الموضوع: ايه رايكم في نوكيا n8 ؟؟

المشاركة الأصلية كتبت بواسطة احمد المصرى

مفيش منه جديد تقريبا

طيب وهل مضمون لو اشتريته مستعمل ؟ والتاتش بتاعه عامل ايه ؟

من تجربتى للجهاز لانو معايا من اول لما نزل ولا زال لاني مش لاقي موبايل تاني يملى عينى بصراحة .

الجهاز كنت مستنية بفارغ الصبر انو ينزل بس للاسف طلع مخيب للامال و الى بعدة اللوميا طلع اخيب منه لانه بيستعمل ويندوز 8 لكن فى العموم هو جهاز جميل فية مميزات منزلتش فى اي موبيل حديث واليك العيوب والمميزات

العيوب :

- سعات بيهنج لو فيه تطبيقات كتيرة لان البروسور ضعيف نسبيا على امكانيات الجهاز .
- الالعاب المجانية الحلوة قليلة و المتجر قوي بس مش حلو مع ان فية تطبيقات كتيرة مجانية بس مش قد المستوى تحس انك بتلعب اتاري مع ان فية لعبة نيد فور اسبيد كانت روعة اول لما نزل والباقي بفلوس.

- مفهوش كشاف ليل او كشاف فيديو يعنى لو بتصور فى الضلمة حتبقى مشكلة .
- مفهوش خاصية مانع الاهتزاز فى التصوير .
- لو وصلت الجهاز بالشاحن لما تجي تدوس زرار فى السوفت وير لا يستجيب احيانا.
- التصفح بالانترنت لازم تفضى الكاش والا هيهنج .
- لا يعمل على نظام اندرويد ومعظم التطبيقات الحديثة معتمدة على الاندرويد .

المميزات :

- الكاميرا 12 ميجا بيكسل وضوح كامل خصوصا عن التقريب .
- من احلى شاشات اللمس الى نزلت .
- امكانية التوصيل على الكمبيوتر واير لس و كابل ومن احسن التطبيقات على الكمبيوتر للموبايل.
- يعمل كراوتر انترنت .
- البطارية عمرها طويل وبتقعد لساعات كتيرة ممكن تسمع اغاني 55 ساعة متواصلة .
- راديوا محترم جدا حديث وبحث الى .
- امكانية التوصيل يو اس بي من فلاشة عن طريق كيبل .
- كميرتين .
التوصيل على شاشة الكمبيوتر اتش دي كيبل .
- الصوت واضح جدا .
- التوصيل على سماعات صب لان الجاك عادي.
- الجي بي اس مجاني حتى لو محطتش الشريحة ومن اقوى برامج الملاحة في السوق .
- زينون تصوير .
- جهاز يستحمل الصدمات مش زي السامسونج الجلاكسي والاي فون .
- البرامج مجانية ولا تحتاج الى كراك مثل الاي فون .
- الذاكرة الداخلية 16 جيجا يعتبر ممتاز جدا .
- امكانية تزويد الذاكرة الخارجية .
- خاصية الحفظ الاحطياطي على الجهاز و الكمبيوتر .
- امكانية البث على راديوا العربية او البيت .

وتقبل تحياتي