نيسان صني 2014 ex عند سمير ريان ب113

**hmghamry** · 16-09-2013 09:26 PM

انا قررت وباذن الله هاشتري نيسان صني وبدأت حملة مكالمات ملهاش اول من اخر كلمت كل اللي بيشتغلوا في العربيات من اول اوتو ايجبت لحد معارض السيارات الصغير ..

اوتو ايجبت قالولي ال2014 الex تسليم بعد شهر 109.500 وتسليم فوري بعد 10 ايام -مش عارف ازاي!- ب114 وفي الاخر وانا باستلم سواء بعد 10 ايام او بعد شهر بادفع الزيادة اللي طرأت على السعر في الفتره دي وبتبقى من 1500 ل 3000 وقالوا معندهمش 2013

أباظه طبعا طلع ملك اللصوص .. قالي ال2013 بكام بقى يا سيد المعلمين ؟؟ ب115 ألف جندي !!! ركز دي ال2013 ولسه مانزلتش قال ال2014

سمير ريان قال الصني ال2014 الex ب113 فوري تاخدها وانت قاعد .. وتستلم ورقها تاني يوم غالبا -اعتقد هياخد أكتر من كده-

وانا استخرت ربنا وقلت يارب اقدرلي الخير ورضيني بيه واصرف عني الشر .. وان شاء الله ناوي على سمير ريان ..

في إيه تحبوا تنصحوني بيه وانا باستلم العربية وهل هاقدر اسافر بيها اسكندرية من غير نمر وايه نظام النمر التجاري عشان انا اصلا من اسكندرية ولازم اسجلها هناك عشان البطاقة على اسكندرية .. ياريت تفيدوني ..

**hmghamry** · 16-09-2013 09:28 PM

انا ملاحظ ان التقارير قليله اوي عن ال2014 فلما ان شاء الله اجبها اعمل عنها تقرير ..

**assaf** · 16-09-2013 11:14 PM

مبروك مقدما

**M I D O** · 16-09-2013 11:15 PM

مبروك مقدما يا باشا وموفق في الشراء باذن الله بس ياريت تقرأ عن العربية شوية لان ناس كتير بتشتكي من العربية

**lozaregypt** · 16-09-2013 11:56 PM

سمير ريان معرض محترم جدا

وفيه ورقة بتسلتم بيها العربية بتقدر تمشي بيها 72 ساعه لاتقلق بيدها ليك اتوسمير ريان والف مبروك

**sayco100** · 17-09-2013 02:38 AM

طب خد بالك والعربية زيرو وملهاش نمر
دة الواحد بيجبها من اليكس هنا وبيركنها خايف ويبات فيها لو مرخصش لا تتسرق والطمع فيها لسة مش معلقة نمر

**theblackpirate** · 17-09-2013 11:42 AM

باشا قبل متجبها نصيحه لوجه الله العربيه فيها مشكله فى الفرامل التيل بيتاكل بدرى بدرى يعنى عند 12000 ابتدى يصفر ودلوقتى بقى ب650 فى التوكيل غير ان بدال الفرامل بعد 10000 مبقاش زى الاول وبياخد وقت اطول فى السرعات البيسطيه عشان يفرمل وصاجها ورقه انا امبارح ريحت بس على ميكرباص الاكصدام ناحيه الفانوس الشمال اتنى ودخل لجوه لما نزلت ابص على الخبطه تنحت عشان انا بقول ريحت مش خبطت

**mhmdhmdy** · 17-09-2013 03:51 PM

المشاركة الأصلية كتبت بواسطة theblackpirate

باشا قبل متجبها نصيحه لوجه الله العربيه فيها مشكله فى الفرامل التيل بيتاكل بدرى بدرى يعنى عند 12000 ابتدى يصفر ودلوقتى بقى ب650 فى التوكيل غير ان بدال الفرامل بعد 10000 مبقاش زى الاول وبياخد وقت اطول فى السرعات البيسطيه عشان يفرمل وصاجها ورقه انا امبارح ريحت بس على ميكرباص الاكصدام ناحيه الفانوس الشمال اتنى ودخل لجوه لما نزلت ابص على الخبطه تنحت عشان انا بقول ريحت مش خبطت

باشا انت بتتكلم عالجديدة؟؟؟؟؟؟؟؟

**ramymoharram** · 17-09-2013 05:21 PM

المشاركة الأصلية كتبت بواسطة theblackpirate

باشا قبل متجبها نصيحه لوجه الله العربيه فيها مشكله فى الفرامل التيل بيتاكل بدرى بدرى يعنى عند 12000 ابتدى يصفر ودلوقتى بقى ب650 فى التوكيل غير ان بدال الفرامل بعد 10000 مبقاش زى الاول وبياخد وقت اطول فى السرعات البيسطيه عشان يفرمل وصاجها ورقه انا امبارح ريحت بس على ميكرباص الاكصدام ناحيه الفانوس الشمال اتنى ودخل لجوه لما نزلت ابص على
الخبطه تنحت عشان انا بقول ريحت مش خبطت

يا أستاذي متقفلش نفس الراجل من العربية مادام ناوي يتوكل علي الله.....مشكلة التيل فعلا أنا معاك إني سمعت انه بيخلص بدري بس هوا في السوق بقا بيعمل 250 وأعرف ناس جابته وركبته برا التوكيل والعملية معاهم زي الفل وبالنسبة لموضوع طول مشوار البدال فنيسان اعترفت بيه وبتغير دلوقتي ماستر الفرامل في التوكيل بدون أي مصاريف والمشكلة بتتحل......لكن أنا موافقك إن العربية صاجها ضعيف ودا كان مضايقني بس لقيت كل العربيات الجديدة زي الإلنترا والسيراتو حاجة زبالة.......والله شوفت فيهم حاجات خلتني أقول الصني برقبتهم من ناحية الصاج......خلاصة اللي عاوز اقوله أن العربية ممتازة علي سعرها والعيوب اللي فيها ليها حل.....توكل علي الله وسمير ريان معرض ممتاز ورائع