الموضوع: بعد اذنكم محتاج مساعدة عندى مشكلة فى المساعدين مع انها جديدة

انا اشترتي عربية ابيزا موديل 94 كويسه والحمد الله المساعدين كانت خفيفة الى حد ما قولت اغيرها حفاظا على العربية عشان الفخد فيها فتحه بطول واحد سم فى كل فخده روحت اشتريت 4 مساعدين جديدة من فتح الباب عشان متخصص فى الالمانى ومحل له سمعته نوع المساعدين ساكس ( غاز على هواء ) ركبتهم وبعد ما ركبوا العربية نشفت جداااااا والمساعدين تقال اوى فى حركتهم واى مطب بحس بيه ولو ماشى بسرعة العالى والواطى بتاع الشارع المفروض تحس ان العربية بتمتصه بانسيابيه بسيطة جميلة جدا كانك ماشى على مياه لكن العكس تحس ان العربية كلها بتميل مع العالى والواطى ولو كلت مطب بسرعة احسن المساعد حتة حديدة ومصدر قصاد المطب ........ الكلام ده ورا وقدام ومش عارف اعمل ايه روحت لمحل فتح الباب اشتكيت له ان العربية بتدب فى المطبات قالى اصبر شوية على العفشة ...... السؤال هنا بقا ؟
--- هل فعلاً الواحد يصبر على العفشة ؟ بالذمة ده كلام يتعقل ولا العفشة المفروض تشتغل من اول ما تركب وتبقى حنينه على العربية والمطبات خصوصا ان ما فيش حد بيركب معايا استعمالى للعربية فردى ومش من الشباب اللى بتتعفرت بالعربية .
---- الفتحات اللى فى الفخدتينى اللى بطوا واحد سم فى كل فاخدة خطيرة ؟ خصوصا ان ناس كتير قالت لى ان اغلب الابيزا والاوبل الكورسا كدا بتفتح من الفخد الفتحه دى
----- ايه هو نوع المساعد المحترم والافضل يكون زيت على هواء ولا ( غاز على هواء ) ؟
ارجوكم ما تبخلوش عليا بالافادة لانى ابتديت اتخنق وبفكر ابيع العربية رغم اعجابى بيها :(
شكرا لمروركم واسف لو كنت ضيعت وقتكم ..........

اشكرك بس بالطريقة دى على المساعدين دى ما تشتغل العربية هتتبهدل

صديقي المواطن
ياما قلنا وياما نصحنا وياما حذرنا وصوتنا إتبح وبلاش فتاوي وبلاش عند ومحدش يقول الفابريكة.نازلة كده المساعدين الغاز.أو المساعدين مختلط غاز.وزيت فده فاشل في مصر وشوارعنا واﻷصح هو الزيت فقط رغم إنه تكنولوجيا قديمة.لكن العربية والسائق بيرتاحوا بيه ودمتم للنضال يا راجل ده إحنه بندفع فلوس وبنفتكس في العربيات الصيني عشان نحورلها ونوفق لها مساعدين زيت فقط عشان تكون الغربية.مريحة

[QUOTE=saddam;3875188500]صديقي المواطن
ياما قلنا وياما نصحنا وياما حذرنا وصوتنا إتبح وبلاش فتاوي وبلاش عند ومحدش يقول الفابريكة.نازلة كده المساعدين الغاز.أو المساعدين مختلط غاز.وزيت فده فاشل في مصر وشوارعنا واﻷصح هو الزيت فقط رغم إنه تكنولوجيا قديمة.لكن العربية والسائق بيرتاحوا بيه ودمتم للنضال يا راجل ده إحنه بندفع فلوس وبنفتكس في العربيات الصيني عشان نحورلها ونوفق لها مساعدين زيت فقط عشان تكون الغربية.مريحة[/QUOT


والله يا اخى انا لا اتفزلكت ولا نيلة ده كل ما فى الامر لما روحت اشترى البيه اللى فى المحل قالى المساعدين الغاز على هواء ميه ميه وتمام وانا لا فاهم لا فى دى ولا فى دى بس انا رايح له بكره عشان المساعدين والعربية واقفه تعملهم اختبار تلاقيهم شبه محجرين يا دوب يخدوا ويدوا مسافة صغيرة جدااااااااااااااااااااااا ااا وبعدين يتقلوا زيادة
بالشكل ده العربية هتدغدغ على ما المساعدين دى تلين

المشاركة الأصلية كتبت بواسطة aw2100

طالما المساعد بيطلع وينزل تقيل يبقى بايظ حتى لو جديد انا مرة اشتريت مساعدين مونرو اسبانى جداد وكان فية واحد محجر قبل مايركب روحت رجعته روح للمحل ده قبل ماتفك المساعد ووريلة انه محجر وخليه يغيرهولك وخلى بالك وانت بتشترى اى قطعه غيار تسئل الصنيعى الأول وتخلية يجربها قبل ماتركب واياك تسمع كلام البياع علشان اغلب البياعين حرامية وبتبقى فية بضاعة مركونة عندهم عاوزين يخلصوا منها للزبون اللى مش فاهم ولو حيغيرهم جيب مساعدين زيت وربنا معاك !!

كلامك سليم المساعدين تقيله اوى اوى بس البياعين فى المحل بصراحة معاملتهم زى الفل وبكرة ان شاء الله رايح لهم فى صنيعى موجود المحلات كلها فى شارع دمشق بيتعاملوا معاه هيبص على العربية وهيقولهم ..... وان شاء الله هغيرهم بمساعدين زيت بقا واريح دماغى

المشاركة الأصلية كتبت بواسطة hugan

عايز اقولك ان الصنايعي بتاع المحلات
عمره ماهايقول ان المساعدين ناشفه
وها يطلع العيب من عندك
وانك مش واخد بالك
او اول مره تركب عربيه

لاني اشتريت مساعدين من عند فخري زلط للشاهين ا

علي اساس انهم مايلي الماني
وطبعا ولا هم الماني ولا تركي حتي
ورجعت ليهم وجابو الصنايعي اللي كل الشارع بيتعامل معاه
طبعا يمين شمال مش هاتاخد فايده
وفي الاخر رميتهم واشتريت مونرو

هههههههههههههه يعنى لبستهم ولا ايه ؟