الموضوع: ناقل الحركة dsg

المشاركة الأصلية كتبت بواسطة SYD

بص يا ابو صلاح
الفتيس تصنيع فولكس
اول انتاج كان في ٢٠٠٣
او استخدام كان في الجولف ٤ موديل r32
الجيل الاول كان ٦ سرعات وكانت وحدة الميكاترونيك غاطسة في الزيت وعشان كدة سموه wet
الجيل الثاني (٢٠٠٩-٢٠١١) كان ٧ سرعات ودة كان جاف او بمعني تاني ان الميكاترونيك مش غاطسة ودة قلل كمية الزيت من حوالي ٦.٧ لتر ل٢.٣ لتر علي ما اتذكر يعني ممكن الأرقام تكون مش مظبوطة

سبب المشكلات يكمن في سرعة التبديل بين العيارات واللي قل لسرعة تصل الي اجزاء من الثانية ودة يعتبر حمل زيادة علي الميكاترونيك وخصوصا انها مش بتتبرد بكفاءة ودة مش عيب تصنيع ولكنه عدم موائمة خصوصا لسوق زي المصري كل شوية إشارات واطلع واقف

الجيل الثالث كان من ٢٠١٢ الي الان
ودة تم تعديل السوفت ويير بتأخير زمن التغيير بين النقلات

عموما الdsg الأوفر في الاستهلاك علي الاطلاق
الأسرع في التغيير علي الاطلاق ودة بفضل الdual clutch
الانعم علي الاطلاق

ضيف علي كمان تكنولوجيا free wheel اللي نزلت في الجولف ٧ والليون الجديدة ودي بتمور الفتيس اول لما تشيل رجلك من علي البنزين لتحقيق اقصي توفير ممكن

اختيار جيل الفتيس بناء علي سعة المحرك

دة تعقيب سريع عشان انا في الشغل وداخل موبايل
بكرة او بعده بالكتير وهنزل التقرير بتاعي ان شاء الله

تحياتي

حبيب قلبي يا ابو السيد .. و الله انت نجم
على فكرة موضع غطسان في الزيت دي على ما اظن انها ملهاش علاقة بال WET او DRY اللي انا كنت قارية قبل كده كان يقصد بيهم موضوع (تبريد الزيت) ب بيبات المشع و التبريد الذاتي

اصل فكرة عمل الفتيس الاوتو تعتمد كليا على ال (solenoids) الموجوده في عقل الجيربوكس و دي بتحتاج تبريد مستمر من سخونية الزيت (الناتج) عن الاحتكاك .. ف القصد و الغرض هنا انه الزيت هو اللي يبرد مش الاجزاء المعدنية .. لانها بالتباعية غطسانه في النوعين

الجير كدا كدا لازم يكون جواه زيت


شكرا يا يا ابو السيد

المشاركة الأصلية كتبت بواسطة hossamalsadik

شكرا صلاح بيه على الموضوع وانك فتحتو وهوا هام لناس كتير تسلم ايدك
::::::::::::

تسلم يا حبيب قلبي