رجالة اللانسر الخبره

عربيتي سوبر اكشن 2008 ... وفيها طبعا abs

عملت حادثه الحمدلله ... فيه مصفحه خبطت فيا قصدي عربية ميكروباص الترامكو .. المهم الحمدلله الخبطة جت في الكاوتش اللي ورا والباب ... وغيرت مقص وشداد لحد مسمكرها

بعد كده لقيت فيه صوت ونه عالي في العجله الخلفيه اللي اتخبطت دي ... روحت لعفشجي قاللي لازم تغير صرة العجل عشان البلي مش تمام ...
كل ده الـ abs كان شغال ولمبته بتنور في الدواره وتطفي بعد ثواني عادي جدا.

اشتريت سرة عجل استيراد ... بس مكنش فيها التروس اللي طلعت هيا بتاع ال abs
هوب العفشجي فك الترس ده .. ورشقه في الصره الجديده

الونه راحت طبعا والحمدلله ... بس لمبة الabs شغاله على طول ... وتيجي تضرب فرمله مفاجئ العربية تزحف منك ... يعني مفيش abs من الاخر. ... مع الدواره تشتغل شويه واللمبه تفصل ومع اول فرمله عاديه تقوم منوره اللمبه ويفصل ال abs

طبعا لما قولت للعفشجي ال abs مش شغال انتا عملت فيه ايه قاللي انا معرفش يا بيه في الكلام ده انا راجل غلبان ... زي مكون بشتمه بأمه مثلا.

روحت لميكانيكي حسسني انه بيظبط abs كل يوم بطراطيف صوابعه ... فك وقال الترس مش مظبوط خبط عليه خبطتين ... وبالهوا نفخه نفختين .. وركب يبني ... الحمدلله ال abs منور على طول ومبطفيش اصلا ومفيش خالص والوضع بقى اسوأ من الاول.

قاللي ممكن يكون الحساس من الخبطه باظ ... بس الحساس بعد الخبطه واثناء السمكره والدوكو وقبل تغيير الصره كان شغال زي الفل محستش بيه اصلا انه جراله حاجه ... طبعا قال هيا هتطبع على بعضها سيبها بس شويه ... وطبعا ده كلام فارغ وانا مش مقتنع بيه.


اعمل ايه بقى دلوقتي ؟؟؟
حد حصلو الحوار ده قبل كده؟