الموضوع: استفسار عن ليون الشكل القديم 2002

هي مش تعتبر برضوا توليدو بس هاتشباك؟؟
يعني معروف لو فيها مشاكل معينه
و هل فيها سنسور كتير لأني بقلق من السنسور و مشاكلها
والف شكر ياباشا

العر.بيه نزلت من موديل 99 الى 2006 و هى عباره عن toledo من غير شنطه.

اغلب اللى فى مصر موديل 2000 و 2001 و دفعات قليله 2004 و 2005.

ميكانيكه و عفشه و موتور هى الbora و الoctavia a4 و الaudi a3.

تابلوه و كراسي هو الaudi a3.

غالبا اللى نزل فى مصر بيبقى 1600 16v و full option manual (باور، تكييف touch، سنتر، زجاج كهرباء، مرايات كهرباء، مرايات ضم كهرباء، مكن رفع زجاج، انزار اصلى، immobilizer، air bags، abs, epc).

كل حاجتها موجوده بس الصاج و الفوانيس قليل شويه.

مفيش عيوب ظاهره فيها.

stability المانى بس طبعا العربيه مش واخده حقها فى مصر.

العربيه اشترناها عامله 130 الف كيلو من 5 سنين و دلوقتى عاملة 195 الف. الصيانات كلها فى معادها و العربيه سحبها حلو مع التكييف و بتجيب لحد 195 كم و مفيش مشاكل.

العربيه راكب عليها طقم 17 على 225 و مش باين يعنى لو عايز تركب 18 مش هتقول لا و هى الاصلى بتاعها هو 15.

هى سعرها من 50 الى 70 حسب الحاله.

العربيه عشان اصلها vw فا ليها مواتير كتير تركب فيها:
1800 عاده - 125 حصان
1800 تربو - 150 حصان
1800 تربو - 180 حصان
1800 تربو - 210 حصان
1800 تربو - 225 حصان
2800 عاده - 200 حصان

هى فى نظرى من اجمل عربيات الseat

لو عايز حاجه معينه فيها ابقى اسالنى و انا اجاوبك لو اعرفها.

انا بقالي كتير محتار اجيب ايه
و كنت بفكر جديا c4 كوبيه
بس نفسي من زمان اجيب حاجه الماني
والموديلات اول 2000 خايف من حالتها
بس انا دلوقتي مش عارف اتنازل علي الماني بصراحه
لان مع واحد صاحبي اوكتافيا a5 و سافرنا بيها
ماشاء الله ربنا يحفظهاله عربيه تشرف

المشكله معايا هي اني الاقي عربيه نضيفه بسعر كويس
والف شكر يا باشا علي الشرح الوافي

هى مشكلتها انك تلاقى حاجه نضيفه فعلا بس لما بتسوق الالمانى مش بتعرف تنزل منه

المشاركة الأصلية كتبت بواسطة ibiza

العر.بيه نزلت من موديل 99 الى 2006 و هى عباره عن toledo من غير شنطه.

اغلب اللى فى مصر موديل 2000 و 2001 و دفعات قليله 2004 و 2005.

ميكانيكه و عفشه و موتور هى الbora و الoctavia a4 و الaudi a3.

تابلوه و كراسي هو الaudi a3.

غالبا اللى نزل فى مصر بيبقى 1600 16v و full option manual (باور، تكييف touch، سنتر، زجاج كهرباء، مرايات كهرباء، مرايات ضم كهرباء، مكن رفع زجاج، انزار اصلى، immobilizer، air bags، abs, epc).

كل حاجتها موجوده بس الصاج و الفوانيس قليل شويه.

مفيش عيوب ظاهره فيها.

Stability المانى بس طبعا العربيه مش واخده حقها فى مصر.

العربيه اشترناها عامله 130 الف كيلو من 5 سنين و دلوقتى عاملة 195 الف. الصيانات كلها فى معادها و العربيه سحبها حلو مع التكييف و بتجيب لحد 195 كم و مفيش مشاكل.

