تغيير المساعدين الخلفى

**lidosasa** · 17-09-2013 02:33 PM

السلام عليكم
العربية عندى المساعدين الخلفى جابوا أخرهم والعربية بترقص ولما حد بيركب ورا العربية بتبرك روحت للعفشجى قالى مساعدين الماروتى ضعاف والأحسن إنك تركب مساعدين عربية ممممممممم مش فاكر نوع العربية اللى قالى عليها . المهم قالى حيركبوا على العربية بس حيبقوا محملين وأقوى ويستحملوا المطبات اللى زى الفل اللى مالية شوراع المحروسة . أيه رأيكم دام عزكم ؟؟

**reda elgohary** · 17-09-2013 02:42 PM

موفق ان شاء الله .

**lidosasa** · 17-09-2013 07:16 PM

قررت إنى أشترى الأصلى بتاع العربية أنا مش بحمل زلط ولا مشغلها أجرة عشان أجيب حاجة أقوى ومش بتاعتها اللى تعرفه أحسن من اللى ما تعرفهوش

**dr.hazem** · 17-09-2013 07:16 PM

الماروتي عفشتها ناعمه جدا وممتازة وخراباتها مش سهله لذات السبب...
لو هتغير في رايي هات حاجتها افضل لان العربيه دي لو نشفت عفشتها هتتفكفك من كتر الخبط وهتلاقيك بتحتاج توبط عفشه بالكتير كل 5 الاف كيلو....
تحياتي

Sent from my Xperia Arc S using Forum Runner

**max100x** · 17-09-2013 10:06 PM

سعر المساعدين الجداد 300 جنيه و تركيبهم سهل جدا بس هات مسامير طويلة علشان المساعدين الجديده اعرض شويه من اللي راكبين فيها

**Amr Axel** · 17-09-2013 10:23 PM

خليك في الاصلي او اللي زيه متولفش حاجة الا لو اتزنقت و غير متوافرة
و عفشة الماروتي مش ضعيفة بالعكس عفشة سوزوكي عامة كلها ما شاء الله معمرة و بتعيش

**lidosasa** · 19-09-2013 11:34 AM

المشاركة الأصلية كتبت بواسطة khalidawad

بس المساعدين الاصليين المفروض يتغيرو علي كام انا حاليا عامل ٦٠٠٠٠ ولما حد بيركب وره علي الدائري بالمطبات العجل بحس بيحك بالرفرف

أنا العربية عندى عاملة 56 ألف كيلو والمساعدين بتوع الفابريكة هما اللى كانوا راكبين وجابوا أخرهم وأعتقد إنك المفروض كده تكشف على المساعدين وتغيرهم طالما العربية بتحك . أنا أول ما غيرت المساعدين العربية من ورا عليت عن الآرض وبقت زى الفل فى المطبات ( أطرى من طراطير الطراوة على رأى محمود عبد العزيز )