سكودا فليشيا محتار و مش عارف اخد قرار فى الشراء

**gayar** · 22-07-2013 04:56 AM

سلام عليكم كل عاو وانتم طيبين ديه او مشاركه ليه و كنت عاوز مساعده منكم انا محتار اشترى سكودا فليشيا 97 او 96 ولا بولو 99 او 98 مع العلم ان كان معايه سكودا فليشيا زيرو اعدت مع العيله سنه واحده بس و اكيد مكنش فى اى عيوب عشان زيرو و انا كنت بحب العربيه ديه اوى بس دلوقتى ناس كتير خوفتنى و خصوصا المكانيكى بتاعى كل كلامه ابعد عن الشيكى يا استاذ عشان العربيه ديه موتورها لغبطه و انا الصراحه برده متعلق اوى بيها بس خايف اجيب واحده يطلع كلام الراجل ده صح فممكن نصيحه بالنسبه ماتور العربيه الفليشيا بخصوص الصيانه و عموما صيانه العربيه و لو حد يعرف ميكانيكى كويس نحيه حلميه الزيتون او المطريه و الفليشيا ولا بولو جزاكم الله خيرا

**tota_ys** · 22-07-2013 05:15 AM

هتبقى غلطه وهتندم عليها من واحد مجرب

**gayar** · 22-07-2013 05:37 AM

المشاركة الأصلية كتبت بواسطة tota_ys

هتبقى غلطه وهتندم عليها من واحد مجرب

غلطه ازاى ممكن توضيح اكتر

**islamagdi** · 22-07-2013 06:14 AM

سلام عليكم
اولا ربنا يوفقك لما فيه خيرا
انا هقولك تجربتي
انا شاري العربية من شهر 11 السنة اللي فاتت اتعلمت عليها السواقة ومشيت بيها حوالي 15000 كيلو حتى الان
المشاكل اللي قبلتني تقريبا كلها ف الموتور .. سعات الاقي الموتور بيسخن وبعدين تطلع حاجة بسيطة يعني ظبط سلانسيه وهوا ( عايزة ميكانيكي بيفهم) مش هتصدق انا من اول الصيف وانا ناوي انضف الردياتير او اغيره لانه ممكن يكون سبب ف السخونية والله مكسل والعربية مستحملة وما قلتش لا (حمالة اسية) . كل ما اقول اشوف عربية تانية الاقي ميزة ف العربية يعني مثلا ف الزحمة اتوبيس 26 لزق ف العربية من الجمب لقيت البوية بتاعتو طلعت عندي وانا مفيش اي حاجة . الطريق الدائري الله المستعان متبهدل وباكل مطبات والعفشة ما شاء الله حتى مش محتاجة تتربط حتى . و ممكن تمشي بيها بسرعة عالية .و استهلكها كويس جدا عموما لو فيها عيب ممكن يكون الموتور بس لو ميكانيكي بيفهم تنسى العربية دي..

**benmatar** · 22-07-2013 06:14 AM

الفيليشيا عربية كويسة لو عاوز حاجة صغيرة وموفرة وخدمة شاقة مقارنة بمثيلاتها من نفس الفئة
ثبات احسن من غيرها في الجري بشكل ملحوظ، وقطع غيار معمرة، وصاج متين وحجم الشنطة معقول، وموتور كويس لو حالته تمام، وتقفيل اوروبي افضل من غيره برضه لنفس الفئة.
بس لو عاوز نعومة مش هتلاقي ومش طوبة في نفس الوقت، ولو التكييف عاوزة ثلاجة زي الياباني مثلا برضه مش هتلاقي، ومعدلات السحب والتسارع معقولة بس مش جبارة عشان وزنها برضه، العزل متوسط، الكماليات مش كتيرة

العربية عملية وتشتغل معاك انتقالات وسفر وزكل حاجة
اختار حالة كويسة منها وهتعجبك
أما البولو أشيك ومعدلات تسارع أعلى وتكييف افضل وتقفيل وعزل احسن، بس صاج اضعف وحجم أصغر ومحتاجة رعاية اكتر، متنساش إن قطع غيارها برضه هتكون أغلى

**gayar** · 22-07-2013 06:31 AM

شكرا ليكم تب حد يعرف ميكانيكى بيفهم فيهم يكون قريب من حلميه الزيتون و ايه الفرق بين 97 و 96 و 95

**mohamed878** · 22-07-2013 01:47 PM

بص انا ساكن جنبك و لفيت علي كل الميكانيكيه بس كانوا كلهم تعبانين لحد ما استاذ احمد منسق القسم دلني علي واحد في المعادي نساني كل مشاكلها الحمد لله بقي بسم الله ما شاء الله عليها

**Ahm662** · 22-07-2013 02:24 PM

ممكن تدور على فليشيا حالتها كويسة ما عدا الموتور مش شرط يكون كويس وهات موتور كامل 1600 بالباور بالتكييف وسقطه عندك ساعتها لو حد قابلك ومعلمتش عليه يبقى انتا ما بتعرفش تسوق من الاخر ........... ال1600 لو عايز موتور محترم وتشغل تكييف عليه ما فيش مشاكل .و1300 مش وحش بس يبقى مظبوط وتتابع صيانة عند ميكانيكى بيفهم ليس اكثر ولا اقل .وابعد تماما عن البولو لان (قطع غيار اغلى , ضيقة , مش اعتمادية زى الفليشيا , صاج اضعف , و موتور وتكييف اداءهم مش مبهر ......)

**gayar** · 22-07-2013 03:04 PM

شكرا على المعلومات القيمه يارجاله تب هو لو الماتور 1300 بكام و معلش انا عاوز ميكانيكى قريب منى و انا لو عاوز اكشف على عربيه عاوز اشتريها اكشف فى البنزينه زى موبيل و الوطنيه و لا عند ميكانيكى احسن عشان انا معرف اى ميكانيكى يعرف فى الفليشيا خالص

**sakr_skoda** · 22-07-2013 07:55 PM

فعلا والله باستغرب من اللى بيقول ابعد عن التشيكى علشان مشاكلها وموتورها عاوز اقولك انى او سيارة ليا الفيفورت واتعلمت اعمل كل حاجة بنفسى وممكن اى حد عندة معلومات بسيطة يشتغل فيها للعلم موتورها جدا بسيط وليس معقد ومشاكلها تكاد تكون معدومه وقطع غيارها متوفرة ورخيصة ومعمرة ....*