الحقوني يا جماعه انا انضحك عليا ولا ايه فوانيس النوبيرا

**speed3001** · 03-03-2009 06:39 AM

السلام عليكم ورحمة الله وبراكاته
امبارح رحت عند كهربائي عشان اركب الزينون المهم انا اول تعامل معاه المهم كان فك الفنوس اليمين ودخل بيه الورشه ورجع ركبه بعد ما ركب اللمبه المهم
الحمدلله كل ركب والدنيا نورت تمام بس الشيطان وسوسلي ان الكهربائي لما دخل بالفنوس الورشه غيره بواحد تاني والي زاد شكي ان الصبي سألني سؤال غريب وهوه بيركب الفنوس قلي (هوه الفنوس دا اصلي ؟؟؟؟؟؟؟) المهم قعدت افكر ونزلت للعربيه بتاع خمس مرات ابص على الفنوس عشان اشوفه هوه ولا لا وخايف ليكون موش الاصلي بتاع العربيه

السؤال بقى
اعرف ازاي الفنوس الامامي دا اصلي ولا مضروب ؟؟؟؟
ويا ريت تفدوني يا جماعه لحسن الشيطان أكل دماغي
العربيه دايو نوبيرا 2008

**أشرف فتحى** · 03-03-2009 07:10 AM

بلاش الوسوسه واستعيذ بالله من الشيطان
يعنى الكهربائى كان عارف انك جاى ومجهز فانوس تانى يبدله بفانوسك بتاع النوبيرا
طب هايستفيد ايه؟
وعموما الفانوس الاصلى بيبقى محمل والبكره اللى بتقفل بيها على الضفيره واللمبه مميزه عن الصينى وجودتها عاليه
قارن بين اليمين اللى اتفك والشمال اللى ما اتفكش
وربنا يطمن قلبك ويرزقك الهدايه

**fahmy** · 04-03-2009 04:20 PM

انتا مش عارف دة فانوس عربيتك ولا لا دة مثلا التانى مشبر ولا حاجة كدة

وبعدين الزينون عامل معاك اية شايف بية حلو ولالا

**speed3001** · 07-03-2009 06:28 AM

الحمدلله اتأكدت انه فانوس العربيه

بالنسبه للزينون انا ركبته 2/2008 وما شاء الله شغال تمام بس اليمين الي فاتوا كنت بعمله صيانه بسيطه

من سا عت ما ركبت الزينون موش عارف امشي باليل من غيره وجربت جميع انواع المبات الموجوده فى السوق مفيش حاجه زي الزينون وبجد احسن حاجه عملتها فى العربيه

**ramylanos** · 07-03-2009 10:44 AM

المشاركة الأصلية كتبت بواسطة speed3001

الحمدلله اتأكدت انه فانوس العربيه

بالنسبه للزينون انا ركبته 2/2008 وما شاء الله شغال تمام بس اليمين الي فاتوا كنت بعمله صيانه بسيطه

من سا عت ما ركبت الزينون موش عارف امشي باليل من غيره وجربت جميع انواع المبات الموجوده فى السوق مفيش حاجه زي الزينون وبجد احسن حاجه عملتها فى العربيه

بس راعي الناس الي بتضايق منه واطفي عالطول الا بقه لو حد رخم

والف مبروك