اقتباس المشاركة الأصلية كتبت بواسطة horas3000 مشاهدة المشاركة
ده نورك يا كبير
هو العربيه انا كنت عارفها كويس من الكويت
و رحت شفت الفيس لفت كمان
بس ارقام الاداء دي مكنتش اعرف انهم عدلوها
هبقي اتاكد ليكون التوكيل بيحلم

مهو بص لو بتدور علي اوبشنز اكيد الفولفو هتكسب
مع انها كده اغلي من ال 316 كمان و هتوصل لل x1 sport
و دي في راي هبل
ال 316 صعب يبقي فيها كل الاوبشنز لان لو حصل ده هيوقف سوق كل الفئات الاعلي منها ال 320 و انت طالع
و التوكيل يهمه مصلحته برضه لانه اكيد بيكسب منهم اكتر
و انا من الناس اللي هتجنن و اركب الزنون باي طريقه
بس برضه العربيه مش بالاوبشنز بس
و انا يمكن وضعي مختلف عشان عندي عربيه تانيه فيها كل حاجه

فولفو ماركه محترمه علي عيني و علي راسي
لكن هتفضل اقل من البي ام و المرسيدس
فانهم يزودا الاسعار بالشكل ده هيبقي هبل
طب انت تعرف ان في الكويت مثلا ال 316 بتمن ال s60 ال 2000 سي سي
بس عشان اسم bmw

و في راي هيبقي زيها زي الدارت كده
مبيعاتها هتقل عن الاول و اللي هيجيبها لازم يكون غاوي
طب هيه بنفس سعر ال 316 بس امكانيات ال 320 وزياده كمان يعني انت واخد فوق ال 316 زينون عالي وواطي ومتحرك وكمان نظام سيتي سيفتي وكلستر العدادات دي تحفه لوحدها غير الكراسي الكهربا وفتحه السقف كل ده بسعر ال 316 مقابل تفوق ال 316 في متعه الركوب فهوه كده بصراحه السعر 338 للفئه التانيه صح ويحيرك ما بين 316 بمتعتها وs60 بمتعه أقل شويه مقابل تجهيزات أكتر.

طب لما تحط ال 320 مع ال s60 ال 320 تزيد ايه عليها غير متعه السواقه؟

لو هنقول في ال s60 على عيب هيكون مش سعر اعاده البيع لأنها أصلا أرخص من البي ام لكن هنقول ان لما تبوظ فيه كام واحد راكبها عشان ألاقي قطع غيار ليها؟ وهستنى اد ايه راكنها على التوكيل يجيب الحاجات اللي محتاجاها؟ ده متلاقيهوش في ال 316 وده اللي يخليها تتفوق بجانب متعه السواقه.