ناقل الحركة dsg

**sala7** · 18-09-2013 02:30 PM

بسم الله الرحمن الرحيم

اصدقائي و احبائي قسم السيات .. حباب اني اعمل موضوع عن ال DSG او ناقل الحركة مزدوج الفصل و الوصل المباشر او اللي عاوز يترجمها حرفيا فا اسمة انجليزيا (DIRCT SHIFT GEARBOX)

ايه هو DSG ؟
علبة ناقل حركه اتوماتيكي بس الفرق بينها و بين ناقل الحركة العادي العادي 3 نقاط
1- استهلاق اقل في حرق الوقود .
2- عدم الاحساس بالنقل بين السرعات المختلفة (نقلات ناعمة) زي نقلات العربيات الياباني بس المرادي الصانع الماني .
3 - سرعات اضافية في نظام DSG يفتقرها نظام ناقل الحركة الاوتوماتيكي العادي.. في بعض الموديلات 6 سرعات و في موديلات اخرى 7 سرعات .

معلش هتكلم باختصار شوية لان انا مش عامل موضوع بمعنى الكلمة انا بس حابب الناس تفهم زياده

الجيرات دي صنعتها شركة فولكس تقريبا في موديلات من سنة 2002 او 2003 ، المشكلة ظهرت في الموديلات الحديثة منها و خصوصا على ال 7 سرعات الل هما بيقولوا عليها dry و الموديلات اللي قبل كدا ال 6 سرعات كانوا بيقولوا عليها wet .

يعني ايه WET و DRY ؟
ده عبارة عن نظام تبريد لزيت الجيربوكس . في نظام WET طبعا باين من اسمه يعني ده يتم تبريده و ده معروف انه بياخد وصلات التبريد من المشع الامامي مرورا بالجير او بمعنى ادق ( عقل الجير) اما في نظام DRY لا يتم تبريدة بهذه الكيفية. و كان هو ده السبب على ما اعتقد في انهم في الموديلات 7 غيار واجهو مشكلة اعطال DSG اللي هي :
من الغيار 4-3 و 3-2 و 2-1 كان بيخرج صوت غريبة من علبه التروس . يعني بالعربي كدا اكنك ماشي بالعربية و قصادك مطب صناعي و بتهدى ، لما بتيجي تهدي الجير اتوماتيك بينقل من العزم الخفيف الى العزم التقيل . فا كانت الاصوات الغريبة بتظهر في هذا الاثناء .

اما عن موضوع انه بيفصل سوفت ويير و خلافة .. انا لا اعتقد ان الشركة بالتكنولوجيا دي ممكن تعجز عن حلها

ارجو ان الصورة تكون وضحت .. و ياريت من اصدقائي اللي عنده اضافة و عاوز يزود لا يتردد .

و شكرا جزيلا

**SYD** · 18-09-2013 03:26 PM

تسلم ايدك يا ابو الصلح
هعلق علي موضوعك بموضوع كنت مجهزه من سنة فانت
ولكن مانزلتوش لاسباب فنية
بس هنزله عشان خاطر عيونك

شكرًا علي التقرير وفي انتظار المزيد ان شاء الله

تحياتي

**SYD** · 18-09-2013 03:26 PM

تسلم ايدك يا ابو الصلح
هعلق علي موضوعك بموضوع كنت مجهزه من سنة فانت
ولكن مانزلتوش لاسباب فنية
بس هنزله عشان خاطر عيونك

