مشكله فى العربيه عاوز رأيكو فيها

**Hesham.H** · 22-09-2013 04:19 AM

صباح الفل
العربيه عندى ساعات بتعمل حركه كده مش عارف ليه
بيكون فى التانك حوالى ١٠ لتر تقريبا وتبدأ معايا أعراض تخليص البنزين ... الاقى العربيه تكن وتتخنق كأنها خلصت بنزين ... أشيل رجلى أو أديها غيار أعلى تمشى عادى .... وشويه كده وتعملها تانى
لغايه اما افول التانك تروح المشكله
التانك عندى بياخد ٥٦ لتر بس ... مع انه مش مخبوط ولا حاجه بس واحد قاللى ممكن يكون تفريغ هوا والتانك ممصوص
بس المشكله دى لما بتحصل عندى بروح البنزينه بلاقيها أخدت حوالى ٤٥ لتر
ياترى المشكله دى مرت على حد أو حد من أساتذتنا عارف ايه السبب
تحياتى للجميع

**mahmoud kamal** · 22-09-2013 04:30 AM

جرب يا باشا وحطت محسن اداء بيتباع فى البنزينه وهات ابو 40 جنيه ده جميل جدا لو فى وساخه فى التنك ولا حاجه او الدوره بتاع البنزين هيظبطها
وهيفيدك برده عباقره الاوبل

**hassanin_lada** · 22-09-2013 05:20 AM

طرومبة البنزين ضعيفة شوية عشان كده لما بتبفضي بتبقي صعب عليها تجيب اخر البنزين

**eng.salama93** · 22-09-2013 05:30 AM

ممكن وساخه ف التنك او فعلا الطرمبه ضعيفه

**Mecha** · 22-09-2013 08:54 AM

did you replace the pump before????

someone did not fit the pump or the strainer properly
or the strainer fallen into the tank
suction is higher than fuel level

**أحمد جودة** · 22-09-2013 10:33 AM

على فكرة أنا مش هتكلم فى حل المشكلة ........ أنا هقولك نصيحة أخوية

بلاش تخلي العربية تاخد من أخر التانك لان طبعا زي ماحضرتك عارف أغلب محطات البنزبن بيكون فه رواسب فى البزبن بتاعها ولو حتي بنزين 92 كل البنزين بلا إستثناء فيه رواسب دة ممكن يعملك مشاكل مع طلمة البنزين والفلاتر ومنظومة الاشتعال (( إنجكشن --- كاربيراتير )) ........ أنا عن نفسي بحب أمون بالكتيييير أوي على الربع الاخير من التانك ..... ودي وجهات نظر ونعتبرها دعوة للحوار وتبادل الخبرات

تقبل تحياتي

**فادى محمد** · 22-09-2013 01:48 PM

-ماتسيبش التانك لاخر 10 لتر ياباشا ماينفعش .المفروض مايقلش عن 25 لتر
-الطرمبه عندك مش ضعيفه انما بتسخن (وده الطبيعي) ومش بتتبرد نتيجه نقص مستوي
البنزين .لما تسخن حركتها بتتاثر وتحس بالضعف
-لو دورت الطرمبه في ايدك ع البطاريه مثلا 10 دقايق مش هتعرف تمسكها من السخونه
هي بتبرد من خلال وجودها في سائل البنزين .تحياتي

**ayman hamdy** · 22-09-2013 07:32 PM

المشاركة الأصلية كتبت بواسطة hesham.h

انت تقصد بالطرمبه اللى بتسخن اللى هو الموتور فقط ( الرداخ ) ؟؟ ولا الطرمبه ملها فيها مشكله يا عم فادى
وده طبيعى يعنى ؟؟ وموضوع ان التانك بياخد ٥٦ لتر بس ده حله ايه ؟؟ والطبيعى بتاخد ٦٠ ولا اكتر شويه لما بتفول للآخر
تحياتى وآسف على الاطاله

الطلمبة لو مش غطسانة فى البنزين هتسخن ودة طبيعتها نتيجة ان التنك فاضى او قرب يفضى والبنزين هو اللى بيبردها فلما بتسخن علشان السبب المذكور ادائها بيقل فلازم متخليش التنك لحد ما يفضى لحد ربعه كويس ومون بعد كدة اما بالنسبة لل56 لتر دى عوامة البنزين اللى فى طلمبة البنزىن عايزة تترجلش او تتنظف او تتغير
وتحياتى يا هتش

الموضوع: مشكله فى العربيه عاوز رأيكو فيها

LinkBack

أدوات الموضوع

عرض

-

-

-

-

-

المواضيع المتشابهه

شنطة العربيه فيها مشكله!!

بيكانتو الشكل الجديد عاوز رأيكو فيها

مشكلة عاوز رأيكو فيها

العربيه فيها مشكله أرجو النصيحه

عاوز أخد رأيكو في لون الفرش بتاع العربيه

الكلمات الدلالية لهذا الموضوع

المفضلات

المفضلات

ضوابط المشاركة