ممكن الادارة تضيف اختيار اخر للاستفتاء وهوا(ولا واحد من دول) لانى مش عارف اعدل فى الاستفتاء
i2 الاتصالات الدولية
Raya رايه
Ring رينج
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
السلام عليكم ورحمه الله وبركاته
مين فينا قابل مشكله مع ضمان الموبايل بتاعه
قصدى مين فينا مش قابل مشكله
تعالوا نعرف المشاكل دى ايه ونشوف التوكيل او الضمان عمل ايه
هبدأ بنفسى
معرفش ايه اللى خبطنى فى عقلى وقولت اشترى جهاز موبايل من مصر مع انى متعود انى اشترى دايما من برة وخصوصا من الامارات (علشان اكون ضامن الجوده وابعد عن الصين المصرية)
قولت هتفرق ف ايه العدد كلها بلاستيك
فبعد بحث وتدقيق عن افضل المكونات والاسعار رسيت على نوكيا 3110 نزلت فدورت فى المحلات جنبى على الموديل ده ومش لقيت الا ضمان اى تو
فقولت لنفسى شركة ضمان دولى وبسمع عنها وتوكلت على الله واشتريت
الكلام ده يوم 10-8-2008 فخلال مده اسبوع اسبوعين الجهاز لقيته بدء مشاكل يعنى بيرستارت لوحده و صوته فى مشكله فيه
ان لما حد يرن عليا الرنين بيبقى تصاعدى مع انى ضابط الرنين انه رنين متواصل عادى
وكمان المنبه صوته يكاد يكون مسموع
فدخلت على الانترنت سرشت لقيت موقع لتقييم الموبايلات اسمه gsmarena
دخلت وشوفت اراء الناس فى الجهاز ده لقيت اللى بيشكر فيه واللى بيقول فيه قصايد فى انه مليان مشاكل
ولقيت بيقولوا نفس المشاكل اللى عندى فعرفت انها مشكله موديل
(درس رقم واحد مش تدور على امكانيات المحمول وبس دور برضه على العيوب اللى فيه واعرفها واعرف هتناسبك ولا لا) :bigear:
فرجعت بالجهاز الى مركز خدمه اى تو بالزقازيق
فدخلت ومن اولها مش استبشرت خير منظر المركز مش استريحت له مكان الانتظار فيه كراسى قليلة وحتى اللوحه اللى بينادوا بيها على العملاء مش شغاله وشكلها محروقة ولما دخلت فى دورى لموظف خدمه العملاء مش لقيت كراسى ولا حاجه (كانهم بيقولوا يا بخت من زار وخفف) يعنى طول فترة الكلام مع الموظف انت وهوا واقفين وبينكم كونتر و دخلته الصيانة وقولت له على العيوب اللى فيه والمسئول فهمنى ان الجهاز من طبيعته ان تنبية بيبدأ واطى وبيعلى بعد كده (مش مقتنع لان اوبشن الجهاز فيه الخيار اللى بيخلينى بتحكم فى التنبية)
فقولت له اللى اعرفه ان فى خاصية فى السوفت وير للجهاز بتخلينى اتحكم فى طريقة التنبية
فقال لى هيتسلم الجهاز وهيتم اللازم فيه وادانى ايصال بالجهاز وبالعيوب اللى فيه لقيت انه كاتب من ضمن العيوب "ضعف فى جوده الصوت" قولت له يوضحها لان الشكوى مش كده الشكوى ان النغمات دايما بتبدء واطيه وبتعلى حتى لو ضبط الرنين على رنين متواصل
فعدل المكتوب واستلم منى الجهاز ومشيت
وبعد كده دخلت على موقعهم على النت اتابع حركه الجهاز فى الشركه عندهم فطلعت فى دماغى اشوف الايصالات اللى قبلى واللى بعدى وخصوصا وانى لما كنت فى المركز كان فيه واحد عنده مشكله فى نفس الجهاز وجاى يشوف فيه ايه
فدخلت ارقام الايصالات اللى قبلى واللى بعدى وعملت زى احصائية لقيت ايه؟
ان مركز خدمه عملاء الزقازيق التابع ل اى تو بس دخل له خلال 5 ايام اكتر من 15 محمول من نفس الموديل نوكيا 3110
فمن هنا عرفت انها مشكله منتج
وبالاضافه الى اللى قرأته على الانترنت من اراء حول الجهاز ومشاكله
وايقنت ان الجهاز ده بايظ ( كموديل)
فبعت ايميلات ل مركز خدمه اى تو وكمركز محترم له اسمه كنت متوقع استجابة سريعه فلم اتلقى منهم اى جواب
فبعد ان يئست منهم بعت لنوكيا كير لاين الشرق الاوسط ودول بصراحه مش كنت متوقع منهم الاستجابة السريعه دى فضلت الايميلات شغاله بينا وعرفتهم بكل المعلومات اللى عرفتها وجمعتها من الانترنت وانى عاوز اغير الجهاز ده لان فيه عيوب وعاوز اجيب جهاز اعلى فالنتيجه الاخيرة اللى هما قالوا لى بالنص
Please note that [ warrantee, swap, refund ] is an internal matter related to the Authorized service center, Nokia provides the technical support and training, but Nokia does not interfere with internal polices regarding [ warrantee, swap, refund ], so we strongly recommend that you contact Raya for further details regarding this issue.
