هل لو شلت ترموستات الكوعه ده هيخلي العربيه تسخن في الزحمه ؟!
عرض للطباعة
هل لو شلت ترموستات الكوعه ده هيخلي العربيه تسخن في الزحمه ؟!
يا باشا ترموستات الكوعة ده قصة كبيرة
محرك السيارة لا يعمل بكفأة ومثالية إلا فى حال وصوله لدرجة حرارة معينة تتغير من سيارة لآخرى يعنى فى عربيات على 80 درجة مئوية وفيه على 90 درجة مئوية . وكل عربية ترموستات الكزعة بتاعها متظب على الدرجة المثالية اللى المصنع محددها فحضرتك أول ما تشغل العربية وهى باردة الترومستات بيقفل دورة التبريد وبيمنع مياه التبريد من المرور من الريداتير إلى داخل قميص التبريد المحيط بغرف الإحتراق حتى يصل المحرك لدرجة الحرارة المثالية للتشغيل ووقتها يبدأ ترموستات الكوعة بفتح الطريق لمرور المياه لتبريد المحرك حتى لا ترتفع درجة حرارته إلى درجة الخطر . ومش بس أثناء التدوير الصبح لاء كمان أثناء لو حضرتك ماشى فى طريق سريع والهواء المقابل بارد يخفض درجة حرارة المياه فى الريداتير بدرجة كبيرة مما يخفض درجة الحرارة داخل قميص التبريد فترموستات الكوعة يقوم قافل تانى . وتلاحظ الموضوع ده لو حضرتك بصيت على عداد الحرارة الصبح بتلاقيه تحت علامة ال c والعربية لما بتسخن العداد مش بينزل نهائى عن حرف السى مهما جريت بالعربية وهما كانت درجة الحرارة منخفضة ( دا لو ترموستات الكوعة موجود ) لو مش موجود طبعاً الخرارة حتنزل عن الدرجة المطلوبة وتحصل مشاكل كتير
الخلاصة سيبك من فتى الصنياعية اللى بتقول ألغيه وملهوش لازمة والخواجات عاملينه عشان بلادهم تلج وملهوش لازمة عندنا وإنك لو شيلته العربية حتبقى تمام ومش حستخن . كل ده فتى لو عندك مشكلة فى إرتفاع درجة الحرارة يبقى راجع على الدورة بالكامل وأوعى تشيل ترموستات الكوعة .وأعذرنى لو فيه غلطات إملائية الموضوع طويل ومرجعتهوش والله أعلى وأعلم
شيل ترموستات الكوعة بيبرد العربية مش بيسخنها بس بالنسبة للموديلات الحديثة ده بيلخبط كومبيوتر الموتور الانجكشن غيرها لو بايظة احسن تحياتى!!
[youtube]http://www.youtube.com/watch?v=invmzdFUh-s[/youtube]
الفيديو ده فيه شرح وافى لطريقة عمل دورة التبريد
الرابط ده نهايه الكلام
http://www.nilemotors.net/Nile/328708-a.html
الله ينور, قلت اللي في نفسي :tumb:
دا غير أنك تمشي بموتور بارد طول الوقت بيعلي معدل إستهلاك البنزين,,
وكمان بيقصر من عمره بشكل أكبر لأنه مش بيوصل لدراجة حرارة التشغيل الطبيعية جوا البرد,, أو برة ودا الأخطر لما الواحد بيقرص عليه علي السريع وهوا بارد والدورب مفتوحة طول الوقت ومفيش حاجة تقفلها وتفتحها والهواء داخل لها يبردها أكتر.
متشكر جدا انا هرجعه تاني
اصل العربيه عندي بتسخن في الزحمه بعد تلت ساعه و كل اجزاء دورت التبريد سليمه و انا شايل الترموستات فا في ميكنيكي قلي ركب الترموستات و هي هتتظبط و تبقي ميا ميا و مش هتسخن فقولت اسألكو قبل معمل حاجه
لو بتسخن في الزحمة أعمل غسيل للدورة عند أي بنزينة نضيفة, بس حاول تخلي ماتور العربية يبرد خالص قبل ما تعملها, وحط مية حمرا جديدة.
وأسحب الهواء من دايرة التبريد, وانت بتغيير المية من اماكن سحب الهواء.
وانت بتغسل الدورة خليهم ينفخو لك الرادياتير من ورا من جهة المحرك عشان يخرج أكبر قدر من التراب والشوائب منه اللي بتأثر علي كفائة دورة التبريد بالسلب.
انا عملت كل ده و غيرت كل حاجه ليها علاقه بدوره التبريد
http://www.nilemotors.net/Nile/376831-a.html