إيه دة بجد ...دي تبقي حلوة جدا ...
هل في أي معلومات مبدئية عن الموتور دة ...
عرض للطباعة
ده موتور من تصميم وانتاج شركة رينو مطور للعمل بنظام اكبس المضاعف (تيربو)
يوجد به عدة موديلات
- موديل 900 cc ذو قدرة حصانيه 90 حصان
- موديل 1200 cc ذو قدرة حصانيه 110 حصان
- موديل 1400 cc ذو قدرة حصانيه 130 حصان يسمي " ENERGY TCE 130 "
- موديل 1600 cc ذو قدرة حصانيه "مش فاكر"
- موديل ديزل
ومن مميزاته انه صغير الحجم وخفيف الوزن
الاجمل ان معدل استهلاك البنزين = 1.5لتر لكل 100كم
وايضا معدل الانبعاث لغاز ثاني اكسيد الكربون اقل من سابقه 20% لكي تصبح صديقة للبيئة
والمفاجئة انه بدأ بالفعل انتاج هذا النوع من المحركات وتم نزوله فى الانواع الاتيه:
1- ميجان الجديده (اوروبا)
2- سانك
3- جراند سانك
(عقبال الفلونس ان شاء الله)
دمتم فى امان الله
الف مبروك
وانا محتار بينها وبين فانتازيا 2010 عداد 24000 كيلو حالوة الزيرو بالاضافة الى تقرير التوكيل بان العربية زيرو مفيهاش اي حاجة وثمنها 135 الف
مش عارف اجيب ايه والامكانيات متاحة لشراء الفلوانس 2014 الجديدة اول فئة فى الصن رووف
هو انا لو حجزت التوب لاين ال ب 200 دلوقتى الاستلام فورى ولا لا ؟؟
ايه هى الفئات الفيها استلام فورى حاليا؟؟ وايه الفرق بين التوبلاين والهايلاين ؟
الفئة اللى ب ١٦٩٥٠٠ أو سعات اللى ب ١٧٨ ألف دول فيهم أستلام فورى و كمان سعات بتلاقى أقل من السعر الرسمى
التوب لاين بتبقى اسبيشيال اوردر و مش حجز عادى
الهاى لاين سعرها ١٨٨ ألف و الحجز ٣ شهور و ده أقل واجب فى الفئة دى.
فيه فئة ب ١٩٥٠٠٠ بتزيد فرش جلد بيج و تابلوه بيج و جنوط ١٧ و حساسات أمامية و مرأة صالون معتمة
الفئة اللى ب ١٩٩٩٠٠ بتزيد عن ما سبق شاشة تاتش ٨ بوصة بكل وظائف الكاسيت و البلو توث مع نافيجيشن و لكن للأسف الخرائط من شركة TomTom و مفهاش خرائط مصر فمش هيكون مفيد.
أخر فئتين دول هما اللى بيسموهم توب لاين و بيبقوا اسبيشيال اوردر
الدفعة الجديدة و دى فيها تشكيلة كويسة هتوصل ميناء الأسكندرية يوم ٢٧ ديسمبر، يعنى فى النصف الثانى من يناير هتنزل كل المعارض.
* * * * * * * * * *
ممنوع وضع روابط لمنتديات أو مواقع أو أي وسيلة مقروءة أخرى منافسة او غير منافسة دون الرجوع للإدارة
فى حالة تكرار المخالفه سيتم حصولك على إنذار وإيقاف
يرجى مراجعة قوانين المنتدى
م ع 5
حد عارف اسعار قطع الغيار
الف مبروك يا باشا و ربنا يديلك خيرها و يكفيك شرها
ينفع اي حد من الملاك يعملنا فيديو صغير للتسارع من ٠ الي ١٠٠
السلام عليكم
اخوانى ملاك الجميلة فلوانس - انا معى e3s الشكل القديم موديل 2013 - ونظرا لطبيعة شغلى خارج البلاد بسيب العربية احيانا شهر - ولما ارجع وادورها وابتدى اعشق الجير على d - وابتدى اشيل رجلى من على دواسة الفرامل احيانا - بقول احيانا - اسمع صوت طقة فى الجير و بعدها العربية تبتدى تمشى - بس طقة مزعجة و مخيفة - احيانا تحصل بعد كل ركنة لمدة شهر و احيانا لأ - بتعملها مرة واحدة بعد الركن لمدة طويلة و خلاص - طول مانا اجازة و اسوق كل يوم مابتحصلش الطقة تانى
بلغتهم فى صيانة 5000 و 10000 - ومعملوش حاجة - ومكنش عندهم تفسير للى بيحصل دهز
فهل حصلت مع حد من ملاك الشكل القديم
افيدونا افادكم الله
السلام عليكم جميعا
اخوكم بقاله شهر تقريبا كل يوم في مكان عشان اجيب عربية جديدة... و الحمد لله حصرت الاختيار بين فلوانس الفئة e3
او كورولا الفئة للثانية......
