هل لو كباس التكييف بايظ يحمل جامد على الماتور - فابيا 1400 سي سي 2003

**badshakhan** · 17-09-2013 09:28 PM

السلام عليكم
انا عندي مشكلة في عربيتي السكودا فابيا 1400 سي سي موديل 2003 انها بتاكل بنزين بالهبل يعمي حوالي 15 لتر على 100 كيلو والمفروض انها تعمل حوالي 15 لتر على 200 كيلو يعني الضعف وكمان سحب العربية زي الزفت والعربية سرعتها مش بيزيد عن 120 وكمان الأر بي أم مش مظبوط بينزل عن ال 5 الطبيعي وبحس ان العربية بتفصل وبعد كدة بتلحق نفسها وساعات كتير العربية بتفصل خالص لما بينزل الأر بي جامد

انا لسه مغير زيت وفلتر وبوجيهات وفلتر هوا وبنزين وفتحت التاكيهات علشان العربية تبقى مريحة وبعد كل ده بردة العربية مش مظبوطة

الخلاصة:
في اتنين بتوع تكيف قالولي ان الكباس بتاعي محمل جامد على الماتور وهو الي مسبب المشاكل ديه كلها لانه بايظ لان الكباس صوته عالي جدا فعلا وفيه صوت تخبيط جامد جواه مع العلم ان التكييف شغال زي الفل ومخلي العربية تلج على درجة 2 في وسط النهار

تفتكروا ان الكباس يكون هو الى عملي المشاكل ديه كلها ولازم أغيرة مع العلم ان تكلفة تغييرة بشحن الفريون هيكلف حوالي 1800 جنية

وشكرا

**saddam** · 18-09-2013 01:52 AM

صديقي المواطن
ده كلام مش وطني الكباس لو تربس أو بليته ثقلت فحيقطع السير ومش حتأثر لفة.الكباس على قوة المحرك
خلاصة مشكلتك يا مواطن تغيير رشاشات وموضوعك حينتهي وبوجيهات برقم العربية ومتخليش الميكانيكي يعملها فيلر ركب على طول ودمتم للنضال

**badshakhan** · 18-09-2013 10:40 PM

المشاركة الأصلية كتبت بواسطة saddam

صديقي المواطن
ده كلام مش وطني الكباس لو تربس أو بليته ثقلت فحيقطع السير ومش حتأثر لفة.الكباس على قوة المحرك
خلاصة مشكلتك يا مواطن تغيير رشاشات وموضوعك حينتهي وبوجيهات برقم العربية ومتخليش الميكانيكي يعملها فيلر ركب على طول ودمتم للنضال

السير فعلا اتقطع مني مرة وفيه ناس قالولي ان بلية الكباس ممكن تتغير بس معرفشي حد يعملي الموضوع ده
تعرف انت حد كويس