أنا جربت دوست مرتين ورا بعض ومحصلش حاجة :crying2: وشكلى كان وحش قدام المدام قلتلها أنا هفاجئك بأوبشن جديد وطلع شكلى وحش جداااا :fdsa::fdsa:
عرض للطباعة
يا باشا إحنا مش إتفقنا تجرب الموضوع ده لوحدك الأول قبل ما تفاجئ بيه المدام علشان برستيجك و كده...؛):)
معلش أنا بتأسف جداً و لكن متأكد أن الفلوانس بداية من الشكل القديم موديلات ٢٠١٣ و أنت طالع فيها مكن رفع زجاج....ده أكيد.....يعنى المفروض لو بعدت عن العربية....العربية تقفل السنتر و الزجاج يقفل لو كان مفتوح....بس حضرتك أوضحت أن ده مش بيحصل و كمان دلوقتى بتأكيد أنك لما بتدوس مرتين الزجاج مش بيقفل....ده برده شىء غريب!!!!
طيب سؤال معلش....الزجاج الكهربا عندك لمسه واحده فى الطلوع و النزول و لا لازم تفضل دايس على الزرار علشان الزجاج يطلع أو ينزل؟؟
تقرير ممتاز .. وربنا يباركلك فيها
متشكر يا كبير اللى فاضل بس انى اعرف ادخل على setting بتاع العربية عشان اظبط الليدات والسنتر يقفل اوتوماتيك مع الحركة كان فيه اخ فاضل قال دوس على زرار setup لمدة 3 ثوانى هتظهرلك قايمة وأما دست لقيته جاب معلومات قناة الراديو اللى شغالة معرفتش ادخل على المنيو بتاعة ال setup لو عرفت تقولى تبقى برنس
ربنا يباركلك فيها ويديك خيرها ويكفيك شرها
ياباشا اضغط مرتين ورا بعض على الزرار اللى فى المقبض بتاع الباب الازاز هيرفع و المرايات هتضم والسنتر هيقفل
انا اقولك يا باشا التحكم في الليدات و اللوك مش من الكاست انت عارف دراع المساحه في زراير اسهم في لما تقلب بيهم هتلاقي متوسط الاستهلاك و الحجات دي افضل اللب لحد متلاقي ا sittings دوس دوسه طوىله هتلاقي ال beam light & autolock
اتمني تكون فهمت مني حاجه اصلي مش بعرف اشرح بس لو مفهمتش الطلاسم بتعتي دي ممكن نتكلم و اوصفلك اسهل و انت اكتب للناس :fun_36_3_4[1]:
دوس مرتين قفل بينهم ثانيتين هتقفل الزجاج والمرايات والنور انا جرببتها النهاردة في سمير ريان
مبروك لكل من اشتري العربية الفلوانس الجديدة و ربنا يبارك و يحفظكم من كل شر.
اية اخبار الثبات علي السرعات العالية(فوق 160)؟
العفشة اخبارها اية؟ ولا لسة محتاجة شوية وقت علشان تبان؟!
المطبات و التكسير في الطرق بتحس بية اوي و لا لا؟
حجمها الكبير مريح في القيادة وسط الزحام ولا غلس؟
الترخيص بالستاير سهل ولا بيغلسوا؟
الي اشتري اول فئة ب فتحة سقف شايف ان الفرق الي دفعة مقارنة بالفئة الي قبلها مباشرة يستاهل ولا لا؟
اية وسائل الامان ضد السرقة؟ (اصل انا للأسف اتسرقت عربيتي من تحت البيت و متعقد- ربنا يكتبلي الخير و الاقيها)
اية الانطباع لو حد كان معاة النترا قبلها؟
و شكرا جدا مقدما....