طبعا في فرق في السعر وحاجات تانية كتير بس هما دول اكتر حاجة هتناسبني من وجهة نظري المتواضعة.. وخبرتي القليلة في العربيات.....
يهمني رايكو طبعا
نيجي بقي للفلوانس... مش عارف ليه حاسس ان فيه معلومات كتير. مش مكتوبة علي الموقع الرسمي للشركة او عند المعارض. ...يعني مثلا موضوع ان الزجاج لو فيه حاجة عاكستة ميقفل (و دة طبعا مهم جدا عشان الاطفال)
و كمان انا مش لاقي اي حاجة علي ال موقع بتقول ان الموتور 115 حصان. ولا ان الفتيس cvt
ممكن حد كدة يدينا تقرير جامد و ياريت لو بالمراجع بتاعتة :)
وكمان الحاجات الي مش موجودة في البروشور
متشكر جدا مقدما
الف الف مبروك وربنا يملهالك بركه..لو سمحت انا اشتريت الفئة e3 اللي تمنها 178000 وعمله معايا 600 كم عندي ملحوظه لمااالعربيه تقف في اشاره وهي على D وادوس فرامل ..لما اسيب الفرمله و تبدأ العربية في الحركه في زي نتشه بسيطه.حاجه تانيه موضوع عزل الهوا انا لاحظت الحكايه دي لما فتحه السقف تبقى مقفوله وموكيت السقف مفتوح فعلا في صوت هوا.ارجو الافاده
ربنا يباركلك فيها يا باشا
ان شاء الله ناوي اشتري عربية جديدة و محتار بين الفلوانس e3 و الرابيد الفئة التالتة و ان كنت اميل للفلوانس لان اوبشنها اعلى و توكيلها افضل و اكثر انتشارا .. و النهاردة كنت بستخير اني اخلص في الفلوانس و كلمت واحد شغال في التوكيل فقالي استنى 3 او 4 اسابيع عشان في مشكلة بنحاول نشوف لها حل بس ما رضيش يقوللي اي هيا و قال انها ما كانتش موجودة في الشكل القديم .. حد معاه الشكل الجديد و مشي بيها اكتر من 20000 و قابلته اي مشاكل في العربية .. انا كل ما انوي اخلص في حاجة توقفني لدرجة فكرت اخلص في اي حاجة زي السيراتو او اللانسر الشارك عشان اخلص .. افيدونا اكرمكم الله
اهلاً بحضرتك فى قسم رينو
معتقدش حد لسه عمل ال 20 الف فى الفيس ليفت بس فيه ناس عدت ال 15 الف و طبعاً الاعضاء هيردوا على حضرتك
بالنسبة لموضوع الشخص اللى سألته من التوكيل و قالك ان فيه مشكلة هل ده شخص حضرتك تعرفه شخصياً و ده كلام بينك و بينه و لا ده موظف شغال فى التوكيل حضرتك متعرفوش و سألته عن العربية
لو كان شخص متعرفوش ممكن حضرتك تقولى انه فرع من التوكيل اللى سألته علشان اعمل تحرياتى و اكون شاكر ليك جداً
تحياتى
استاذ هانى سعد
ممكن تقولى ايه اخبار الوجان الشكل الجديد 2014 من كل النواحى لانى ملاقتش ف القسم حد اتكلم عنها و لا حتى اشتراها يقولنا عن خبرته معها او ينقل لنا معلومات عنها من ناحيه الاتساع و الاوبشن و الخامات و العفشه و الماتور و عيوبها ايه ان ظهر ليها عيوب .. لانى بفكر فيها
بعد اذن م.هاني
اللوجان الجديده لها عدة فئات جميعها مانوال ولايوجد فتيس اوتو حتي الان (بعد سنة ونص)
شكل التابلوه الداخلي والكونسول جميل جدا وعصري جدا
المساحة الداخليه واسعه جدا
الفرش قماش اسود ويوجد جلد بس فى الهاي لاين
يوجد فى الهاي لاين شاشة جي بي اس "يعمل فى مصر"
اما بالنسبة للاعطال او المشاكل : السياره مازالت جديده ولسه ماعملتش 200كم
اتمني اكون افدتك ولو بالقليل
السلام عليكم يا وحوش رينو
باشا انا معايا الفيس ليفت e3 بفتحة سقف و عامل بيها لغاية دلوقت 32000كم و انا شغلى على طريق السويس و بدخل فى مدقات كتير و الحمد لله دى تانى فلوانس ليا بعد الشكل القديم عملت بيها حادثة انا و الاسرة بس كلنا طلعنا بخير و ده اللى خلانى اجيبها تانى
وطبعا انا اكتر واحد يقدر يحس بالفرق بين الشكل القديم و الجديد فى كل حاجة و القديمة كانت عاملها 60000 كم و انا فعلا بشكر المنتدى و كل الاعضاء و طبعا اخص بالشكر كل الفلوانسيه على كمية المعلومات و الامانة فى الطرح و النقاش و ربنا يبارك فيكم و يحفظكم من كل شر