فمعرفش ايه دخل رايه فى الموضوع بس فهمت انها نظام زحلقة
فسبتنى من ده كله وبعت للجهاز القومى لتنظيم الاتصالات (لغايه دلوقت لا حس ولا خبر منه)
وكلمت جمعيه حماية المستهلك وبعت ليهم ايميل بالشكوى فاستلمت منهم رساله
برجاء مراجعة الأستاذ / محمد عبد المنعم مدير المبيعات شركة اتصالات
I2
وأبلغه انك من طرف جمعية حماية المستهلك بالشرقية فقد تم الاتفاق معه لحل مشكلتك
فذهبت اليه مستبشرا خير
فقابلت مدير المبيعات وحكيت له المشكله واننى ارغب بتبديل الجهاز بجهاز افضل لثبوت فشل هذا الموديل
فقال لى ان جهازك سليم وكل اللى فيه كان سوفت وير محتاج تحديث وانه اتغير خلاص واتعمل له التحديث
فقولت له مشكله الصوت قال لى ان الجهاز دلوقتى سليم
فنزلت استلم الجهاز من الصيانه و حبيت اطمن على الجهاز واجربه واثناء ما كنت بجربه قال لى موظف خدمه العملاء(هيا خدمه فعلا) فيما معناه انك جربه بعدين بعد ماتطلع علشان الناس اللى واقفة مستنيه دورها فاستغربت وقولت له ان مش من حقى انى اطمن ان المشاكل اللى كنت بشتكى منها اتحلت
فطبعا اول مشكله اللى هيا مشكله الريستارت مش هتبان
دخلت على مشكله الصوت
صوت المنبه واطى زى ما هوا ( زى ما يكون بيرن وهوا مكسوف انه يصحيك)
وجربت اضرب على التليفون فلقيت ان نغمه الرنين بتبدأ واطيه وبتتدرج لحد ما تعلى بعده كده
فكده مفيش حاجه اتعملت فى المشكله دى
فلفت نظرى الموظف ان ده من موديل الجهاز انه يبدأ الرنه بصوت واطى " طب ازاى والسوفت وير فيه اختيار انك تظبط النغمه رنين ولا تصاعدى"
وفضلنا فى شد وجذب:boxing_smiley: لحد ما لقيت ان خلاص مش منها فايده ومشيت
ففكرت اطلع اعمل محضر طب ما انا رحت لحمايه المستهلك وادى وش الضيف
وصحيت وافتكرت اننا فى مصر
عن نفسى مش مقتنع باللى حصل ده وحسيت انه نصب فى نصب
ومعرفش ليه افتكرت عبد المنعم مدبولى وهوا بيقول
انا اللى جبت ده كله لنفسى
وتوبه من دى النوبة انى اثق فى توكيل او ضمان له فرع فى مصر
وبفكر حاليا اعمل صفحه على الفيس بوك نجمع فيها ضحايا التوكيلات والضمانات فى مصر ونعمل كده زى قائمة سوداء
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
ممكن الادارة تضيف اختيار اخر للاستفتاء وهوا(ولا واحد من دول) لانى مش عارف اعدل فى الاستفتاء
رقم العضوية : 69
تاريخ التسجيل : 20Apr2007
المشاركات : 512
النوع : ذكر
الاقامة : العاشر من رمضان
السيارة: na
السيارة[2]: Daewoo Nubira Manual 2007
دراجة بخارية: na
الحالة :
يادي النيلة
حتى I2 اللي كنت ناوي اشتري التليفون منهم -عشان الكل بيشتم في راية- طلعوا كدا ؟
طب مجربتش تشوف العدة مع حد تاني هل فيها نفس المشكلة ولا ايه ؟ لا يطاع فعلا تصميمه كدا
م / محمد حماد
=========
بعد جدال عنيف بينه و بين زوجته , اتت اليه زاحفه على يديها و ركبتيها . . . . و صاحت به . . . . . . كن رجلا و اخرج من تحت السرير :)
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
العده بعد ما اشتريتها وحصل معايا المشاكل دى عرفت موقع Gsmarena وهوا زى ملتقى لاصحاب الموبايلات كل واحد بيسيب رأيه فقريت الاراء وتعليقات الزوار
كل الناس بتقول مشكله الريستارت و فيه ناس برضه عندهم مشكله ف الصوت
طب انا اشتريت تليفون جديد علشان ازور الصيانة وهوا لسه مش كمل شهر وياريت كنت طاحنه شغل ده سايبة على خط قديم عندى
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
سوفت وير العده فيه اختيار ضبط الرنين وفيه رنين متواصل ورنين تصاعدى و هكذا
فالعده بترن تصاعدى وانا ظابطها رنين متواصل