شكرًا علي التقرير وفي انتظار المزيد ان شاء الله

تحياتي

**SYD** · 18-09-2013 03:52 PM

المشاركة الأصلية كتبت بواسطة mahmoudayman

اسمحلي اضيف معلومه الله اعلم صح ولا غلط بس ده اللي انا اعرف
ان الفتيس ال dsg مزود ب 2 دبرياج بمعني ان العربيه اول ما بتطلع بيها بتكون معشقه الغيار الاول و الثاني في نفس الوقت و مع زياده السرعه يصل الجير الاول الي اقصي سرعه ممكن يطلعها للعربيه في اللحظه دي يفك الغيار الاول و يتم تركيب الغيار الثالث مع ثبات الغيار الثاني حتو وصول الغيار الثاني لاقصي سرعه و يتم التبديل بين التروس بالطريقه دي حتي الوصول للغيار السابع
يعني لو بحرق مثلن ب ابيزا 2010 dsg ال rpm هيثبت علي 6500 و السرعه في تزايد مستمر بدون الشعور بالنقلات

بص حضرتك
هو كلامك صح نوعا ما
فعلا في اتنين أسطوانة وتقدر تقول اتنين فتيس في قلب بعض
وفعلا لما العربية بتبقي علي غيار بتجهز النقلة الاعلي في حالة التسارع والعكس بالعكس
بس مش لدرجة انه بيثبت ال rpm
هو كل ماهو نالك انه قلل زمن الفقد بين النقلات وكأنه سائق محترف بيسوق مانيوال

تحياتي.

**SYD** · 19-09-2013 08:36 AM

المشاركة الأصلية كتبت بواسطة mahmoudayman

ان ركبت مع واحد صاحبي معاه passat 2012 و فعلا الRPM كان ثابت

so what

ممكن يثبت علي الار بي ام القليل لكن مش هيثبت معاك عند 6500
وهحاول اشوفلك فيديو بالكلام دة

تحياتي

**SYD** · 18-09-2013 03:43 PM

بص يا ابو صلاح
الفتيس تصنيع فولكس
اول انتاج كان في ٢٠٠٣
او استخدام كان في الجولف ٤ موديل r32
الجيل الاول كان ٦ سرعات وكانت وحدة الميكاترونيك غاطسة في الزيت وعشان كدة سموه wet
الجيل الثاني (٢٠٠٩-٢٠١١) كان ٧ سرعات ودة كان جاف او بمعني تاني ان الميكاترونيك مش غاطسة ودة قلل كمية الزيت من حوالي ٦.٧ لتر ل٢.٣ لتر علي ما اتذكر يعني ممكن الأرقام تكون مش مظبوطة

سبب المشكلات يكمن في سرعة التبديل بين العيارات واللي قل لسرعة تصل الي اجزاء من الثانية ودة يعتبر حمل زيادة علي الميكاترونيك وخصوصا انها مش بتتبرد بكفاءة ودة مش عيب تصنيع ولكنه عدم موائمة خصوصا لسوق زي المصري كل شوية إشارات واطلع واقف

الجيل الثالث كان من ٢٠١٢ الي الان
ودة تم تعديل السوفت ويير بتأخير زمن التغيير بين النقلات

عموما الdsg الأوفر في الاستهلاك علي الاطلاق
الأسرع في التغيير علي الاطلاق ودة بفضل الdual clutch
الانعم علي الاطلاق

ضيف علي كمان تكنولوجيا free wheel اللي نزلت في الجولف ٧ والليون الجديدة ودي بتمور الفتيس اول لما تشيل رجلك من علي البنزين لتحقيق اقصي توفير ممكن

اختيار جيل الفتيس بناء علي سعة المحرك

دة تعقيب سريع عشان انا في الشغل وداخل موبايل
بكرة او بعده بالكتير وهنزل التقرير بتاعي ان شاء الله

تحياتي

-

-

الموضوع: ناقل الحركة dsg

LinkBack

أدوات الموضوع

عرض

العرض المتطور

ناقل الحركة dsg - انشر الموضوع فى :

-

-

-

-

-

المواضيع المتشابهه

انواع زيوت ناقل الحركة (الفتيس)

انواع زيوت ناقل الحركة (الفتيس)

مشكلة في ناقل الحركة للألتو

كيف تقيس منسوب زيت ناقل الحركة الاوتوماتيك

ناقل الحركة الاوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة