محتار ما بين عربيتين ومش عارف ايه الافضل

**amr salem** · 21-09-2013 03:20 PM

العربيه الاولى اوبل فيكترا مودبل 95 مرفوعه 6 سنوات فبريكه بره وجوه بس متبهدله من بره وعايزه وش نضافه وفى حته برومه فى السقف وحته تانيه فى العتب وعايزه كسوه صالون علشان الفرش الاصلى منتبهدل شويه وعايزه جلب مقصات وعامله 120 الف كيلو والماتور 10/10 غير كده مفيش فيها اى حاجه تانيه العربيه متلمستش بمعنى الكلمه بس صاحبها طالب فيها 36000 الف
العربيه التانيه برضه اوبل فيكترا موديل 95 دواخل فبريكه ورشه بره بس والعربيه لسه مغيره عافشه بالكامل والمانى وعامل عمره ماتور طقم سبيكه وخرط الكرنك 10/0 وعامل طقم شنبر وبالنسه للصالون الفبريكه بتاعها وحالته كويسه جدا وعامله 290 الف كيلو وصحبها عايز 37000 الف
انا العربيتين عجبنى بس فى ناس قلقتنى من العربيات المرفوعه وناس تانيه بتقولى بلاش تاخد مواتير متعمره وكنت عايز اعرف فعلا هل العمره ديه تأثر على كفائه الماتور مع العلم ان ديه اول مره يفتح فيها الماتور
رجاء افادتى علشان الناس مستنيه منى رد وانا محتار ما بين العربيتين وهل الاسعار ديه كويسه ولا لا

**haisam ali** · 21-09-2013 03:25 PM

بص ياعموووووور بالنسبه للسعر اعفينى منه لأنى مش خبير اوى بس هوه معقول للاولى وانا شخصيا مرشح الاولى بحيث انك هتعمل كل حاجه ع ايديك وهتبقى حافظها

**فادى محمد** · 21-09-2013 03:32 PM

المواتير الالماني مش بتنفع فيها العمره
الا لو كانت في وش السلندر فده سهل اصلاحه
انما سبيكه وبييل وخرط كرنك , انسي..
-حاجه كمان ..عربيه اوبل مشيت 290 الف كم
وجابت سبيكه يبقي اللي بيستخدمها ده مفتري.لان المواتير
دي معمره جدددا بتعدي ال500 الف كم تشغيل
-خليك في العربيه الاولي , الغالي رخيص .
والميزه ان السمكره والبويه هيتم علي ايدك
مفيش حاجه مستخبيه ومش هتصرف كتير حسب رغبتك