خدت العده منهم وكنت ناوى ابيعها
طلعت من عندهم رحت اتمنها لقيتها جايبه 350 وانا شاريها ب 665
استحرمت ابيعها والعده مش عامله نص ساعه مكالمات
فشكلى كده هحتفظ بيها
رقم العضوية : 3512
تاريخ التسجيل : 01Dec2007
المشاركات : 2,280
النوع : ذكر
الاقامة : cairo-shoubra
السيارة: honda civic 2007
السيارة[2]: hyundai matrix 2008
دراجة بخارية: لا يوجد
الحالة :
انا بتعامل مع رايه و الصراحه ممتازين فى الصيانه و الضمان و طول ما التليفون فى الضمان اى حاجه تحصل فيه تروحلهم عادى و هتتعمل من غير ما تدفع و لامليم بناء على تجربه اكتر من مره
[img2]http://cdn-img1.imagechef.com/w/110921/sampe24f53992f6e9e21.jpg[/img2]
رقم العضوية : 10129
تاريخ التسجيل : 05May2008
المشاركات : 133
النوع : ذكر
الاقامة : حدائق القبة
السيارة: suzuki grand vitara
السيارة[2]: chevrolet spark LS 08
دراجة بخارية: No
الحالة :
شكرا لموضوعك يا باشا والله
أنا إشتريت موبايل نوكيا E61i من سنه بمبلع 3000 جنيه كاش من سيتى ستارز
وده شكل وإمكانيات الجهاز لو محدش
يعرفه http://www.gsmarena.com/nokia_e61i-1858.php#
المشكله اللى فيه إن من ساعه ما جبته الجويستك بيعلق روحت للضمان بتاعه I2 اللى فى شارع الحجاز مصر الجديده . دخلت سحبت الرقم وكان مكتظ بالناس إستنين الدور
بتاعى ودخلت اللى قابلتنى كانت آنسه قالتلى خير يا أفندم قولتله الجهاز ده فى مشكله
يادوب بديلها الموبايل إستغربت وجالها إندهاش مركز وفضلت تتفرج على التليفون
زى ما يكون داخله محل وعايزه تشترى الموبايل بعد كده قولتلها العيب اللى فيه إنه الجويستك بيعلق قالتلى ثوانى خادته ودخلت جوه بعد دقيقه طلعت قالتلى معلش يا أفندم كمل كلامك قولتلها عايز أغير الكيبورد علشان الجويستك بيعلق إدتنى إستماره مليتها وقالتلى إتصل بكره على الرقم بتاعهم جيه اليوم التانى وإتصلت رد عليا واحد قولتله أنا جبت الجهاز بتاعى إمبارح وعايز أعرف خلص ولا لسه قالى رقم كام الوصل قولتله على الرقم قالى ثوانى إستنيته بعد نص دقيقه قالى جاهز يا ياباشا حضرتك تقدر تستلمه إنهارده . روحت إستلمته لاقيت الكيبورد واحده جديده قوقتلهم شكرا على حسن المعامله والتصليح السريع قالتلى العفوا يا أفندم . وبعد مرور شهر رجع نفس الكلام الجويستك بيعلق تانى وروحت للضمان وقولتلهم على المشكله وإستلمته تانى يوم قالى كان فيه شويه تراب0 على أساس إنى كنت بلعب بيه فى الشارع أو عامله باسكت 0 إستلمت الجهاز وهكذا لغايه ما الضمان أهو قرب يخلص ومش عارف أعمل معاهم إيه .
(((الخلاصه))
ضمان ردئ
كل اللى بيعمله سوفت جديد وبس
مميزات الضمان إنى بستلم التليفون تانى يوم وده إثبات على إن الجهاز بيتعمله سوف وبس 000 وحاليا الجهاز مش عايز يقبل أى Progams نهائى ومش عارف أعمل إيه 0
((( جميع الضمانات من رايه - I2- رينج )) مالهمش أى لازمه
لما يحصل ده كلوا يبقى إنت أكيد أكيد فى مصر
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
واكيد قالوا لك نوكيا منزلاه كده
انا كنت سمعت عن حمايه المستهلك ودخلتهم فى الموضوع بس ولا الهوا الشركات دى مظبطاها صح
وعجبى
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
طيب اخبار أكسيوم ايه؟
سبعاوى
_______________________________________________
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
ما سمعتش عن اكسيوم ده قبل كده
ولو سمحت الادارة انا نسيت احط اختيار " ولا واحد من دول " فى الاستفتاء فيا ريت الادارة تضيفه
المفضلات