أنا حابب بس أنقل لكم أول تجربة سفر بالفلوانس بتاعتى للعين السخنة فى العيد ... مبدئيا أنا كنت مفول التانك قبلها بيومين وعملت مشوارين بعد كدة سافرت .... مبدئيا الشنطة شالت عربية بيبى وصندوق أكل وشنطة سفر وسط وشنطة صغيرة وشنطتين بلاستيك أكل ولحاف فايبر كبير متطبق ... كنا فالعربية 3 كبار وطفلين 8 سنين و 2 بيبى ... وأنا رايح مثبت السرعة على 120 كم/ساعة وفى آخر 50 كيلو على 130 عشان ألحق صلاة الجمعة الملفت فى الفتيس دة أن على 120 كان ال rpm بيلعب من 2100 ل 2800 حسب الطريق بيطلع وبينزل وأحسن رقم شفته فالكمبيوتر ﻷستهلاك البنزين كان 13.5 كيلو لكل لتر ... فى الرجوع الهوا كان شادد جامد وأنا مثبت على 120 أحسن رقم شفته ثابت كان 12.6 كيلو لكل لتر أم روحت فولت التانك خد نفس قراءة اﻹستهلاك الديجيتال بالمللى 26.8 لتر كنت عامل بيهم 348 كيلومتر يعنى متوسط استهلاك 12.9 كيلو لكل لتر ... الثبات ما شاء الله ممتاز بس وانا راجع مع تيارات الهوا العكسية أما كانت عربية كبيرة بتعدى جنبى كانت العربية بتتهز بس مش بتحدف ... مع العدد الى كان فالعربية محدش اشتكى من القعدة خالص والناس الى فالكنبة ورا فاردين رجليهم ومبسوطين ... دة انطباع بسيط عن السفر بيها
ياباشا مع الفلوانس اننسى كلمة مطبات بالعرض دى نهاااائى ... القرية الى كنت فيها فالسخنة فيه مطب كنت معدى عليه وقدامى سيراتو معدى جنبى على نفس المطب أنا بالحمولة الكاملة الى فوق وهو 3 أفراد ... هو نزل اتنين من الى معاه عشان يعدى وأنا خدته من غير ما أقف أساسا ولا الهوا ... وبنفس الحمولة عديت عالمريوطية بمطباتها الى عاملة زى الهضبة دى ولا حكيت ولا حكة بسيطة حتى الحمد لله
تعبينك معانا ياباشا بس عندى سؤال كدة
ال e3 اضاءة زينون ولا عادى ؟
الف مبروك , ربنا يحفظهالك ويديك خيرها ويكفيك شرها ,,, قول امين ,,
الزينون بدأ من موديل E3sr
الحمد لله استلمت الفلواني ال e2 اتوماتيك لون نبيتي
ادعولي
فوق الممتازه بصراحه ولا تقولي كوري ولا بتاع
فخامه الاوربي لا يعلى عليها
استاز Meggieboy محتاج سؤال منك
مش برضو نظام i-vvt نظام تكنولوجيا للمواتير ؟ ولايوجد فى الكورولا الجديده ؟
ياريت تشرفنا فى صفحة تويوتا "الحمد لله استلمت كرولا 2014 النهارده" الكلام علي اوي وانا لوحدي هناك مش دفاعا عن الفلونس لكن بقول اللي ليها واللي عليها والهجوم عليا من كل حته
مستنيك
نظام ال VVT-I ده فعلا نظام مواتير موجود فى تويوتا variable valve timing with intelligence و هو بالفعل موجود فى التويوتا الجديدة لأنهم منزلنها بنفس الموتور القديم بتاع الشكل القديم لأن الموتور الجديد 1.8L و 2.0L
معلش أعفينى من التعليق على قسم التويوتا لأنهم ناس حاجزه تويوتا و مستنيين يستلموا على خير و أكيد كل واحد بيدافع عن العربية اللى حاطط فيها شقى عمره....و أنا حاجز فلوانس فأكيد هتفهم غلط و أنى متحيز....على العموم ربنا يوفق الجميع العربيتين كويسيين جداً
ديه كل المعلومات اللى هتحتاجها عن الموتور اللى نازل دلوقتى فى الكورولا الجديدة:
1ZR-FE[edit]
The Toyota 1ZR-FE is a DOHC, 16-valve, 1.6 L (1598cc) engine equipped with dual VVT-i. This engine is available with either manual gearbox (5 Speed) or a "multi-mode" manual transmission (MM-T 5 Speed). For the Corolla Altis, the available transmission options are the manual gearbox (6 speed) or a 4 speed gate type automatic transmission. Output for this engine is rated at 124 hp (92 kW) at 6000 rpm and 116 lb·ft (157 N·m) of torque at 5200 rpm net.
