السلام عليكم
----------
دلوقتي يا جماعه كنت بتفرج علي عربيه لانوس من مكتب وتبع واحد معرفه
المهم قالوا فبريكه واللى كان معايا ده خدت كلامه ثقه وكشفت عن العربيه ميكانيكي وبس
وبعد يوم اتصل بيا الراجل اللى تبعي ده وقالي العربيه دي مغشوشه وانا بقولك عشان ضميري
ده بعد منا قولتله انى شاكك فيها وهاجيب حد يكشف عليها
المهم
صاحب المعرض كان واخد عربون 500 جنيه
وقال انه صرف علي العربيه عشان لما اجي اخدها
من هنا لهنا وعدنا انه هيرجع منهم 300 جنيه
وعمال يماطل والراجل المعرفه التاني بيروحله كتير
وبيقولي بلاش تتعامل معاه انت والفلوس عندي وداخليين علي اربع ايام عشان يرجع الفلوس ومفيش فايده
-------------
انا بقي ساعات اقول عوضي علي الله فيهم
وساعات بقول هو انا هينضحك عليا علطول كده وانا استسلم او اعتمد علي حد يجيبلي حقي
وفي نفس الوقت العقد مكتوب فيه شرط جزائي 3000 جنيه فمش هاعرف اشتكي مثلا
اعمل ايه لاني احيانا بفكر اجيب بلطجيه وتبقي خناقه
واحيانا اقول خلاص كأنهم وقعوا مني
مع العلم ان المشكله في حدها مش الفلوس والله لانى بصرف كتير
بس حاسس انى سبت حقي بسهوله وكنت طعم سهل جدا انى انخدع
قوليلي النصيحه المناسبه
شكرا