موضوع الغسيل
اخدت كل الصالون او جزء جزء للحمام عندي فوق و في البانيو جبت فرشة زي فرشه تنضيف الملابس من الاتربه كده و جبت مسحوق غسيل عادي و ذوبته في المياة خليتها مركزة شوية بالمسحوق و قبلها كنت استخدمت احدي المنظفات زوجتي رشحتهولي هي بتستخدمه في تنظيف بقع كراسي الانتريه عندنا في البيت .... المهم بما اني مبفهمش في موضوع المنظفات فزوجتي هي اللي قلتلي انضف بايه و هي برضه اللي رشحتلي الفرشة عشان تنضف كويس و في نفس الوقت تكون ناعمه شوية و مش خشنة قوي عشان متقطعش الفرش
و خدنا الصالون حته حته و هاتك يا غسيل و بعدين شطف بالماية في البانيو لحد ما بقي زي الفل و اكنه جديد تماما لم يستعمل من قبل
حطيته في الشمس في البلكونه يوم كامل لحد ما نشف تماما و بعدين ركبته و فعلا الصالون حسيت انه لم يستعمل من قبل بعد تركيبه ما عدا بقعتين صغيرين جدا في الكرسي جنب السائق و ما ظهروش غير بعد الغسيل للأسف و كانوا عبار عن بوية من اللي اترشت للعربية
عايز اقلكم ان العربية بعد السمكرة و الدوكو كان الصالون متعرفوش لونه ايه رغم انه اساسا غامق لكن كان زبالة بمعني الكلمة لدرجة اني كنت قرفان اسوقها للبيت من الورشة و مركبتهاش غير لما غسلت كرسي السائق اولا و فكيت الباقي و غسلته
و بالتوفيق للجميع
المفضلات