استاذ ماهر اختلف معاك فى نقطه تعمير سيناء
لان التعمير يشمل قواعد عسكريه ويجعل الصراع على الحدود فقط وبمجهود بسيط ينتقل الصراع داخل اسرائيل وده يؤدى لنهايتها زى ما حضرتك قولت
عرض للطباعة
استاذ ماهر اختلف معاك فى نقطه تعمير سيناء
لان التعمير يشمل قواعد عسكريه ويجعل الصراع على الحدود فقط وبمجهود بسيط ينتقل الصراع داخل اسرائيل وده يؤدى لنهايتها زى ما حضرتك قولت
سيناء منزوعة السلاح التقيل من اول منطقة المضايق او المنطقة ب الى منطقة الشريط الحدودى او المنطقة ج و دى تقريبا حوالى نصف مساحة سيناء ...... و ده من اشتراطات اتفاقية السلام و مينفعش تلغيها..... لان الغاءها معناه ان انت تبقى فى حالة حرب محتملة فى اى وقت مع الاسرائيليين بسبب اى توترات على الحدود و ما اكثرها ..... التوترات دى احنا بنبلعها لهم و هم بيبلعوها لنا بسبب الرغبة المشتركة فى الحفاظ على اتفاقية السلام...... و رحم الله امرء عرف قدر نفسه لان و لا احنا عايزين و لا بلدنا تستحمل حرب جديدة و لا هم يقدروا على حرب استنزاف تدوم شهور معانا...... يعنى احنا و هم كل واحد عارف حجمه و مركزه و حجم خصمه و مركزه كويس اوى
حادثة زى بتاعة ال16 جندى اللى اتقتلوا فى رفح و الارهابيين خدوا مدرعة و دخلوا جوة حدود اسرائيل..... حادثة زى دى كان ممكن تبقى شرارة حرب خاصة لو فى تلاكيك بين البلدين ...... بس هما عدوها لنا و اكتفوا بضرب المدرعة و القضاء على الخطر و خلاص...... و حاليا اللى الجيش بيعمله من تصفية للبؤر الارهابية فى سيناء هدفه تأمين المستقبل..... ازاى...... لان خدها كده علامة...... اى توترات كبيرة هتحصل فى منطقتنا و هتكون اسرائيل طرف فيها...... هتلاقى فجأة الارهابيين بتوع سيناء تدب فيهم الروح و يبدأوا يضربوا صواريخ على اسرائيل...... الضرب ده هدفه التكتيكى انهم اه بيضربوا العدو الاسرائيلى...... لكن الاخطر و هو هدفهم الاستراتيجى فهو انهم يورطوا مصر فى حرب مع اسرائيل و فتح الجبهة المصرية على اسرائيل و ده ممكن يتسببوا فيه بزيادة التوترات بين البلدين...... فاللى بيعمله الجيش دلوقتى فى الحقيقة بيخدم المستقبل بنزع فتيل اى توتر محتمل بيننا و بين اسرائيل ممكن يتسبب فى تصاعد الاحداث بيننا و بينهم...... و كفاية علينا التوترات اللى حاصلة فى المنطقة كفاية نلاحق عليها زى ما اتكلمنا فى موضوع سوريا...... مش هتبقى من بره و من جوه
أ. ماهر اسمحلي اختلف معاك
لما يبقى عدوك عارف انك متوقع انه يجيلك من إتجاه معين من المؤكد أنه يضربك من مكان غير متوقع و على رأي د مرسي يأتيك من حيث تترفع انت على أن تداخل معه
و انت عارف طبعا ان ليبيا حاليا مضطربة و القبلية هناك هتخلي صعب ان الوضع يتحسن في القريب العاجل
و عندك السودان من الجنوب فلك في عملية الإغارة الإسرائيلية الأخيرة عبرة .. أرض السودان للأسف مستباحة و مجالها الجوي
بالإضافة إلى دعم الأمريكيين في حرب أكتوبر و عمليات الإستطلاع الأمريكية .. لا أستبعد أن أي حرب قادمة مع إسرائيل تكون ضربة البداية أمريكية لتمهيد الوضع للصهاينة وحضرتك عارف أن الأمريكان حاليا بيتبعوا أسلوب القصف الصاروخي بالتوماهوك من مديات بعيدة نسبيا أو أسلوب القصف بال b2