باشا...اهلاً و سهلاً بيك فى عائلة رينو و الف حمد لله على سلامة حضرتك و الأسرة الكريمة من الحادثة
اكيد كنت مبسوط من الشكل القديم و ده اللى خلاك تشترى الشكل الجديد بعد الحادثة
حضرتك طمنتنا انك عامل 32000 الف بالعربية و اعتقد الحمد لله مفيش مشاكل تذكر
معلش لو هتقل عليك حابب حضرتك تشاركنا ب3 حاجات علشان كلنا نستفاد منك
اولاً المشاكل اللى ظهرت معاك فى الشكل الجديد و حتى الان 32000 كم
ثانياً المشاكل اللى ظهرت معاك فى الشكل القديم و حتى ال 60000 كم
ثالثاً مقارنة على قد ما تقدر بين الشكل القديم و الجديد
و بشجع حضرتك قوى انك تعمل 3 مواضيع فى قسم رينو علشان كلنا نستفاد
تحياتى لشخصك الكريم
ربنا يباركلك فيها ويديلك خيرها ويكفيك شرها
مبروك والله يحرسها لك من العين الف مبروك يا مبروك
ربنا يبارك لك فيها وعطيك خيرها ويكفيك شرها
سلامتى ليك يا بشمهندس هانى على كل المعلومات القيمة و الدقيقة اللى بتقولها اما بخصوص طلبك طبعا اكيد انت تؤمر ده كفاية اننا بلديات انا اسكندرانى على فكرة و لازم نتقابل قريب ان شاء الله و انا حرد على السريع الاول هنا
فلوانس 2012 الشكل القديم60000كم
المشاكل:-
-ميكانيكا---------------الحمد لله و لا مشكله كبيرة خالص و على فكرة انا كنت عامل 60000 فى 18 شهر بس
-كهربا----------------- الكاست باظ و اتغير فى الضمان
فلوانس 2014 الشكل الجديد عامله 35000كم :-
المشاكل :-
-ميكانيكا---------------الحمد لله مفيش حاجة تذكر بس انا لبست فى فردة كاوتش على طريق السفر و غيرت الاكصدام فى التوكيل بالتامين
-كهربا----------------- مشكلة واحدة ان الكاست ساعات بيفصل لوحدة و يرجع يشتغل تانى الباقى الحمد لله زى الفل
--------------------------------------------------------------------------------
الفروقات ما بين الشكل القديم و الجديد :-
- الاداء
فرق شاسع cvt عامل شغل غير طبيعى فعلا مخلى العربية بقدر اشد مع كورى و يابانى فى الطلعات الاولانية وده كان شئ مستحيل بالشكل القديم
- التكييف
فعلا افضل من اللى قبلة و نصحية التفيم الحرارى بيعمل فرق جامد جداااااااااااااااااااااا
-العفشة
ان اللى فهمه ان فى بعض التعديلات البسيطة بس اللى حسه ان مافيش فرق يذكر لانها اساسا كانت ممتازة و نصيحة زود نتيروجين عند حد كويس زى fix&fit مثلا على نفس المقياس اللى مكتوب على الباب و حتس بفرق رهيب فعلا
-الدواخل
نفس الشكل مع اضافة لمسة جمالية بس برضة انا لسه شايف انهم محتاجين يعيدوا توزيع المساحى بين كرسى السائق و الراكب الامامى زى الفورد كدة و الاوبل
-الكاست
فعلا فرق شاسع فى الصوت مع 3D بس راى انهم محتاجين يضيفوا صب صغير حتى
اكتر حاجة ضيقتنى فعلا موضوع بكرة التحكم و انها مش بتعمل ok و انها مافيش تقليب بين القوائم و الغاء voice dialing ده بالنسبة لى ماسأة علشان انا بعمل مكالمات كتير فكنت متخيل و جودة فى الجديدة بس للاسف لا و انا شايف اننا ممكن نضغط على الشركة و تعيد تلك الخاصية فعلا مهمة
الصراحة انا بفكر اركب جنط 19 علشان لما شوفت C7 ستروين الجنط 19 جامد جدااااا عليها مخلى العربية اجمد كتيييير
ؤال بقى اخير حد يعرف اجيب الكاسيت GPS منين فى اسكندرية
مشكور على وقتك و مجهودك و ربنا يكرمك فيها . فعلا موضوع ال ok ده من بكرة التحكم مش موجود دى حاجه رخمه
مش عارف ايه السبب برغم انه فى اعتقادى انها مجرد سوفت وير مش اكتر خصوصا انه البكره فعليا بتنضغط لجوه لما بتغط عليها بصباعك و برضه الاتصال الصوتى سوفت وير لان التجهيزات موجوده
كهارد وير . طيب ينزلوها و اللى عايز يعملها يدفع رسومها ده لو كان غرضهم التوفير فى سعر العربيه
هي الفلوانس الفئة الاولي اللي سعرها 155000 فيها usb وله لأ ياجماعة ؟؟