الموضوع: لمبه علامه التعجب

ما انا صلحت الخرطوم خلاص
هو كان مقطوع في من عند الافيز اللي رابط في الخرطوم اللي رايح علي الموتور
فقصيت الجزء المقطوع وركبت الافيز تاني والدنيا زي الفل.

الله ياحاج صبحى حاجه توب خالص فى تقديم النصيحه والمساعده
والله كلكم افاضل بداية من منسق القسم ومرورا بكل فريق سكود المحترمين وصولا الى الوتد الحاج صبحى ربنا يبارك لنا فى عمره

المشاركة الأصلية كتبت بواسطة sakr1964

معرفش انتا ليه حتغير خرطوم الباكم الخرطوم دا لو فية تنفيسة حتلاقى الفرامل سايبة الزيت بينقط منه انما ما دام لا ترشيح على لاكورات الخرطوم يبقى تمام على فمرة كل الفليشياوية خراطيم الباكم مقشرة من الخارج ودا بيوحى انه مقطوع وهو مش مقطوع!!!!!!!!!!!!!

اما الطنابير دى بيبقى ليها مسمار تثبيت بيتفك بمفك جى ام ودا فقط مسؤليتة تثبيت الطنبورة عند تركيب الفردة فقط وبعد كدا سلام ملهوش اى فايدة فى مسك الطنبورة بعد ربط ال4 مسامير بتوع الفردة ولو المسمار دا مش موجود عادى بس حتتعب شوية وانتا بتركب الفردوة....

الطنابير بنعرفها انا فيها مشكلة من اييييييييييييييه لو جيت تمسك فرامل وجدت اهتزاز فى السيارة بتنطط يعنى بكدا يبقى لابد من فك الطنابير وعمل الخراطة اللازمة لها انا عملتها فى الشغل على فكرة مش معضلة فقيت الطنبورتين ووديتهم المخرطة ورجعت ركبتهم والوقت كل ماخدش معايا ساعة زمن....*

التيل بقى التيل بيتلف لو الطنابير بها عيوب اما لو الطنابير ممسوحة كويس ودورة الفرامل مظبوطة يعنى مفيهاش هو خالص وطبعا انا مش حشرحلك طريقة اخذ الهواء من دورة الفرامل لان المفروض انك تعرفها من دروس سلسلة علم نفسك ولو مش عرف اكتبلى هنا وانا اشرحلك تانى ازاى تسحب الهواء من دورة الفرامل....*

انا ياعم sakr1964 عاوز الشرح ده علشان عندي العجلة اليمين وانت مواجه السيارة بسمع صوت صفير وفي واحد معرفة من كام يوم وانا بفرجه علي السيارة وقلت له خد بيها لفة كدة وتعالي ولما رجع قال لي ابه ده ياعم حسن دي الفرامل علي الارض خالص يعني ضعيفة جدا فقلت له كيف وانا لسه من اسبوع كنت عند محمد الفار الميكانيكي وظبطها (الفردتين الامامي )فك الفردتين ومسح الطنابير وقعد يحك التيل في الاسفلت فقلت له لو التيل منتهي ولا فيه حاجة نجيب جديد قال لا وركبهم تاني وقعد يقول لي كارك سيب كارك سيب كرك سيب وفي الاخر قال كدة تمام