علشان كدة أنا أرجو أن القيادة العسكرية متكنش واضعة إعتبار للجبهة الشرقية على حساب باقي الجبهات
و التركيز يكون متساوي في جميع الجهات
انا فكرى ان التعمير ضد اتفاقيه السلام والتعمير معناه الغاء اتفاقيه السلام(اعتقد عدم تعمير سيناء حتى الان بسبب بند سرى فى معاهده كامب ديفيد) عشان كده قولت مع التعمير انشاء قواعد عسكريه فى سيناء
سؤال اخر ايه وضع الخيانه مع الجيش هل فى جواسيس توصل قيادات عليا ويتم تدمير الجيش لحظه حدوث حرب حقيقيه فاكر الاسلحه الفاسده بتاعت زمان كمثال لحدوث الامر قديما
حضرتك عندك حق طبعا فى كون الاهتمام يبقى متساوى لانها فى النهاية حدود للدولة و الخطر مهما كان ضئيلا يظل خطرا. . . و يكفى كمية الاسلحة اللى بيتم محاولة تهريبها بلا هوادة من الغرب و الجنوب و دى فى حد ذاتها مصائب كبيرة تدفع البلد تمنها . . . انا كان قصدى بالتهديدات الملحة فى الجزء اللى حضرتك علقت عليه هو حروب كبيرة او بمعنى اصح تهديدات وجود زى اجتياح سيناء. . . و ده تهديد مصر لا تتحمل مجرد احتمال حدوثه مرة اخرى. . .تاريخيا احنا لم ندخل حروب لا مع ليبيا و لا السودان و الخلافات معاهم الى حد كبير تملى يمكن التوصل فيها لحلول غير عسكرية لكن تاريخ اسرائيل معانا معروف. . . و فى الوقت اللى حرس الحدود ممكن يقوم بالواجب و زيادة على الحدود الغربية و الجنوبية مع دعمه من بقية اسلحة الجيش. . . الا ان تهديد الوجود تملى كان من الشرق فى اخر 60 سنة بل و على مر التاريخ ايضا كل غزاة مصر كانت بوابتهم لها هى سيناء. . . عشان كده استراتيجيا هى مكمن الخطر و الخطورة الرئيسى على الامن القومى المصرى
بالنسبة للامريكان و الاسرائيليين. . . الوضع اللى اكتسبوه فى اخر 40 سنة مع مصر يخليهم حريصين جدا على استمرار مصر حليف استراتيجى للامريكان و فى سلام مع اسرائيل. . . لان احنا كمان بنمثل تهديد وجود للاسرائيليين. . . اللى رغم تفوقهم النوعى علينا الا انهم برضه عارفين حجم و قوة جيش نظامى كبير تعداده نصف مليون جندى عامل و مليون و نصف احتياط ده غير شعب تسعين مليون وراهم. . . بأختصار هم من مصلحتهم يثبتوا جبهتنا فى هدوء حاليا و فى المستقبل القريب و المتوسط. . . عشان يتفرغوا للتهديدات الاخطر على اسرائيل. . . و ابرزها تكتيكيا على الارض فى المدى القريب سوريا و استراتيجيا على المدى المتوسط ايران اللى خلاص اقتربت جدا من الحافة النووية اللى تمكنها من صنع قنبلة نووية فى غضون اسابيع قليلة. . . و دى قصة تانية لا يعلم مداها الا الله و ربنا يستر و لا تتطور الامور فى قصة ايران دى لان دى بقى اللى هتعك الدنيا على دماغ الكل فى المنطقة
