الموضوع: من زهقى من السواقه

فكره تانيه لو الشركه عندك فيها عدد كبير من الموظفين بتتفقوا مع ميكروباص هيونداى 10 راكب لعمل خط مثلا من حلوان لحد المهندسين مثلا وهكذا
نظير 450 جنيه للفرد فده بيبقى اوفر من العربيه والتدوير على الركنه وتعب السواقه

شكرا لكل الاقتراحات الجميله من الناس العسل ديه

أولا شويه معلومات عنى كده بسيطه :

أولا انا مش متجوز لسه خالص انا single Man

ثانيا انا شغلى مينفعش انقل ليه هناك خالص لان انا في وسط البلد والشغل في مدينه العبور اخر الدنيا والمنطقه هناك صعبه اوى امنيا ومش مريحه خالص يدوب بخلص شغلى وبمشى في النور

ثالثا : احنا كان لينا في الشركه عربيه فعلا بتودينا وتجبنا ولكن صاحب الشركه المحترم علشان يوفر وقف عربيات الموظفين وكل واحد يولع بقا ويجى المنطقه الصناعيه بطريقته وحصل مشاكل كتير وزمايل لينا اتثبتت واتاخد عربياتهم

رابعا انا مينفعش اخد واحد بعربيته على ادها لان معايا عربيه حديثه وبالتكيف وبرتاح فيها جدا فمينفعش علشان احل مشكله احط نفسى في مشكله
والسواق طول الوقت حاسس انه شغال عندك مش انك بتستخدم عربيته وانت زبون بيرميك ويمشى