تمام ربنا يبارك لكل ملاك الفلونس
عرض للطباعة
تمام ربنا يبارك لكل ملاك الفلونس
سؤال يا جماعه هل يوجد في أي فئه موجوده في مصر فرامل يد الكترونيه (زر فقط) ، انا جايب اعلي فئه في السعوديه و فيها الاوبشن ده بالاضافه الي فتح الشنطة و التنك من داخل السياره اللي اسمع انها مش موجوده في كل الفئات في مصر
طب نظام التوكيل اية الواحد ممكن يركب بارك سنيور في الفئة e3 ﻻئن الصراحة عجبتني اوي و الفرق كبير بنها و بين الي بعدها فالوحد يعرف ممكن يركب في التوكيل وﻻ ﻻ
شكرا جدا لحضرتك علي الرد اصل الصراحة العربية محترمة جدا و الفرق 9 الاف عن الفئة التالية و الفرق البارك سنسور و فتحت السقف ولا في حجات تانية الواحد مش عارفها و انا ميفرقش معايا فتحت السقف الاهم عندي البارك سنسور معلش هيا الكراسي كهرباء فيها ولا لا و شكرا مرا تانية للرد و الافاده
لو عاوز رأيى الشخصى لو رجع بيا الزمن هشترى ال e3s فرق 9 الاف اه بس هاخد بيهم فتحة سقف و فرش جلد وبارك سنسور و زينون فابريكة بس انا اما اشتريت للأسف مكنتش اعرف ان الفئة دى موجودة لأنى مقريتش عن العربية كويس
[OVERLINE]الفئه e3s لا تزيد الا فتحة السقف والبارك سينسور وجراب للنضاره فقط لا غير واما عن البصمه فهيه موجوده ابتادءا من e3 الي هيه معايه اصلا[/OVERLINE]
بسم الله
دى اول مشاركة ليا فى هذا المنتدى الرائع بحق
استفدت كتير منة وبصراجة كنت بافكر اشنرى عربية اخرى غير بى ام دبليو
بقالى 20 سنة ركبت فيهم 17 سنة بى ام بقئاتها المختلفة و 3 سنين بس ركبت انواع تانية
اخرهم كان bmw320 موديل 2010 وبيعتها لانى كنت هاغير للفئة الخامسة بس كسر زيرو لانى مش هاقدر على الزيرو بتاعها
بعد زيادة البنزين راجعت نفسى وبدات رحلة صعبة جدا لاختيار سيارة جديدة وبصراحة المنتدى استفدت منة كتير وكذا عربية كنت افكر فيها افتح واقرا عنها فى المنتدى واتراجع عن شراؤها بفضل كم المشاركات القيمة من الاعضاء والمشرفين
المهم انا استقريت على الفوانس الشكل الجديد واللون الكريمى الفئة الثانية اوتوماتيك
حاليا ان باسال اجيبها منين من غير لاحجز ولا وجع دماغ وسعرها كام واتاكد من اية وانا باشترى
وأية الحاجات اللى اتاكد من استلامها وقت الشراء واحسن مركز خدمة اتعامل معاه
انا من القاهرة - المنيل
وارجو سرعة الرد لانى عاوز اشتريها بسرعة وشكرا لحضراتكم ولهذة الصفحة الرائعة التى استفدت منها وقررت شراء الفلوانس بسبب مشاركات ونشاط الاعضاء المحترمين ومشرف الصفحة المثقف بدو ان يتفلسف فيما لا يفهمة
الرجل يتحدث بعلم وحيادية واضحة
وفقكم الله دائما للخير وهمتكم معايا بقى فى الرد عليا سريعا وشكرا
الطارق انا لسة شايف امبارح واحدة مستلمة من عندهلون فضى وعنده واحدة فضى هايلاين جوة ...اعتقد اﻷوف وايت مش هنلاقيه بسهولة لكن اسأل فى الطارق مول العرب و المصرية وسمير ريان والقرش و الليثى و كل دول سؤال بالتليفون و ان شاء الله تبقى مبسوط بيها ... حاول تجيب 2015 اللى نازلة اخر الشهر دة ان شاء الله اسأل فالتوكيل بردو ممكن يجيبهالك فالشحنة دى
بالإضافة للمعارض إللى ذكرها الأخ رامى حاول مع السبع أوتوموتيف أيضاً .. ممكن إن شاء الله تلاقى حاجة تسليم فورى ولكن أعتقد اللون الكريمى صعب شويه .. أنا إنتظرت شهرين علشان اللون ده بالذات وكان أمامى الفضى والأسود والرمادى تسليم فورى
ربنا يوفقك لما فيه الخير
فى اشاعة نزلت ان هيبقى فى تغيير فى 2015ةباضافة ليدات خلفية والكلام دة متاخد من منتدى أجنبى اللى بينزل عندهم الفلوانس تحت مسمى سامسونج
