه مهمة جدا في العربية دي ) و مفك عاده

أولا الكراسي الأمامية :-

1- لو بصيت اسفل منك و انت قاعد علي اي من الكرسيين الأماميين هتلاقي جنب اليد اللي بنرفعها لتحريك الكرسي مسمار بصامولة ألانكية صغير مقاس 5 كما بالصورة


Uploaded with ImageShack.us

هتفك المسمار الصغير ده اللي مثبت في اسفل الكرسي و تشيله خالص

2- هتشيل القطعتين الفبر اللي راكبين في مؤخرة المجرتين اللي بيتحرك عليهم الكرسي و دول بتشوفهم امامك للأسفل لو قاعد علي الكنبة الخلفية كما بالصورة (طبعا ده لو موجودين اساسا لأن معظم العربيات بيكونوا اتشالو و اترمو من اول سروجي او اي حد اشتغل في العربية )

دي القطعة الكبيرة اللي بتكون في منتصف العربية في علي المجرتين للكرسيين الاماميين و دي بتتسحب لفوق و للخلف براحة لحد ما تطلع في ايدك سليمة و بشويش بدون شد جامد عشان متتكسرش



Uploaded with ImageShack.us

و دي القطعة الصغيرة اللي راكبه في مؤخرة المجرتين اللي علي اجناب العربية للكرسيين الاماميين بتضغط علي احد اجنابها براحه عشان تفك الكلبس اللي منها فيها و تخرج في ايدك بسهولة



Uploaded with ImageShack.us

و بعد ما تفك المسمار و تشيل الفبرتين

3- تسحب اليد اللي بتحرك الكرسي للأمام و الخلف كما بالصورة و ترجع الكرسي للخلف هتلاقيه رجع بزيادة و خرج من المجري الأمامية اللي بيتحرك عليها و اللي فيها قطعة صغيرة حديد فيها بنز صغير عشان يثبت حركة الكرسي و فيها سوسته صغيره بتشدها .... الجزء الصغير ده بتدخل فيه اليد عشان تشده لما تحب تحرك الكرسي

دي صورة اليد


Uploaded with ImageShack.us

و دي صورة الجزء الحديد اللي فيه بنز و اللي بتمشي فيه بقية دراع اليد اللي فوق عشان تثبت او تفك تثبيت الكرسي للتحريك


Uploaded with ImageShack.us

و دي صورة تانيه للبنز و هو مشدود و الكرسي بيتحرك


Uploaded with ImageShack.us


4- بعد خروج الكرسي من المجري الأمامية بالرجوع للخلف مع سحب اليد يتبقي اننا نرجع الكرسي بزيادة كمان للخلف ختي تخرج ارجل التثبيت الخلفية من المجرتين الخلفييتين (اللي شلنا منهم الفبرتين فوق ) و بكده الكرسي اصبح حر داخل العربية ... تقوم بثني ضهر الكرسي بزيادة عن طريق البكرة اللي في الجنب عشان نسهل خروجه من الباب الأمامي

نفس اللي عملته في كرسي السائق هتعمله في الكرسي اللي جنبه بالضبط
في التركيب هتعمل نفس خطوات الفك و لكن بالعكس مع مراعاة ان اهم منطقة تحتاج حرفية و ضبط هي عند ادخال الكرسي في المجري الامامية مع ضبط تركيب دراع يد التحريك داخل الجزء الحديد اللي فيه بنز التثبيت كما بالصور اعلاه

الكنبة الخلفية :-

و دي اسهل من قدام
1- ارضية الكنبة :- هترفع جزئي الارضية اليمين و الشمال كما بالصورة الاولي و هتفك المسمارين الالانكيه مقاس 5 بكما بالصورة الثانية هتلاقي ارضية الكنبة كلها اتفكت و خرجت في ايدك و تركيبها سهل و مش محتاج شرح



