رايح اخطب .. انصحوني

**El-Pop** · 22-09-2013 03:29 AM

ان شاء الله رايح اتقدم لواحده بعد بكره ان شاء الله
اخد ايه ؟ واعمل ايه ؟ والبس ايه ؟
ياريت تقولولي بالتفصيل لاني مش عارف حاجه خالص
علفكره جواز صالونات والبنت هتبقي اول مره تشوفني وانا كنت قاعد مع ابوها مره قبل كده

**Dr_Mido** · 22-09-2013 03:46 AM

خد جاتوه او شكولاته والبس بدله وخليك واضح وصريح وحازم مع بعض وهتسلك وتركن في طابور المتجوزين

**Nistelrooy** · 22-09-2013 04:13 AM

ماتروحش

بهزر ربنا يوفقك يا باشا :)

**janagabr** · 22-09-2013 05:18 AM

ربنا يوفقك لما فيه الخير
واستخير الله واساله ان يجعلها الزوجة الصالحة التي تعينك علي صعاب الحياة
والبس شيك والحج لازم يلبس بدلة والحجه تتزوق ومعاك ساعتك برفانك جذمتك اللي بتلمع علبة شوكولاته شيك سنانك لولي حالق دقنك وشنبك قاصص ضوافرك شرابك نفس لون بنطلونك اسوره الحزام بتلمع
خد الحج والحجه والحج اللي يخش من الباب الاول ثم الحجه ثم انت وانت اللي تشيل الهديه ولما تقعد اقعد في مكان ميبقاش كاشف الشقة ومتكلمش في السياسة ولو حبيت تلطف الجو اتكلم عن سفريه عملتها او رحله سفاري او كلب عضك قبل كده او ماتش كوره وبلاش الاهلي والزمالك لتمسكوا في بعض خليك في دوريات اوروبا اتكلم عن مواقف كوميديه خفيفه اتكلم عن شغلك علي خفيف متحكيش مشاكل ولا تشيل نفسك وتشيلهم هم الشغل بتاعك لو عندك مشاكل عشان كله مهموم
بالنسبة للاهالي كل واحد هيتكلم عن وظيفته عندوا كام سنة اصله من منطقة كذا اتربي فين وكذلك الام وبالتالي هما هيتكلموا عن نفسهم
تشوف اخوات البنت في مدارس وجامعات ايه
عندهم عربيات شقق شاليهات وانت كذلك
اتكلم عن حبك للحيوانات من كلاب للقطط لعصافير لحمام لسمك عشان هما بيحبوا الهجس ده
اتكلم عن طموحك بس متسرحش بيهم البلد اللي نفسك تعيش فيها والعربية اللي نفسك تجبها واعمل الموبايل بتاعك سايلنت
الحج والحجة هما اللي هيبتدوا بالكلام
لما تشرب متعملش صوت ومتحتش رجل علي رجل
ومتقفش في الكلام لان اول مقابله للاسرتين بتبقي معاينة ظاهرية وتحديد للمستوي الشكلي والثقافي والاجتماعي والعلمي والوظيفي
والكلام هيبقي عن خلانك وخالاتك وعمامك وعماتك ووظائفهم واماكن سكنهم واولادهم وهما طبعا يقولولك
وغالبا البنت بتبقي قليله الكلام عشان اهلها موجودين ولو كانت المقابله بره البيت بعد ساعة كده للمقابله ولو حسيت ان في ارتياح من ناحيتهم وناحيتك اسال البنت تحبي تتمشي شويه هتلاقيها كده تبص لمامتها فمامتها تقولها ماشي تقوم واخدها وقايمين وطبعا تقول لوالده ووالدتها بعد اذنك يا ( انكول ) بعد اذنك يا طنت ( قال انكل قال دا الراجل ميعرفش ان انا كنت بضرب الواد نصه علي قفاه لما كنت بقعد علي القهوة وحدفت طوبه في شباك الراجل جاري لما قفل علي بعربيته ههههه )
اغسل عربيتك ونظفها واركنها في مكان كويس متركنهاش مخالف ( عشان واحد صاحبي في اول مقابله ركن عربيته مخالف نازل ومعاه البنت وابوها بتوصله للعربية فلقا عربيته مخبوطه فبدون شعور قام طلع صوت من زوره ( عكس عطس ) مش عايز اوضح اكتر من كده وكان منظره زي الزفت )
وخليك صادق وصريح في الامور المالية وبلاش لف ودوران
ولو كنت بتلعب بديلك قبل كده او ايام الجامعه ادعي ربنا انه يغفرلك ليطلع عليك تالت ومتلت
عشان معظم اللي لعبوا بديلهم واتشاقوا ايام زمان لبسوا في بنات ولا بلاش ده
ده كوكتيل من التجارب المختلفة للناس والكلام لا يقصد به شخص بعينه

**El-Pop** · 22-09-2013 06:21 AM

المشاركة الأصلية كتبت بواسطة dr_mido

خد جاتوه او شكولاته والبس بدله وخليك واضح وصريح وحازم مع بعض وهتسلك وتركن في طابور المتجوزين

وهوه لازم موضوع البدله ده ؟ بتخنقني ومبحبهاش .. ومالوا الكاجوال ؟
وبعدين لو جبت تورته كويسه كده هتقول لا ؟
ولا انت شايف ايه ؟