انا عن نفسى سألت فالمعرض قاللى مفيش اى اختلاف و عن نفسى ااعتقد مش هيحصل اختلاف ﻷن الفيس ليفت لسة نازل والاختلاف مش هيبقى قبل 2016 لكن هتستفيد فرق موديل السنة مش اكتر
كلام العقل مافيش احسن منة ... شكرا
الله يطمنك . ويباركلك في عربيتك
برجاء اعادة رفع الصور
شكرا لصاحب الموضوع
الف مبروك
السلام عليكم
يا ريت يا جماعة تاخدوا بالكم ان ما حدش يرفع المساحات بايديه سواء ان كان سايس او منادى علشان المساحات بتجرح في الكبوت لو في الوضع العادى
لازم والعربية مبطلة تنزل دراع المساحات لتحت علشان تكون في وضع يمكن تحريكها ورفعها بسهولة علشان محدش يجرح العربية
الحكاية دى حصلت لى من يومين وبتوجع الواحد لما بيحس بذكاء الشخص المصر على رفع المساحات عافية
عافانا الله واياكم من الاشكال ديه
معلش ممكن تعيد رفع الصور ضروري
وكمان ليا استفسار هو الزجاج بيفتح بالريموت وللا غلق بس
وكمان عاوز اعرف ازاي الفيتيس cvt ومع كده استبترونك مش المفروض انه اسطوانه متغيرة القطر والاستبترونك بيعتمد على النقلات ؟
هل كل الفلوينس فيتيسها كده وللا تم تعديله لان انا معايا ميجان وكان اكتر حاجه مضايقاني النتشه الشهيره في الغيار التاني وكنت خايف من الفلوينس لنفس السبب وكنت بفكر في الكروللا لانها افضل في تكنولوجيا الموتور وانعم في الفيتيس والله اعلم
فتيس الفلوانس القديم زى فتيس الميجان و فيه نفس النتشة
أما فتيس الفلوانس الفيس ليفت فده xtronic cvt و مفهوش اى نتش نهائى و ناعم نعومة ملهاش حل
فيه جزء الاستيب ترونيك و ده بيتحكم فيه الكترونى مش تروس....يعنى بدل ما ال cvt فيه عدد لا نهائى من النقلات لما حضرتك بتجيب الستيب ترونيك او المانيوال فى الفتيس العربية بتتحكم فى الفتيس عن طريق سوفت ويير و بتديك احساس ب 6 نقلات و لكنه احساس فقط و التحديد ده الكترونياً لان فعلياً زى ما حضرتك اشرت مفيش تروس
على فكرة...الكورولا الجديدة برده فتيسها cvt
تحياتى
السلام عليكم
انا اول مره اكتب ف موضوع بس متابع من فتره كبيره عشان اختار عربيه تناسبنى
وفعلا الناس هنا من كتر الحياديه والشفافيه والقرب بينهم وصراحتهم خلو الواحد يحب الفلوانس والعربيه كمان ممتازه ربنا يبارك فيكم وليكم (م.هانى/ ياسر / مصطفى مجدى /تامر.محمد / احمد الفقى) انا مش عايز انسى حد بس كل الناس هنا محترمه وفيه امانه ف نقل المعلومه .
اناشوفت العربيه عند الليثى عشان متعاقد مع بنك مصر وهجبها قسط ان شاء الله
2015 عامله عنده .169.500 الفئه التانيه اوتوماتيك اللون الكريمى (اوف وايت) . لو حد يعرف معرض عنده سعر افضل من كده يا ريت يفيدنى
وبشكر تانى كل الناس هنا بدون استثناء
عشان الباشا اللى زعل عشان الصور اعادة رفع الصور وارجو المشرف يعيد رفعها تانى ... لا و نفس الصور اللى باكياسها كمان
http://nileup.com/up/uploads/nilemotors_14109209541.jpg
http://nileup.com/up/uploads/nilemotors_14109209552.jpg
http://nileup.com/up/uploads/nilemotors_14109211811.jpg
http://nileup.com/up/uploads/nilemotors_14109211812.jpg
http://nileup.com/up/uploads/nilemotors_14109211823.jpg
http://nileup.com/up/uploads/nilemotors_14109213921.jpg
http://nileup.com/up/uploads/nilemotors_14109213932.jpg
http://nileup.com/up/uploads/nilemotors_14109213933.jpg
http://nileup.com/up/uploads/nilemotors_14109216081.jpg
http://nileup.com/up/uploads/nilemotors_14109216092.jpg
http://nileup.com/up/uploads/nilemotors_14109216093.jpg