ارجو الدخول مكالمه غريبه

**bassemali** · 18-09-2013 04:44 PM

كبر دماغك يامعلم .. دي حركات ناقصه من حد ناقص .. أنا عارف إن كل اللي مجننك .. إنها إزاي عرفت أسمم ونمرة التليفون .. وده أعتقد إنك حطيت نمرة موبايلك هنا في إحدى المشاركات والشيئ اللي إسمه أبو علم ده ) أساسا إسمه يضحك( خده وعمل فيك الحركه دي .. بل بالعكس .. إذا كانت قالتلك هوجن ده معناها إنها ماتعرفش شخصيتك الحقيقيه .. وده في حد ذاته شيء مطمئن ...

**mr_vampire** · 18-09-2013 04:44 PM

هي بقت كدة ...

معلش ياباشا ... بصلها من الناحية الايجابية انك منيم واحد دمعته علي خده و محروق منك اووووووي كدة لدرجة انه يخلي واحدة من طرفه تعمل كدة.

ومتشغلش بالك بالاسم لانه اكيد وهمي ومش هيوصلك لحاجة.

ورسالة للسافل اللي عمل كدة ::: اشتم اشتم ( او جيب بنت تشتم بالنيابة عنك ) ... ماهو ده تيمامك.

**friendship7897** · 18-09-2013 04:56 PM

واضح أنك حساس أوي يا أ/ Hugan
وبتفكر في كل حاجة بتحصل لك وبتحسبها وتحللها وتدور على أساسها
وبالشكل دا أنت هتتعب نفسك
ما هو ياما بتجي لنا مكالمات في شتائم وكلام مش مظبوط
أعتبرها مكالمة من المكالمات دي
وأعمل بلاك ليست - وخلاص
وحسبي الله ونعم الوكيل
أنا مش عارفة الحد دا ( الراسل للبنت الساقطة ) هيستفيد أيه بعمل مشكلة لشخص
وأيه اللي أنت عملته ليه ؟
هل ممكن موضوع سياسي على المنتدى يكون سبب !!
هل معقول يكون موضوع للسيارات المنافسة !!
هل ممكن يكون أختلاف رأي عن قوة ثبات نوع عربية !!
هل معقول علشان أتسببت في إيقاف شخص غلط فيك !!
مش منطقي
عموماً كل دا مش مهم - المهم أنك أنسان محترم بشهادة الجميع في المنتدى ودا من خلال موضوعاتك وردودك - حتى لو فيه إختلافات .
وعلشان كدة طنش .
وكنوع من( لكل فعل رد فعل )
رد قلة أدب هذه الفتاة بأنك تكتب رقمها هنا لأذها كما أذيتك نفسياً
بس أهم حاجة بجد ( زي ما قال أ/ Yaris )
ياريت الموضوع ما يأخدتش أكتر من حجمه أما أهل بيتك ويسبب مشكلة لا قدر الله

**hugan** · 18-09-2013 05:54 PM

شكر لاهتمامكم
انا اللي مزعلني
اني ماغلطتش في حد وحتي ان اختلفنا في قسم الاحوال سابقا
كان خلاف افكار مش خلاف شخصي
فعلا لو كان راجل كان اتصل بنفسه وقال علي اسمه
لكن طلع جبان
واظن انه شاف الموضوع وشاف تعليقاتكم
فيها الرد الكافي علي
شكرا ليكم جميعا

**SHNORY** · 18-09-2013 08:36 PM

يمكن البال توك عامل خدمه ديلفري جديده
تديلهم الرقم والرساله ويوصلوها
وتختار نوعيه التوصيل سواء ذكر او انثي والميعاد
زي ما بنشوف في الافلام كده يروح شويه صيع يكسروا محل واحد ويضربوه ويقولوله في الاخر المعلم فلان بيقولك متنزلش السوق تاني
بكره يعملوها خدمه جديده في موبينيل وفودافون
توصيل الشتيمه للمنازل

**hugan** · 18-09-2013 08:45 PM

المشاركة الأصلية كتبت بواسطة shnory

يمكن البال توك عامل خدمه ديلفري جديده
تديلهم الرقم والرساله ويوصلوها
وتختار نوعيه التوصيل سواء ذكر او انثي والميعاد
زي ما بنشوف في الافلام كده يروح شويه صيع يكسروا محل واحد ويضربوه ويقولوله في الاخر المعلم فلان بيقولك متنزلش السوق تاني
بكره يعملوها خدمه جديده في موبينيل وفودافون
توصيل الشتيمه للمنازل

انا اصلا ماعرفش ايه البال توك
طب والاسم
مفيش هوجان غير في نايل موتورز

**SHNORY** · 18-09-2013 09:22 PM

المشاركة الأصلية كتبت بواسطة hugan

انا اصلا ماعرفش ايه البال توك
طب والاسم
مفيش هوجان غير في نايل موتورز

البال توك ده كام موقعوبرنامج شات زمااااااااااااااااااان ايام ما كانت ساعه النت ب30 جنيه في السيبر
وكان فيه مكالمات تقريبا
فتقريبا دلوقتي مش لاقيين ياكلوا عيش فعاملين الخدمه الجديده دي
هو مفيش هوجان غيرك في نايل موتورز (:

**hugan** · 18-09-2013 09:30 PM

المشاركة الأصلية كتبت بواسطة shnory

البال توك ده كام موقعوبرنامج شات زمااااااااااااااااااان ايام ما كانت ساعه النت ب30 جنيه في السيبر
وكان فيه مكالمات تقريبا
فتقريبا دلوقتي مش لاقيين ياكلوا عيش فعاملين الخدمه الجديده دي
هو مفيش هوجان غيرك في نايل موتورز (:

لاء اظن انه مفيش
علي العموم حصل خير
اللي حصل درس ان مفيش حد يكتب رقم تليفونه علي العام
المشاركه الوحيده اللي كتبت فيها رقم تليفوني
كانت من حوالي 3 ايام
كانت في القسم بتاع اسبرانزا لعضو عنده مشكله في عربيته
والراجل اتصل بيا فعلا امبارح

**محمد يوسف** · 18-09-2013 11:01 PM

طب ليه مايكونش الجدع اياه بتاع أرابياتا العبور؟

الموضوع: ارجو الدخول مكالمه غريبه

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو الدخول للاهمية

مكالمه مع منصور

ارجو الدخول

مكالمه تليفونيه لها مغزى

الكلمات الدلالية لهذا الموضوع

المفضلات

المفضلات

ضوابط المشاركة