المشاركة الأصلية كتبت بواسطة janagabr

ربنا يوفقك لما فيه الخير
واستخير الله واساله ان يجعلها الزوجة الصالحة التي تعينك علي صعاب الحياة
والبس شيك والحج لازم يلبس بدلة والحجه تتزوق ومعاك ساعتك برفانك جذمتك اللي بتلمع علبة شوكولاته شيك سنانك لولي حالق دقنك وشنبك قاصص ضوافرك شرابك نفس لون بنطلونك اسوره الحزام بتلمع
خد الحج والحجه والحج اللي يخش من الباب الاول ثم الحجه ثم انت وانت اللي تشيل الهديه ولما تقعد اقعد في مكان ميبقاش كاشف الشقة ومتكلمش في السياسة ولو حبيت تلطف الجو اتكلم عن سفريه عملتها او رحله سفاري او كلب عضك قبل كده او ماتش كوره وبلاش الاهلي والزمالك لتمسكوا في بعض خليك في دوريات اوروبا اتكلم عن مواقف كوميديه خفيفه اتكلم عن شغلك علي خفيف متحكيش مشاكل ولا تشيل نفسك وتشيلهم هم الشغل بتاعك لو عندك مشاكل عشان كله مهموم
بالنسبة للاهالي كل واحد هيتكلم عن وظيفته عندوا كام سنة اصله من منطقة كذا اتربي فين وكذلك الام وبالتالي هما هيتكلموا عن نفسهم
تشوف اخوات البنت في مدارس وجامعات ايه
عندهم عربيات شقق شاليهات وانت كذلك
اتكلم عن حبك للحيوانات من كلاب للقطط لعصافير لحمام لسمك عشان هما بيحبوا الهجس ده
اتكلم عن طموحك بس متسرحش بيهم البلد اللي نفسك تعيش فيها والعربية اللي نفسك تجبها واعمل الموبايل بتاعك سايلنت
الحج والحجة هما اللي هيبتدوا بالكلام
لما تشرب متعملش صوت ومتحتش رجل علي رجل
ومتقفش في الكلام لان اول مقابله للاسرتين بتبقي معاينة ظاهرية وتحديد للمستوي الشكلي والثقافي والاجتماعي والعلمي والوظيفي
والكلام هيبقي عن خلانك وخالاتك وعمامك وعماتك ووظائفهم واماكن سكنهم واولادهم وهما طبعا يقولولك
وغالبا البنت بتبقي قليله الكلام عشان اهلها موجودين ولو كانت المقابله بره البيت بعد ساعة كده للمقابله ولو حسيت ان في ارتياح من ناحيتهم وناحيتك اسال البنت تحبي تتمشي شويه هتلاقيها كده تبص لمامتها فمامتها تقولها ماشي تقوم واخدها وقايمين وطبعا تقول لوالده ووالدتها بعد اذنك يا ( انكول ) بعد اذنك يا طنت ( قال انكل قال دا الراجل ميعرفش ان انا كنت بضرب الواد نصه علي قفاه لما كنت بقعد علي القهوة وحدفت طوبه في شباك الراجل جاري لما قفل علي بعربيته ههههه )
اغسل عربيتك ونظفها واركنها في مكان كويس متركنهاش مخالف ( عشان واحد صاحبي في اول مقابله ركن عربيته مخالف نازل ومعاه البنت وابوها بتوصله للعربية فلقا عربيته مخبوطه فبدون شعور قام طلع صوت من زوره ( عكس عطس ) مش عايز اوضح اكتر من كده وكان منظره زي الزفت )
وخليك صادق وصريح في الامور المالية وبلاش لف ودوران
ولو كنت بتلعب بديلك قبل كده او ايام الجامعه ادعي ربنا انه يغفرلك ليطلع عليك تالت ومتلت
عشان معظم اللي لعبوا بديلهم واتشاقوا ايام زمان لبسوا في بنات ولا بلاش ده
ده كوكتيل من التجارب المختلفة للناس والكلام لا يقصد به شخص بعينه

تمام جدداااا .. الف شكر لحضرتك
بس مبدايا خليني اقولك ان والدي متوفي ووانا رايح بكره تاني لوحدي من غير حد خالص ( رايح بطولي يعني )
والمقابله عندهم في البيت
والمفروض اني كنت متصل اخد ميعاد واروحلهم اخر الاسبوع فابوها قالي انه مسافر الاسبوع ده واني اجي بكره فانا تقريبا محلقتش اجهز نفسي ( طقم شبه كلاسيك لاني كل هدومي كاجوال ع الاخر وصعب اني البس بدله )

**Hobgoblin** · 22-09-2013 07:17 AM

Just be yourself!

**ghost11** · 22-09-2013 10:16 AM

افضل نصيحة ليكى انك ما تتسرعش على الجواز

ما تعيش فردانى كده احسنلك واروق لبالك

**lidosasa** · 22-09-2013 10:23 AM

تصدق إنى كنت كل ما أروح لواحدة أجيب جاتوه أو شيكولاته وألبس أشيك حاجة بس كاجول على الرغم إن كل لبسى بدل عشان شغلى بس فى الخطوبة كنت بحب أبقى بطبيعتى خالص وكل المقابلات كانت فاشلة لحد ما زهقت فأول عروسة جات بعد ما زهقت روحت من غير ما أخد حتى باكو لبان معايا ولابس لبس عادى جداً

وكنت رايح بس عشان أرضى الناس اللى تعبت نفسها وبتدور ليا على عروسة وسبحان الله كانت هى اللى أتجوزتها

**reda elgohary** · 22-09-2013 10:50 AM

صلى استخارة قبل ما تروح ،،، اذكر الله دائما اثناء ذهابك ـ،، والبس ما تحبه ويفضل كلامك مع اهلها يكون قليل وكلامك معاها يكون محدد وواضح ،، وربنا يوفقك .