Specifications:
Engine type : In-Line 4-cylinder DOHC 16-valve
Bore x Stroke : 80.5 x 78.5 mm
Compression Ratio : 10.2:1
Applications:
Toyota Auris (ZRE151) (Europe only)
Toyota Corolla (ZRE151) (Europe only)
Toyota Corolla (Middle East) (121 hp)
Toyota Corolla Altis (Facelift) (Asia only)
تقرير رائع
الف ميروك يا بشمهندش رامى وربنا يبارك للك فيها . اهم حاجة ماتمشيش بها على ((((الطريق الزراعى)))) .هههههههه
انت فاهم طبعا
:11_5_14[1]:
اشكرك جا علي المعلومات دي
- بس انت عارف ان الكورولا فيها نظام الموتور ده مع الفتيس المعروف cvt يعني حيطلع افضل اداء واقل استهلاك ...... وبرضو اخترت الفلونس !!! طيب ممكن توضح ليه اختيارك راح للفلونس
لاني مش شايف ان في فرق سعر بينهم
انا كنت انك حاجز فئة الهاي لاين (تستلم بالسلامه ان شاء الله) يعني مفيش فرق كبير بينها وبين فئة الكورولا 185 ؟؟
ياريت تنصحني زيك كده وقولي اختار ايه
ديه مواصفات موتور الفلوانس الجديدة:
1.6-liter HR16DE Engine
With even more fuel efficiency, high-class internal design and lightweight yet solid aluminum build, the HR16DE engine performs like a charm, smooth in movement and quick on acceleration.
Specs include:
DOHC, 16 valve, 4 cylinder, in-line
ECCS, electronic fuel injection control
Max. Power (unleaded) kW (hp)/rpm 80(107)/6,000
Max. Torque (unleaded) Nm (kg-m)/rpm 153(15.6)/4,400
سيبك من قصة الhorse power.....أهم حاجة بص على عزم الموتورين و ده للناس اللى بتفهم...موضوع الhorse power ده تجارى للتسويق
موتور الكورولا بيطلع عزم أقصى 157 نيوتين متر عند 5200 لفة
موتور الفلوانس بيطلع عزم أقصى 153 نيوتين متر عند 4400 لفة
يعنى موتور الفلوانس هيطلعلك أقصى عزمه عند منطقة لفات موتور أنت بتسوق فيها و هيديك عزم عالى جداً حوالي 85~90% من عزمه عند منطقة لفات الموتور اللى بنسوق فيها 3000 لفة و اللى بيسموها ال sweet spot بتاعت الموتور
على العموم أنا مضطر أروح الشغل دلوقتى و للحديث بقية......
اشكرك جدا علي المعلومات القيمه للفلونس
بس بردو منتظر اجابتك :wink01:
انا معاك فعلا ان موضوع الهورس بور ده تجاري بنسبة كبيره .... علشان كده تلاقي الشركات الكبري زي BMW وشركة مرسيدس واودي مثلا حتلاقي الهورس بور بتاعهم عادي بالنسبة للعربيات التانيه لكن النتيجه العمليه علي الطريق خرافيه
ما شاء الله ربنا يبارك فيها ويكفيك شرها ... تقرير ممتاز ومجهود يستحق الشكر
أنا هرد عليك من وجهة نظرى الشخصية: أنا فى الشركة عندى سوقت عربيات كتيرة قوى منها الكورى و منها اليابانى و طبعا الأوروبى....طبيعة شغلى بتعامل فى الهندسة مع شركات فرنساوى و شركات أسيوى و ده ينطبق تماما على العربيات....
العربيات الأسيوى أعتمادية جدا و تكييف جبار، سحب ناعم و صاج خفيف بيحسسك بقوة الموتور، تصميم الشكل ضايع و الان أصبحوا بيستعينوا بمصممين من أوروبا أو بيعينوهم فى شركاتهم مديريين تصميم زى كيا و هيونداى اللى جابوا مصصم قديم من شركة أودى هو اللى صمم الكيا السيراتو الجديدة و اللى قبلها ( لاحظ السيراتو من جيليين سابقين كانت ضايعة فى التصميم) و هو اللى صمم الألنترا الجديدة و ماسك منصب مهول فى الشركة دلوقتى......