Uploaded with ImageShack.us



Uploaded with ImageShack.us

المهم و انت بتفك تخلي بالك من ضبط وضع المسمارين بالنسبة اللي الصاجه السوده اللي في الصورة لأنك ممكن تضبطه يمين شوية او شمال شوية لضبط الارضية صح و عشان كده تشوف وضعهم ايه قبل الفك و لما تركيب تخليهم علي نفس الوضع

2- ظهر الكنبة الخلفية :-
و ده اصعب شوية فهنقسمه لنقاط للتسهيل
1- تسحب السقاطه اللي بتثبت الضهر عشان تخرجه من مكان تثبيته و كما بالصورة انا السقاطتين لجزئي الظهر اتقطعوا وقت السمكرة و قبلها لذلك استبدلتهم بحبل رفيع كده و اخفيته تحت حزام الامان


Uploaded with ImageShack.us

2- بعد ما حركت جزئي الظهر لقدام و تنيته هتروح للشنطة و هتلاقي جزء و قاعدة تثبيت في نقطة التقاء جزئي الظهر كما بالصورة



Uploaded with ImageShack.us

هتلاقي ان كل جزء من الجزئين بتوع ظهر الكنبة خارج منه اكسين يمين و شمال للتثبيت و نقطة الالتقاء دي فيها اكس لكل جنب من اجناب الظهر متثبت في القاعده دي بتيله .. تقوم تحرك التيلة بالمفك للخارج قليلا و و بعدين تدخل سن المفك و تخرجها لفوق خالص و تشيلها
طبعا هتشيل التلية بتاعت الجنب اليمين و كذلك الجنب الشمال و بكده التثبيت هنا اتفك

صورة اقرب للتيلة الي مثبته الجنب الشمال و اللي ظاهرة اكتر لأنه الظهر اللي ناحيتها هو المفكوك و طبعا انت هتفك الظهرين يمين و شمال و الاتنين زي بعض بالضبط في التثبيت و الفك و انا هنا بتكلم علي جزء واحد



Uploaded with ImageShack.us

3- بعد فك التيله هتلف و تروح من الباب الشمال الخلفي للعربية و هتبص علي زاوية تثبيت الكرسي هتلاقي جزء مفتوح كما بالصورة متثبت فيه اكس الظهر و عليه كلبس فوقيه

صورة للجزي و الكلبس قافل علي الاكس و كله متثبت



Uploaded with ImageShack.us


هتزق الكلبس ده لقدام براحه بالمفك او بصباعك لو رفيع هتلاقي اتحرك لقدام و طلعلك الأكس لفوق كما بالصورة التالية



Uploaded with ImageShack.us

كتوضيح : جزء التثبيت هنا عامل زي الخطاف كده من فوق و ليه قاعده من تحت لما بتميله و تخرج الأكس لازم يفضل متميل لنفس الجنب وقت التركيب و لما بتسقط فيه الكس و تضغط عليه بيقفل عليه لواحده

4- بعد فك التثبيت في الجنبين بتسحب الظهر براحة من ناحية الباب عشان تخرج اكس تثبيت كل جنب من القاعده اللي في المنتصف و بكده بي الظهر حر تماما في ايدك

التركيب عكس الفك مع مراعاة فنيات ضبط الاكس علي القاعدة في المنتصف عشان تعرف تركب التيلة عليه و ايضا ضبط الجزء اللي بيثبت الظهر في كل جنب من اجناب الظهر

و بكده الظهر اصبح حر هو و القاعده تقدر تاخدهم تغسلهم بأي طريقة و في اي مكان و اصبحت كمان ارضية العربية فاضية تماما تقدر تنظفها بالمكنسه او تركبها ارضية او تنظف المجاري بتاعة الكرسي الامامي و هتلاقي فيها حاجات و اتربة و اوساخ كتير و يمكن اكل و اي حاجه بتقع ممكن ما تشوفهاش في الارضية

اي استفسار انا في الخدمه و هحكيلكم عن الغسيل في مشاركة تانية
و بالتوفيق للجميع