الموضوع: حد يعرف معلومات عن عزل الشقه حراريا

المشاركة الأصلية كتبت بواسطة dedi

طيب انت لم تحدد انت فى مرحلة انشاء و لا صب و لا تشطيبات
افضل شئ يفيدك شركة سيكا عندهم كل الحلول و اسعارهم متميزة و معقولة
اقول لك عن تجربة معى قد تكون مفيدة لك و للاعضاء كان عندى بدروم و عزلتة اثناء الانشاء و لم ينجح العزل و بقيت المياة تصل لارتفاع متر و اكتر و فكرت فى ردمة و قرفت منة و زهقت من المشاكل لحد ما نصحنى صديق بسيكا و لى صديق مهندس بها رشح لى مادة عبارة عن دهان اسنتى سميك دهنت الحوائط و الارضية و الحمد لله و الف شكر لله من ساعتها و لا نقطة مية بس طبعا ممنوع دق اى مسمار فى الحوائط و الموضوع دة لية اكتر من 8 سنوات

بس كده الموضوع خطر لان ديه غالبا مياه جوفيه
ومعنى انها مش بقت تظهر انها موجوده تحت العزل يعنى بتؤثر على الاساسات
فحاول تشوف الموضوع ده لضمان سلامة المبنى من تلك المياه

المشاركة الأصلية كتبت بواسطة amr011111

بس كده الموضوع خطر لان ديه غالبا مياه جوفيه
ومعنى انها مش بقت تظهر انها موجوده تحت العزل يعنى بتؤثر على الاساسات
فحاول تشوف الموضوع ده لضمان سلامة المبنى من تلك المياه

يا باشا انا عانيت الامرين من المياة وكنت كل متحل مشكلة تطلع الاخرى ها اقول لكم عن بعض المشاكل بعد اذن صاحب الموضوع
مرة المياة كانت بتصب عندى من ماسورة بلاستيك خاصة بكابل تليفون ارضى و عندى كانت مكسورة فكانت المياة بتصب عندى و اللة اعلم كانت من فين قادمة . مرة اخرى كانت وصلة مياة بالعمارة التى خلفنا بتهرب و طبعا كل المياة عندى . الجار المقابل امامى نفس القصة و انا البدروم الوحيد بالمربع فكل المياة عندى فلم يكن يوجد سوى الحل دة هو عزل يسمى سلبى لانك بتعزل من الداخل ولبس الخارج يعنى . لا توجد بدايل ولا تنسى اغلب البدرومات صدقنى بها مياة سواء جوفية او من الجيران يا باشا كل البيوت عايمة على المياة وربك هو الستار