العربيه راكب عليها طقم 17 على 225 و مش باين يعنى لو عايز تركب 18 مش هتقول لا و هى الاصلى بتاعها هو 15.

هى سعرها من 50 الى 70 حسب الحاله.

العربيه عشان اصلها vw فا ليها مواتير كتير تركب فيها:
1800 عاده - 125 حصان
1800 تربو - 150 حصان
1800 تربو - 180 حصان
1800 تربو - 210 حصان
1800 تربو - 225 حصان
2800 عاده - 200 حصان

هى فى نظرى من اجمل عربيات الseat

لو عايز حاجه معينه فيها ابقى اسالنى و انا اجاوبك لو اعرفها.

بسم الله الرحمن الرحيم

طبعا الكلام اللي فات كله مافيهوش اي تعليق كله تمام بس بالنسبة للمكاين 1600 اللي بتركب على العربيات دي بتهلك بسرعة لان العربية جسمها تقيل نسبيا و الشاسيه بتعها هو نفس شاسيه الاودي a3 طبق الاصل ...
طبعا بقول بتهلك بسرعة على افتراض اللي بيسوق العربية شاب .. حرق و غيارات عالية و تسقيط .. الخ + الجسم التقيل اللي بيديها الثبات
لو في نيه تمتلك العربية دي و تديلك احلى ما فيها اهتم بالصيانة جدا جدا جدا

انا من عشقي فيها اشتريت الكاملة بتعتها 1800 .. مافيش اوبشن مش موجود فيها بنفس الفئة
ثابته جدا على السرعات العالية عربية شكلها رياضي هجومي .. نظام الفرامل بتعها ممتاز جدا .. نظام مانع التزحلق على الطرق الزلقة ده مخلي العربية قاعده على الارض

بالنسبة لقطع الغيار بصراحه انا بشتري القطع من التوكيل و بركبها بنفسي في الوقت الحالي بعد ما اخدت دورة صغيره في صيانه محركات السيات و كان معظمها مجهود شخصي بمساعده احد العاملين في ميكانيكا سيات
بس كنت زمان بركبها في التوكيل لان بصراحه العربيات دي العك فيها كتير بدون دراية هيخليك تكره اليوم اللي اشترتها فيه ( الكلام ده على العربيات الاوربي بصفه عامة) بيحتاج الصيانه عن واحد فاهم او التوكيل طبعا .

في طريقه تانيه احب اقولك عليها لشراء لجميع قطع غيارها و متوفرة و موجوده ع النت .. انا سعات بشتري من النت و هتلاقي القطع الاصلي و هتلاقي الالماني منها او التركي و تقدر كمان تشترى الاجزاء الميكانيكة مستعملة كمان

زي ما قال الاخ ابيزا ان فيه قطع ميكانيكة كتير مشتركة مع الاسكودا و فولكس و اودي .. متخافش منها ميكانيكيا .. لكن بيتهيألي ان الاجزاء الخارجية منها هتتعبك شوية سواء لو هتجبها من مصر فا ممكن ما تلاقيش او نادرة و لو هتشتري من بره هتستنا الشحن و خصوصا ان مصر نظام استلام الشحنات فيها ...! لا تعليق

بالتوفيق يا صحبي و ارجو اني اكون اديتك الخلاص اللي هي نهاية ( عربية ممتازة )

الف شكر يا استاذ صلاح
طمنتني من العربيه
بس السعر ياريت توضحلي المفروض كام بالظبط بالحاله
لأن اللي اعرفه انها ارخص من الجولف 4
لقيت اسعار الليون بس عاملين فوق 150 الف كم ورش بره
في حدود 50 الف او اكثر شويه
وقدامي واحده بتاع واحده معرفه عامله في حدود 190 الف كم
ورشه بره و مانيوال و كان طالب فيها 57 الف جنيه
انا مش عايز حاجه ماشيه كتير و تكون فابريكه بالكامل و اتوماتيك