عرض للطباعة
صباح الفل يا راجاله
بدون مقدمات
انا واخد شقه دور ارضى و عاوز اعزل الارضيه حراريا عشان زى منتو عارفين الرطوبه و الصهد اللى بيخرج من الارض خصوصا ايام الصيف
حد ليه اى مقترحات او يعرف معلومات عن نوعيه العازل ده اذا كان سائل ولا شرائح ولا ايه ماهيته بالظبط ؟؟
انا كنت مهتم فى فترة من الفترات بالموضوع ده و كمان موضوع العزل الصوتى
و اللى انا اعرفه انه بيتركب على الطوب الاحمر حاجة زى الصوف الزجاجى و بعدين يتركب الواح خشب علشان يبقى سهل تتشال و تتركب تانى علشان الصيانة و النظافة و على العموم انا متابع معاك حد يكون عارف الموضوع كويس
فى ناس تقول بيحطو زفت و ناس بتقول ممكن تحط لباد زى بتاع كبود العربيه - بس انا عاوز اوصل للماده اللى بتتصب فى الارضيه او تترش على الحيطان بيبقى اسمها ايه مثلا و متهيألى الطريقه دى انسب حل لان الارضيات بالذات بيتحط عليها الرمل ثم السيراميك او الباركبه او ايا يكن الارضيه - فلازم تحتها يكون المستوى ثابت مع الوقت - لكن مع اللباد ده بيتكون مساحه من الهوا لكثافه اللباد لانه طرى يعنى زى السفنج فمع الوقت الارض هاتهبط
العزل الصوتى الى اعرفه بيبقى فى الحيطان بالالياف - ثم بيتركب على الحيطه من بره شرايح زى منتا قولت بتختلف اسعارها باختلاف كثافتها و قدرتها على العزل و ده لو انت عاوزه ممكن اجيبلك طريقته كويس عشان انا ليا سابق معرفه بمهندسين صوت و عندهم استيوهات
فيه طوب جديد نزل بيعزل الحرارة و الصوت و لونه ابيض كدا
عزل الحراره بيتعمل بفوم ابيض الواح زى اللى بتكون فى الغسالات و التلاجات الجديده بس ماسكه نفسها طبعا .... لازم يكون ليها سماكه و كل ما تزود السماكه العزل يكون افضل ... بتتعمل على الاسطح بس لو هتعملها فى ارضيه او حيطه هتاخد من ارتفاع السقف الا لو انت لسه بتبنى تعمل حسابها
معرفش بصراحه هل فى حلول تانيه تتلافى موضوع السمك ده بس لو موجوده اكيد هتبقى اغلى من الفوم
بالنسبه للزفت ده بيعزل ميه مش حراره
الارض عمرها ماهطلع حرارة لانها اصلا مش بيوصلها شمس فانتا مش محتاج عزل حراري
انت محتاج عزل مائي عشان رطوبة الارض والحمامات وكده
فيه دهان من جوتن اسمه "جوتاشيلد" ده المفروض بيعزل جزء كبير من الحراره وده الافضل تستخدمه في الحوائط الخارجيه اللي طاليله الشمس انما عزل الحوائط الداخليه والارضيه والسقف ملوش لازمه ومصاريف زياده على الفاضي ممكن تستغلها في رفع مستوى تشطيب حاجه تانيه.
