الموضوع: انضحك عليا في عمليه نصب اعمل ايه ؟

الراجل مش في دماغه الشرط الجزائي ولا بيتكلم فيه بس بيماطل علي انه ميدفعش ال 300 جنيه اللى كشوا من 500 ل 300 ج
انا فعلا مش عارف اعمل ايه لان انا متغاظ جدا منه ومن الذل اللى الواحد بيوقع نفسه بيه بايديه

المشاركة الأصلية كتبت بواسطة أبو بودي وعمر

وعليكم السلام ورحمة الله
نصيحتي استعوض ربنا أحسن ما كنت هتتدبس في العربية كلها وكان ممكن تخسر ساعتها آلاف ونصيحة لما تشتري أي عربية حاول تكشف عليها في توكيل أو مركز صيانة معتمد ممكن الكشف يكون غالي شوية بس هينفضلك العربية ولو فيها مسمار ناقص بيقولك ومتعتمدش على أي صديق أو معرفة لأنه يا إما هيطلع مصطحجي عايز يطلع منك ومن البايع بمصلحة وده حصلي أنا شخصيا للأسف يا إما مش بيفهم وعايز يعمل نفسه فتك وانت اللي هتلبس في الآخر
مش بقولك تسيب حقك بس المشكلة ان البلد دلوقتي عايشة في قانون الغاب يعني محدش هيجبلك حقك ولو اشتكيته مش هتستفيد غير تضييع وقتك وفلوسك وترش هنا وهنا وفي الآخر مش هتاخد حاجة والمبلغ مش مستاهل أصلا ولو جبت بلطجية هو ممكن يترصدلك برده ويؤذيك فبلاش واستعوض ربنا وإن شاء الله ربنا يعوضك خيرا منها اعتبر انك فديت بيهم نفسك من مرض ولا حاجة ربنا يعافيك واللي عند ربنا مبيضيعش هتاخدهم منه يوم القيامة من حسناته

مش فكره فلوس بس مستخصرهم فيه لانه نصاب كان اولى بيهم حد غلبان

أولا العقد الابتدائي اللي بيتكتب فيه طرف اول وثان واتفقوا ومش عارف اية دا يبلوه ويشربوا ميته وملوش قيمة ولا لزمة غير انه بيثبت جدية في نيتك للشراء غير كدا ميقدرش يرفع بيه قضية الي اخره ..
وهما عرفوا مايتك لما قبلت تنزل في المبلغ.. انت كنت هبييت في الميكانيكي وفي الراجل اول مافكر يقولك تاخد فلوسك ناقصة !!
الحل دلوقتي حاجة من اثنين ياتسيب فلوسك وتستعوض ربنا فيهم
ياتروح بنفسك وتكلم الوسيط ييجي معاك وتتكلم انت وتقول للراجل كلمة واحدة هتجيب الفلوس ولا لا .. قالك اه يبقي خلصنا
قالك لا ولسة بيحور اصل وفصل قوله تاني هات فلوسي .. منفعش امسك في هدومة وقتي و ومش هسيبك غير في القسم و روح معاك اثنين اصحابك يحوشوا ويعملوا منظر و يهدوا الموضوع والكلام دا عشان ميتلموش عليك لو روحت لوحدك.. والناس هتهدي الليلة وساعتها هيعرف انك مش غلبان وهيطلعهم او يطلع 300 زي مانت عايز ولو راجل تفضل ماسك في ال 500 .
غير كدا ووسيط ويماطل مش هتطول حاجة .. ولعلمك نص المكاتب بتعمل الحركات النص كم دي عشان عارفين انك محترم وتخاف تروح تتشاكل معاهم .. هما جبناء وجمد قلبك عليهم ... واتعود مفيش مليم يطلع تاني عربون انت تشوف العربية وتكشف عليها بنفسك ومعجبتكش امشي وسيبها

ياريت تكتب اسم المعرض ومكانة فين في طنطا عشان محدش يتعامل معاه