الموضوع: السيريون والتويوتا افانزا

السلام عليكم
انهارده نزلت اجب فلتر زيت عشان اغير زيت العربيه انا بقيت بجيب بتاع الكورولا نظرا لتوفره عن السيريون وهو نفس السيريون اصلا بجيبه من موزع قطع غيار تويوتا في الزقازيق المهم وقفت قعدت ارغي معه كتير ولقيت ان تقريبا السيريون معظم حاجتها زي حاجات التويوتا الافانزا ال 1500 على حسب كلام الراجل هناك يعني فلتر زيت الفتيس وانا بغيره الميكانيكي قالي ده زي بتاع الياريس بس لما روحت سألته على بتاع الياريس جبهولي لقيته مش هو فجابلي بتاع الافانزا ال 1300 طلع مش هو برده بتاع السيريون المهم انا كنت مصوره اصلا احتياطي فوريته صورته قالي انا شفته قبل كده استنى اشوفوهولك فتح الكومبيوتر ودور قالي ده زي بتاع الافانزا بس ال 1500 مش 1300
سألته على الطنابير قالي برده زي بتاع الافانزا مش السيريون طنبوره 14 انش قلت له اه قالي زي الافانزا 1500 (لسيريون من اول 2008 بتنزل بطنبوره كبيره مش زي 2007)
اتياش الميزان قالي برده افانزا
الاسعار بقه الطنابير اصلي 1200
وعند نوع تاني الماني ب 500 بيشكر لي فيه
الفلتر طبعا ب 60 جنيه الاصلي وبيقولي في نوع تاني زي الاصلي بالظبط ب 45 تايلندي تقريبا
تيش الميزان بيقولي 250 الواحد طبعا
دي الحاجات اللي انا سألت عليها ان شاء الله ناوي اغير الطنابير وهجرب النوع الالماني نظرا للظروف الماديه الخنيقه

احمد فلتر الزيت هوهو بتاع الكورولا وارخص ابقى هاته وكمان هتلاقيه متوفر اكتر بكتير