باشا احنا مينفعش نلغى اتفاقية السلام حاليا. . . ده مش من مصلحة البلد بحالتها دى نهائى و زمن العنتريات انتهى خلاص بعد ما ودانا فى مصيبة كبيرة مرة قبل كده. . . كمان مصر لسه قدامها كتير عشان تتعافى اقتصاديا و تعود الامور الى مسار النمو الاقتصادى و الحياة الافضل اللى يستحقها شعبها. . . اما الاسرائيليين فمش عايزين قلق من ناحيتنا خالص لا حاليا و لا فى المستقبل القريب او المتوسط. . . و كفايانا حروب بقى هو مش مكتوب للبلد دى الراحة ابدا :-)
الجيش مش مجتمع ملائكة لكنه بيتجمع فيه كل فئات المجتمع . . . الشئ المؤكد انه محافظ على كيانه كآخر مؤسسة فى البلد دى متماسكة. . . و على مر العصور كان تماسك الجيش المصرى معناه تماسك الدولة و انهياره يعنى انهيارها. . . شئ كمان ان جيشنا جيش وطنى و ليس عقيدى كالجيش الايرانى او طائفى زى السورى او عرقى زى اليوغوسلافى سابقا. . . العقيدة الوطنية دى اللى بيتم تلقينها لافراده هى اللى هتخليه عينه دايما على حاجة واحدة بس و كيان واحد اسمه مصر. . . و اللى عينه هتزوغ يبقى يستاهل اللى يجراله :-)
لم اقصد الغاء اتفاقيه السلام انا اقصد ان اسرائيل مش من مصلحتها تعمير سينا(ان الالغاء ممكن يترتب على التعمير) وتعمير سينا حيضر باتفاقيه السلام لاكن الضرر لاى مدى وتعمير سينا من مصلحه مصر مش معقول نسيب ملعب الحرب على ارضنا مش فى مصلحتنا ابدا
اتكتب علينا انه يكون جنبنا ورم سرطانى اسمه اسرائيل لو تحاول تستأصله تلاقيه يضرب و يبقى عايز ينتشر فى الجسم كله. . و قدرنا ان ساحة اى قتال تكون على ارضنا لانه حتى لو عمرت سيناء فى الاجزاء اللى تصلح لذلك. . . طيب تعمل ايه فى المناطق الجبلية و المضايق و الاراضى الوعرة التى لا تصلح الا لرعى الغنم او لجنازير الدبابات و دى اكتر من نصف مساحة سيناء. . . طيب عمرتها و ملأتها بنى ادمين فى المناطق التى تصلح لذلك. . طيب ما هو ده برضه مش هيبقى رادع كفاية للاسرائيليين و الا كان ردعهم طبيعة جنوب لبنان عن احتلاله لمدة عشرين سنة. . . او طبيعة الجولان عن انهم يستمروا فى احتلالها. . . اسرائيل لم تترك سيناء الا بعد ان تأكدت انها بسبب طبيعتها ستظل صحراء فى معظم مساحتها. . . لكن مش هتسيب الجولان ابدا لانها مستحيل تسيب اى نظام سورى يبقى على بعد خطوات من حدودها الفعلية. . . مساحة اسرائيل الصغيرة تجبرها على ذلك و هى لن تتخلى ابدا عن فكرة المنطقة العازلة buffer zone دى ابدا
طيب حسب مفهمت ان ساحه المعركه حاليا بالمقارنه بين مصر واسرائيل حتبقى هى مسرح العمليات فى سيناء والصورايخ الخاصه بينا ملهاش لازمه كاضرار ليهم بسبب الدرع الصاروخى بتاعهم وطيرانهم مش هيتعبنا قوى بسبب درع الطيران والدفاع الجوى الخاص بينا وبالتالى حسب مفهمت اننا حنرجع لاجواء الحروب القديمه وطالما الحرب على ارض سيناء وعلى حدودها فاظن دى ليها افضليه فى صالحنا لاننا ادرى بشعابها واكثر قدره على تحمل اجواءها ولو انتقلت الحرب للجو عن طريق الطيران فأظن لنا الغلبه حتى لو التكنولوجيا مش معانا فقدرات الطيارين المصريين افضل بشهاده الجميع اثناء حرب اكتوبر برغم اننا كنا بنحارب بالميغ وهما بيحاربونا بالميراج فهل من الكلام ده افهم ان توازن القوى موجود بينا وبينهم الا لو انتقلت الحرب لاننا نحارب امريكا زى اخر ايام حرب اكتوبر.