بمناسبة الكلام في الموضوع دة
اتفضلوا فيلم رائع عن مناورات العلم الاحمر
Fighter Pilot - Operation Red Flag - YouTube
عرض للطباعة
بمناسبة الكلام في الموضوع دة
اتفضلوا فيلم رائع عن مناورات العلم الاحمر
Fighter Pilot - Operation Red Flag - YouTube
بصوا يا اخوانا مش عايز احبطكم لانى انا نفسى رغم متابعتى لكل جديد فى مجال التسليح قدر استطاعتى الا انى مش محبط و هقولكم ليه ......بس فى الحقيقة خلاص تكنولوجيا التسليح طارت و بقى مجالها الفضاء و اسلحة لا تخطر على البال و التطور التكنولوجى اتاح ما كان سابقا فى نطاق الخيال و لسه ياما هنشوف اكتر و اكتر
صاروخ ال CHAMP اللى انتجته بوينج...... مبنى على مبدأ علمى معروف...... ناتج جانبى من اى انفجار نووى هو حدوث نبضة كهرومغناطيسية تحرق كل الدوائر الالكترونية فى اى جهاز....... الانفجار النووى فى حد ذاته مدمر للبشر و الاشياء المادية لكن النبضة الكهرومغناطيسية لا تقتل الا الالكترونيات فقط...... طيب هل ممكن انتاج سلاح ينتج نبضة كهرومغناطيسية قوية بدرجة كافية لقتل كل ما هو الكترونى لكن بدون حدوث انفجار نووى؟ السؤال ده كان محل ابحاث و تطوير لغاية اخر السنة اللى فاتت لما بوينج عملت الاعلان عن انتاجها فعلا للصاروخ ده و تجربته...... يعنى خرج خلاص من نطاق الخيال العلمى الى الواقع....... الاخطر...... انهم متوقعين ان اى دولة لها قدرات نووية ممكن انه تطور سلاح مماثل....... هم مش خايفين من الروس عشان الروس مش مجانين يستخدموا اسلحة من النوع ده و الا كانوا استخدموا النووى من زمان..... هم خايفين من مهاويس زى كوريا الشمالية او ايران...... و هنا اخبار عن تخوفهم ده:
James Woolsey and Peter Pry: How North Korea Could Cripple the U.S. - WSJ.com
The Ultimate North Korean Missile Threat To America: A Nuke Power Grid Attack - Forbes
طيب صاروخ زى ده ممكن ايقافه بضرب الطائرة الحاملة له؟ للاسف برضه هنا التكنولوجيا بتقول كلمتها...... بأنه خلاص الطائرة المهاجمة مش محتاجة اصلا تطير الى مسافة قريبة من الهدف اللى بيتم مهاجمته....... حاليا فى مبدأ بيحكم تطوير الصواريخ التى تطلق من طائرات اسمه standoff distance يعنى الضرب من مسافة امنة :
http://en.wikipedia.org/wiki/Standoff_(missile)
المبدأ ده بيخلى الطائرة المهاجمة ممكن تطلق صاروخ زى ده من خارج حدود الدولة اللى هتطلقه عليها اساسا و بالتالى تكون فى امان تام من الدفاعات الجوية المضادة...... حد ممكن يفكر فى انه الصاروخ ده اصلا يتم اطلاقه من قاعدة ارضية افضل من طائرة...... الاجابة انه الاطلاق من طائرة يضمن اصابة الهدف بشكل جراحى يعنى تقريبا بهامش خطأ شبه منعدم...... بخلاف الصواريخ التى تسافر الاف الكيلومترات فتكون عرضة لعوامل الحرب الالكترونية و التشويش عليها اثناء رحلتها الطويلة مما يزيد من احتمالات عدم دقة الاصابة
طيب ليه انا مش محبط رغم التقدم التكنولوجى المهول اللى احنا ممكن نكون بعيد عنه الى حد كبير حاليا...... الاجابة انه اولا احنا حاليا مش دولة عدائية لحد و ده جزء سياسى..... ثانيا احتمال دخولنا حرب نتعرض فيها لاسلحة من هذا النوع الغير عادى ضئيلة لاننا مش زى ايران مثلا اللى الهوس بمحو اسرائيل من الخريطة هيوديهم فى داهية...... ثالثا و العامل ده انا كررته كتير........ اسرائيل و هى الخطر الاساسى على حدودنا و وجودنا عارفة كويس ان مغامرتها تانى بالهجوم على مصر ممكن يكون مستنقع التكنولوجيا لا تسعفها فيه مهما كانت متقدمة لانها هتضطر فى النهاية للاعتماد على ادوات السيطرة التقليدية على الارض من دبابات و طائرات و خلافه...... و ستضطر للاحتفاظ بالارض و هو كابوس فى حد ذاته لم يسعفها فيه خط بارليف و كل تحصيناته...... و اديكم لسه شايفين التصريح اللى انا جبته لوزير الدفاع الاسرائيلى الحالى موشيه يعالون اللى قال صراحة ان حرب اكتوبر علمتهم التواضع و عدم الاستخفاف و الاستهانة بالخصم...... يعنى هم قلم حرب اكتوبر لسه معلم على ذاكرتهم لغاية دلوقت رغم مرور 40 سنة عليها....... بس فى النهاية لازم برضه نعتمد على قدراتنا الذاتية فى التطوير و محاولة اللحاق بالتكنولوجيا لانه لا مفر من ذلك
كلامك دة يا استاذ ماهر فكرنى بمقولة شهيرة لاحد العلماء
لما سألوة هيا الحرب العالمية التالتة هتبقى باية
فصمت العالم كثيرا وقالهم : الحرب العالمية التالتة هتبقى فى نهايتها بالطوب والحجارة
ولو انت اتأملت مقولتة بعمق هتعرف انها للاسف صحيحة ومفجعة جدا
وخد عندك مثال الكيمتريل اللى امريكا علمت بية كوريا الشمالية الادب من غير ما تضرب رصاصة
واستخدمتة قبل نهاية حرب فيتنام قبل ما تنسحب منها
لاننا مش زى ايران مثلا اللى الهوس بمحو اسرائيل من الخريطة هيوديهم فى داهية.
