لمبه absشغاله بمزاجها فى الاسترا 2003

**عمارمطر** · 28-09-2013 12:24 AM

المشاركة الأصلية كتبت بواسطة tananybasha

اكشف على سكانر
ممكن يكون ايررور قديم متسجل
و بيظهر كل فترة
حتى لو صلحت العيب

بعد اذن حضرتك ممكن توضحلى اكتر وهل السكنر موجود عند اى كهربائى عنده كمبيوتر
يعنى ممكن يكون حاجه فى السوفت وير

**عمارمطر** · 28-09-2013 12:26 AM

المشاركة الأصلية كتبت بواسطة egyption2012

المشكلة ده حصلت معايا في اوبل استرا 2005
ودفعت اكتر من 800 جنيه اصلاحات وفي النهاية المشكلة طلعت في حاجة بسيطة جدا
في الاول انت لازم تكشف كمبيوتر والكمبيوتر حيقولك المشكلة في اي عجلة
وساعتها حتكون المشكلة في حاجة من تلاتة (الصرة - الكنترول الخاص بالـ abs - الكابل بتاع الـ abs في العجلة )
طبعا في مشكلتي انا غيرت الكنترول وغيرت صرتين والمشكلة فضلت موجودة

وفي النهاية روحت للباشمهندس حسام اوبل في طنطا
وبعد الكشف بالكمبيوتر قالي المشكلة في العجلة اللي قدام يمين
وخلع الكابل وقاسه بالافوميتر طلع فيه مشكلة (مش شرط تظهر المشكلة على الافوميتر)
شد الكابل شدة كويسة وركبه والمشكلة اتحلت معايا لمدة اسبوعين وبعدها رجعت اللمبة تنور

رجعتله قالي : احنا حنبدل بين كابل العجلة اليمين وكابل العجلة الشمال
وتروح تجربها كام يوم وبعدها نكشف كمبيوتر تاني
لو المشكلة اترحلت للعجلة الشمال مع الكابل .. يبقي المشكلة في الكابل
وغيرته ب 80 جنيه والحمد لله المشكلة اتحلت تماما بعد ما دفعت اكتر من 800 جنيه عند ميكانيكية تانيين

الخلاصة
- تروح تكشف كمبيوتر وشوف المشكلة في اي عجلة بالظبط
- تبدل الكابلات بين اليمين والشمال (يعني لو المشكلة في العجلة اللي قدام يمين .. تبدل الكابل مع اللي قدام شمال )
- وتجرب العربية كام يوم وبعدها تكشف تاني
- لو المشكلة اتنقلت في العجلة التانية يبقى تغير الكابل بواحد جديد او استعمال خارج
- لو المشكلة فضلت في مكانها يبقى تبدل الصرة بين العجلتين

وطمني

مليون شكر على تعب حضرتك وزوق حضرتك واخلاقك وان شاء الله انا هكشف بكره على الفيش وابدلها واجرب

**عمارمطر** · 28-09-2013 12:29 AM

المشاركة الأصلية كتبت بواسطة romiobasha

دي فعلا حساس راكب في السره الامامية
لو عداد السرعة مش بيفصل يبقي اليمين امامي هو اللي محتاج يتغير
سعره استيراد 350 و يبجي بداية السره حته واحده

شاكر جدا لزوق حضرتك والف شكر على المعلومات المهمه

**Mostafa.Ismail** · 28-09-2013 01:08 AM

الف شكر للرد والمساعدة ... ودلوقتى اولحد يجرب الخوات اللى انت قولتها وربنا يكرم.

الف شكر تانى.

**egyption2012** · 28-09-2013 01:33 AM

لا تنسى ان تكشف كمبيوتر الاول عشان تعرف المشكلة في انه عجلة بالظبط
وتكشف تاني بعد التبديل وظهور المشكلة عشان تعرف المشكلة في الكابل ولا في الصرة ولا في وحدة الـ abs

**egyption2012** · 28-09-2013 01:34 AM

الكمبيوتر موجود عند اي ميكانيكي شاطر
وخلى بالك من النصابين .. لان فيه واحد منهم قالي ان الكمبيوتر بيقول ان العجلة اللي ورا
في الوقت اللي الجهاز فيه مش متعرف على العربية اصلا واخد 40 جنيه تمن الكشف