الموضوع: بيجو 301 النسخه الأسبـــــــانــــي (مصر)

المشاركة الأصلية كتبت بواسطة nagy wassef

الف شكر على الردود
طب ليه ماتركبولهاش مريات ضم بالمرة عشان تبقى كملت؟
العربية ديه صفقة جامدة
ربنا يحافظلكوا عليها و يكفيكوا شرها
لو ربنا بعت فلوس انشاء الله احصلكوا :)

العفو على ايه بس
اولا رببنا يرزقنا و يرزقك يارب
ثانيا ٣٠١ فيها ميزه جميله اوى ان المرايات بتترفع لفوق زي البى ام دبيو
فاعتقد صصعب يعملوها ضم و تبقا اقتصاديه
و هي فعلا صفقه رابحه

ربنا يبارك لملاكها و ال حاجزنها

المشاركة الأصلية كتبت بواسطة د عمرو العمرجى

لا اقصد بيجو 301 يا أستاذ أكرم و إنما أتكلم بصفة عامة و علشان تفهم قصدى ساعيد كلام كتبته فى مشاركة سابقة
أصدقاء المنتدى
أرجو أن نتبنى جميعا و قفة جادة بمنع التفكير فى أحد العيوب الشهيرة فى كلامنا عن أى سيارة و هو خرافة ما يسمى إعادة البيع للاسباب التالية:
1- هذا السبب كفيل بإغلاق باب التفكير فى أى عربية محترمة بمجرد أن يذكرك من يناقشك بمدى الخسارة الفادحة حين تنوى بيعها و اللى ممكن يكون بعد 10 أو 12 سنة و يسرح خيالك بعيدا و أنت تتخيل نفسك و قد تشققت قدماك من اللف على المعارض و تسول رضاء أقاربك وأصحابك و أنت تقنع أحدهم بأنها لقطة و ترجوه أن يأخذها هدية و يسرح نفس الخيال فى صورتك و أنت تبيع الفيرنا أو اللانوس و قد جلست مثل شهريار تدخن الشيشة فى أحد المقاهى مثل سى السيد و أصحاب المعارض يقفون طابور طويل و يتوسلون إليك لتمنحهم شرف شراء العربية
2- أفهم أن يتنازل الواحد عن شراء السيارة لأنها لا تناسب إمكاناته و أحترم هذا جدا و ماعدا هذا فلا
3- مسألة سعر إعادة البيع مردود عليها بشدة فلا يبيع أحدا سيارة إلا ليشترى غيرها و ليس ليضع فلوسها فى البنك فهنا يكون سعر أعادة البيع مرتبط بما تريد شراؤه فمثلا أنا لدى فيرنا أوتوماتيك و أريد شراء 301 أو سى إليزيه فهل لو فكرت فى الهوندا أو التويوتا هل سيسعفنى نفس المبلغ من إعادة بيع الفيرنا
إن فكرت فى شئ عالى و قيم و لم أستطع شراؤه سأفكر فى شئ قيم آخر و بإمكاناتى
4- أرجو أن نتذكر أن الصينى و الكورى كان أرخص من الياباني (كان نصف سعره ثم أصبح فى سعره ثم أغلى منه)
أرجو أن نفعل ذلك لأننا ظلمنا أنفسنا جدا بما نفعله و أغلقنا الباب فى وجه سيارات رائعة و حرمنا نفسنا منها ب بعبع إعادة البيع
و حين أنظر لأسواق هى أقل منا سكانا بمراحل و أستمع لزملائى الذين يعملون فى السعودية و أنك تشترى أى ماركى محترمة تخطر على بالك أتحسر و أتعجب

كلامك صحيح ١٠٠٪ يا دكتور

و اضيف على كلام حضرتك
ان الاروبى ال بينزل مصر بيكون نسخه زي بعض الفرق فى الاوبشن فقط
على عكس الكورىو اليابانى نلاقى اختلاف واضح حتى فى الاساسيات
و اوضح مثال للفرق ده الصنى و النيو صنى

المشاركة الأصلية كتبت بواسطة د عمرو العمرجى

انا على فكرة شديد الإعجاب ب بيجو 301 و أرى أنها لقطة و سيارة رائعة بسعر لا يقارن و الغريب ان السيارات الأردأ أغلى منها بمراحل كما ذكرت حضرتك و مازال الإقبال عليها أكثر

ربنا يستر و التجار ميبوظوش سمعتها
سمعت الاوفر برايس وصل ١٠ الاف جنيه