الموضوع: انتقال رايكونن الى فيرارى

فيراري بتلعب لمصلحتها لأنهم اصلا مش بيفكروا في بطولة السائقين هما بيفكروا في بطولة الصانعيين مشكلة فيراري السنين اللي فاتت انهم كانوا بيخسروا نقط كتير بسبب ماسا وده كان بيأثر عليهم في بطولة الصانعيين وطبعا بعد فوز فريق زي ريد بول اللي تاريخة كله في الفورمولا وان لأ يمثل شئ بالنسبة لفريق بعراقة فيراري كان شئ صعب عليهم ده نقطة
نيجي لنقطة السائقيين مين فيهم فاز ببطولة العالم مع فيراري هنا الاجابة كيمي رايكونن سنة 2007 طيب !!! مين عنده روح قتالية عالية جدا اكتر من التاني هو الونسو !!!!! هما الاتنين لهم مقدرة على تطوير السيارة بصورة ممتازة !!! نيجي للسؤال من السائق رقم 1 ومين رقم 2؟؟؟؟؟؟؟؟؟
ده حتحدده مجريات البطولة على مدار السنة يعني بعد منتصف الموسم مين فيهم متقدم عن التاني ؟؟؟ رايكونن !! يبقى الونسو حيساعده مش حبا فيه ولكن لان الونسو بينافس للنفس الاخير وطبعا برود رايكونن حيخليه ميتأثرش بعصبية الونسو وفي الاخر رايكونن يأخد البطولة مثلا والفيراري عن طريق 2 من كبار السائقين تفوز بالبطولة
طيب لو المتقدم الونسو رايكونن بطبعة لن يمانع في مساعده الونسو في الفوز بالبطولة وده شئ فيراري نفسها جربته في 2008 لما كان ماسا قاب قوسين او ادنى من الفوز بلقب السائقيين
بعد الرغي ده كله اقدر اقوللك ان لوكا دي منتيزملو رئيس فيراري بيحاول يصلح غلطة 2009 لما استغنى عن بطل زي رايكونن خد معاهم بطولة عالم قبل كده لمجرد قدوم الونسو صاحب التمويل الكبير من بنك ستاندر الاسباني وهو صرح قبل كده كذا مره ان فريق فيراري فوق الجميع وان الفوز ببطولة الصانعيين اهم من السائقين في وجهة نظره
ده وجهة نظري المتواضعة بالنسبة للموضوع ده

مدير فريق فيرارى لما اتكلم عن فيتيل قال ان صعب يبقى فية 2 "ديوك" فى عشة واحدة... يعنى هو معترف ان الونسو "ديك"

فيتيل راجل معاه 3 بطولات عالم والرابعة في السكة واكيد حيشترط في عقده انه يبقى السائق رقم 1 وده شئ من المستحيل ان يقبله الونسو تحت اي ظرف من الظروف علشان كده صرح ان مينفعش يبقى فيه 2 ديوك في عشة واحده

هل دة معناة انة شايف رايكونن مش ديك؟؟؟

مطلقا لكن اكيد انت عارف الايس مان بارد لدرجة ان ميفرقش معاه الهتش ده كله كل اللي يفرق معاه هو طريقة فوزه بالبطولة غير كده كله زي بعضه عند رايكونن يعني لو مفيش في عقده انه السائق رقم 1 مش مشكلة كبيره بالنسبة له وبعدين اعتقد ان رايكونن وصل لمرحلة من النضوج جعلته مبيفكرش غير ازاي يحصل على اكبر عدد من التقاط في السباق يصرف النظر عن النتيجة ولو انت من المتابعيين لرايكونن من زمان حتحس بالكلام ده لأنه زمان يا اما الفوز او لا شئ انما دلوقت الوضع اختلف بدليل اننا لقينا رايكونن كسر الرقم القياسي لعدد السباقات اللي حصل فيها على نقاط زمان بقى كان رايكونن مش في النقاط يروح جاي منسحب على طول دلوقت بيخش في منافسات علشان النقطة الوحيده للمركز العاشر مثلا زي سباق ايطاليا اللي فات

ولا فيرارى هتغير استراتيجيتها اللى بقالها سنين معتمدة عليها؟؟؟

نعم غيرت الاستراتيجية وبقت فيراري ثم فيراري ثم فيراري