ثبات مفيش غير يمكن الهوندا هى اللى فيهم و عفشة يا ناعمة قوى بتعوم منك على السرعات يا ناشفة قوى بترزع فى ظهرك و دماغك....موضوع الأمان بالنسبة لهم مكلف و ملهوش ألف مليون لازمة
فى ٢٠٠٦ و أنت بشترى الميجان رحت بصيت على الكورولا و الصنى.....ساعتها حسيت أنى بقارن طيارة موديل ٢٠٠٦ بتوك توك هندى موديل ١٩٠٠
ركبت الميجان و لغاية النهارده بعشقها و لغاية انهارده مزهقتش من شكلها و لا سواقتها و لولا أن الشركة جابتلى عربية مش ممكن كنت فكرت أنى أغيرها
الفلوانس بالنسبة لى بتكمل الميجان و بتتميز بالأتى:
-موتور أقوى سيكا مع كاتينه جنزير يعنى مفيش أعطال سير يقطع و أوفر فى الصيانات
-فتيس أنعم و مفيش نتشة و بصراحة الميجان موفرة رهيبة فى البنزين و الفلوانس نفس الحاجة و يمكن أحسن
- ثبات مضمون و متجرب و عربية طويلة و راسية
- عربية عالية جدا عن الأرض و أنسى الحك فى المطبات و النقر و ده موضوع أكيد
- عربية متجربة من ٢٠١٠ و أعطال نادرة و بالنسبة لأعتمادية الميجان أقدر أقولك أنها بقت أحسن ١٠٠ مرة
- توكيل بالنسبة لى أكثر من ممتاز، عارفهم كويس جدا و هما عارفين أنا بركب أزاى و بحب العربية أزاى، بروح و عارف العيب أيه و هما بيغيروه على طول، ما أتذكرش فى مرة ملقتش عندهم قطعة غيار كنت عايزها
- ضمان التنييين، دبحتهم فى الضمانات و مفيش بم معايا و حقى بخده تالت و متلت
- أخدت أعلى أمان أقدر أحصل عليه و هو ٦ أيرباج
- طبعا السمارت كى بعد ما تتعود عليه مش ممكن تركب مفتاح تانى ده غير الغلق و الفتح عن بعد
- فتحة سقف مكنتش عندى فى الميجان
- شنطة أوسع و مساحة خلفية أوسع
- تكييف أقوى و تتش و مخرج خلفى و dual zone
- بلو توث للتليفون مع audio streaming
- فرش جلد كامل
-باى زينون Adaptive self leveling
- شكل من قدام رائع و لو أنى لحد دلوقتى بحس الميجان تصميمها أجمل
-طارة دركسيون و فتيس جلد و حليات كروم من الداخل
- أنوار عتب فى الأربع أبواب
- ٣ ستائر خلفية داخل الأبواب روعة
- كاسيت أحسن من ٨ سماعات من تصميم أركاميس و صوت ثلاثى الأبعاد و مخرج usb و aux
- جنوط و أنا مكنش عندى
- عدادات ديجيتال حديثة و تنبيهات فى الشاشة لكل حاجة يعنى شنطة مفتوحة أو مشكلة معينه
- سامع إن فيها مراية داخلية إلكتروكروم بس لسه مش متأكد
- مرايات ضم مع الغلق و الفتح
من الأخر أنا عميل مبسوط جدا من الميجان كعربية و من توكيلها و كنت راكب أول فئة أتوماتيك، قوم إيه ربنا يرزقنى بالموديل الحديث بتاعها و أعلى فئة منه....طيب قولى أيه اللى يخلينى أسيب كل ده و أروح لحته مش بتاعتى و مدرسة تانية خالص و كماليات أقل بقيمة فوق ال٣٠ ألف جنيه و شركة أول مرة تعمل تصميم جديد مختلف و تحط فيه كماليات منافسه لأول مرة فى حياتها و تهتم بالأمان لأول مرة فى حياتها و الثبات لسه هنجربه....طيب فيه حد من الأعضاء الكرام خليهم يقولولك على ثبات الكليو عامل إزاى
أنا معايا كليو ٢٠٠١ موتور ١٤٠٠ سي سي ثباتها عالى جدا جدا و يفوق الأسيوى الأعلى منه فى المستوى بمراحل، لاحظ أن الكليو دى الشعبى بتاعت رينو
أنا سوقت البيجو ال ٢٠٦ فترة و كنت بجرى بيها.... العربية دى ثباتها خرافى و لما كنت أركب الأسيوى بعدها كنت أحس أنى ماشى على زيت
أنا الحمدلله الأختيار محسوم بالنسبة لى