اقتباس:
المشاركة الأصلية كتبت بواسطة baherhassan30
7- لا أقوم بأطفاء المحرك قبل مرور 30 - 60 ثانية و هو بدون حمل (فصل التعشيق - فصل التكييف) حتي يقوم الزيت بتبريد المحرك لضمان عدم تكون بقع ساخنة hot spots علي السبائك ثم يتم أطفاء المحرك بعد ذلك
ممكن تفهمني موضوع البقع السخنة ده ؟؟؟
انا اول مرة اسمع عن hot spots ؟؟
الكلام ده لما بأكون جاي من مشوار سفر طويل و طول الطريق لم أتوقف و ماشي بمعدلات سرعة عالية بحيث أن عدد لفات المحرك أعلي من 3,000 لفة / دقيقة
معني كده أن المحرك سخن و درجة حرارة المياه مرتفعة و بالمثل الزيت
لو توقفت مرة واحدة و طفيت المحرك في الحالة دي ايه اللي هايحصل ؟
دورة التبريد ستتوقف و بالتالي ستظل درجة حرارة أجزاء المحرك مرتفعة كما ان الزيت سينزل بالجاذبية الي الكارتيره و هو سخن ايضا تاركا الخلوصات بين السبائك و عمود الكرنك و ايضا بين عمود الكامات و القواعد الخاصة بها مما يعني أن السبائك قد تكون عرضة لتكون مناطق البقع الساخنة أو بمعني أخر "تتلسع"
و بيكون منظرها كالتالي :
هذا العيب قد يكون غير شائع في السيارات لأن بعد الوصول من مكان بعيد من الطبيعي أنك بتدخل المدينة و بتهدي سرعتك و بتتوقف في بعض الاحيان في الزحام المروري مما يعني أنك بتريح الموتور بعد عناء السفر لكن ..
في حالتي أنا لا لأني ساكن في الرحاب علي اطراف القاهرة يعني بأدخل من طريق السفر علي طول علي بيتي فالمحرك مش بيلحق يلقط نفسه لذلك بأضطر أني اترك المحرك داير بدون حمل بعد ما افصل التعشيق (الفتيس علي وضع N ) و التكييف طبعا مفصول لمدة قد تثل لحوالي 60 ثانية او أكثر أكون خلالها فكيت حزام الامان و لميت حاجتي من العربية (الموبايل - المحفظة - ...) و وضعت الشماسة علي الزجاج و الغطاء الواقي علي الشاشة الامامية و بعد كده أطفئ المحرك
ده طبعا أجراء أحترازي لأني بطبعي موسوس شوية و بأخاف علي عربيتي و بأتبع اقصي درجات الامان معاها
أرجو أني أكون قدرت افيدك و لو فيه حاجة مش واضحة لاتتردد في السؤال