اختلف مع حضرتك فى الجمله دى لان ايران واسرائيل تقريبا واحد بس ظاهريا ممكن يكونوا اعداء بس هدفهم واحد
ايران و اسرائيل فعلا وجهين لعملة واحدة. . . هم الاتنين بيمثلوا الدولتين الدينيتين الوحيدتين فى منطقتنا. . . بس فى الوقت اللى اسرائيل فيه بتقول عن نفسها انها دولة يهودية بمعنى انها لليهود فقط لكن السلطة ليست فى يد الحاخامات . . . ايران بقى الحكم فيها دينى رسمى مبنى على مبدأ ولاية الفقيه. . . و ده بيخلى السلطة العليا على اى حد فى البلد بما فيهم رئيس الدولة تقع فى يد المرشد الاعلى للثورة الايرانية. . . الايرانيين فكرة محو اسرائيل من الوجود عندهم لها سبب عقيدى. . . فى حين الاسرائيليين بيقلقوا دايما من اللى يهددهم كده عمال على بطال لان لما التهديدات دى تقترن بسعى حثيث لانتاج قنبلة نووية يبقى الموضوع مش هزار. . . الموضوع التالى فيه كثير من التفاصيل عن موضوع ايران ده و هيديك الصورة كاملة عنهم و عن تفكيرهم و سياستهم و كمان تسليحهم بما ان موضوعنا الحالى عن التسليح:
http://www.nilemotors.net/Nile/376603-a.html
ههههههههههههههههههههه
فى الموضوع ده انا قلت ان ال F35 غالبا هتكون اخر طائرة بها طيار..... يبدو انهم مش قادرين يصبروا و بيحولوا طائرات ال F16 اللى بتخرج من الخدمة الى طائرات بدون طيار..... و ادى اول واحدة كملت اول رحلة لها بدون طيار:
Air Force’s unmanned F-16 fighter jet completes first flight
http://rt.com/usa/air-force-unmanned...er-flight-301/
مرحبا بعصر ال drones الذى تصبح فيه الحرب اسهل من لعبة البلاى ستيشن :)
بالرغم من الامكانيات الجامده فى تكنولوجى بدون طيار زى عدم الخوف والجراءه والانتحاريه(منت مش جوه الطياره ومش فارقه لو فرقعتها كانك بتلعب جيم فعلا)
لاكن انا تفكيرى بيقودنى للجيل الاحدث ان الطياره تسوق نفسها بدون تدخل يعنى تديها اوردر بالاحداثيات اللى حتضرب وهى تدور نفسها وتطلع تضرب وتروح وانت نايم وتجيلك رساله تم تنفيذ المهمه
طبعا الفروق هنا حتكون فى السرعه الرهيبه والتحكم الكامل فى المناورات على سرعات جنونيه لان الكمبيوتر اللى سايق ومجمع كلله اسرع من عقل الانسان
اتفرج على فيلم اسمه stealth قصته عن اللى انت بتحكيه ده بالظبط. طائرة لها ذكاء صناعى .... و التصوير بتاعه و الجرافيكس مستواها عالى جدا..... الحتة الخيال اللى بجد و فى نفس الوقت الدراما فى الموضوع ان الطيارة اللى طوروها كانت قابلة للتعلم و ظهر على الشبكة العصبية بتاعتها (محاكاة للعقل البشرى) انماط من المشاعر البشرية زى الاحساس بالاسف و الذنب لانها تسببت فى مقتل احد افراد السرب...... و تعويضا عن ذلك فى النهاية بتضحى بنفسها دفاعا عن باقى افراد السرب بتاعها !
لسه يا ما هنشوف لانه خلاص مبقتش حاجة مستبعدة على التكنولوجيا
اتوقفت يا باشا:
BURAK BEKDİL - ‘Turkey suspends delivery of ANKA drones to Egypt’
العلاقات مع تركيا بتتجمد شيئا فشيئا و انا كل شوية بتابع كمان اخبار تعليق التعاون فى مجالات اقتصادية كتير...... و لو متعدلوش هيخسروا مصر لفترة كبيرة قادمة...... زى قطر كده اللى بعد رهانها على نظام الاخوان ما خسر دلوقت بتدور على اعادة صياغة لشكل دورها فى المنطقة و علاقتها بمصر