ياريت تكمل المعلومة اذا سمحت في جملة مفيدة وكتابت كل ما تعرف عنها ... ولو متعرفش على الاقل. تقولنا شفتها فين. او لقيتها فين او سمعت عنها فين كده يعني علشان الكل يستفيد ... وتحياتياقتباس:
المشاركة الأصلية كتبت بواسطة eng_7amed
الواح فوم نوعها دلتا و كثافتها 30
في حاجه حمراء شبه الاسمنت كده كذا واحد اعرفهم صابين بيها ارضيات محلاتهم و مبتسربش ميه لو حد يعرف ايه دي هتنفعك
Sent from my Xperia Arc S using Forum Runner
لو حوائط فية طوب مفرغ دة بيعزل الحرارة وجزء كبير من الصوت
والاسقف بتتعزل ب رولات عزل حراري وفوقيها طبقة رمل 5 سم وفوقيها بلاط اسمنتى
والشبابيك بتكون المونيوم زجاج دبل سكيورت علشان عزل الصوت والحرارة
ولو انت عايز تحط مواد عزل على الحوائط المبنية ومتمحرة ا
( فعاليتها مش قوية زى ما انت متصور بس احسن من مفيش )
الواح فوم مضغوط بتتثبت بالبلاك البارد او مسامير صلب وتتغطى بالواح خشب ام دى اف وتلزق فوقيها ورق الحائط
والاسقف نفس الموضوع
ولو عاوز تعبى الفراغات فية فوم سائل بيتباع عند محلات بيع مستلزمات تصليح الثلاجات الكبيرة وغرف التبريد بيتحقن فى الفراغات وبينشف بيحجز نسبة كبيرة من الحرارة وصوت اقل
طب براحة بس :d :dاقتباس:
المشاركة الأصلية كتبت بواسطة y a r i s
للاسف معرفش اكتر من اللي قولته و شفتها في معرض انتربلد و كام عمارة ناس بقت بتبني بيه
طيب انت لم تحدد انت فى مرحلة انشاء و لا صب و لا تشطيبات
افضل شئ يفيدك شركة سيكا عندهم كل الحلول و اسعارهم متميزة و معقولة
اقول لك عن تجربة معى قد تكون مفيدة لك و للاعضاء كان عندى بدروم و عزلتة اثناء الانشاء و لم ينجح العزل و بقيت المياة تصل لارتفاع متر و اكتر و فكرت فى ردمة و قرفت منة و زهقت من المشاكل لحد ما نصحنى صديق بسيكا و لى صديق مهندس بها رشح لى مادة عبارة عن دهان اسنتى سميك دهنت الحوائط و الارضية و الحمد للة و الف شكر للة من ساعتها و لا نقطة مية بس طبعا ممنوع دق اى مسمار فى الحوائط و الموضوع دة لية اكتر من 8 سنوات
فعلا انا عاوز اعزل شقتى حرارى و صوت و لو عندك فكرة فيا ريت تقولى عليها و شكرا مقدما
بس كده الموضوع خطر لان ديه غالبا مياه جوفيهاقتباس:
المشاركة الأصلية كتبت بواسطة dedi
ومعنى انها مش بقت تظهر انها موجوده تحت العزل يعنى بتؤثر على الاساسات
فحاول تشوف الموضوع ده لضمان سلامة المبنى من تلك المياه
بالنسبة لعزل الارضية ممكن تخلط سيكا مع المونة الاسمنتية عند نركيب البلاط ودى هتعزل تسريب المياه الى حد ما
وممكن تسال عند كيماويات البناء الحديث عن عزل الرطوبة
يا باشا انا عانيت الامرين من المياة وكنت كل متحل مشكلة تطلع الاخرى ها اقول لكم عن بعض المشاكل بعد اذن صاحب الموضوعاقتباس:
المشاركة الأصلية كتبت بواسطة amr011111
مرة المياة كانت بتصب عندى من ماسورة بلاستيك خاصة بكابل تليفون ارضى و عندى كانت مكسورة فكانت المياة بتصب عندى و اللة اعلم كانت من فين قادمة . مرة اخرى كانت وصلة مياة بالعمارة التى خلفنا بتهرب و طبعا كل المياة عندى . الجار المقابل امامى نفس القصة و انا البدروم الوحيد بالمربع فكل المياة عندى فلم يكن يوجد سوى الحل دة هو عزل يسمى سلبى لانك بتعزل من الداخل ولبس الخارج يعنى . لا توجد بدايل ولا تنسى اغلب البدرومات صدقنى بها مياة سواء جوفية او من الجيران يا باشا كل البيوت عايمة على المياة وربك هو الستار
المياه الجوفية لو نظيفة مش غلط
الغلط بيكون لو المياة فيها مواد (عضوية او كيميائية ) بتضر الخرسانة او الحديد
وعادى بنحفر نلاقى مياه جوفية بننزحها و نشتغل و نخلص الاساسات و بعدين نبطل نزح (بالطلمبات) وترجع المياه تانى كما كانت