أركب أنذار ألنترا md في التوكيل ولا بره

**ahmedsho3a3** · 22-09-2013 01:46 PM

يا شباب أرجوكم المساعده عايز أركب أنذار لي ألنترا 2013 md لأن طبعاً مافيهاش و مفيش أيمبوليزير
رأيكم أروح التوكيل أركبه (أللي بيقولوا بيفصل طرمبه البنزين ده) ولا أركب بره أي أنذار بيفصل الكهربا ولا البنزين عند حد محترم, و لو بره أروح عند مين في المهندسيين أو مصر الجديده؟

**khaabas** · 22-09-2013 01:59 PM

فى التوكيل ركب الشوك سنسور مع انذار العربية الاصلى وتمنه 300 جند تقريبا وضمان الكهربا موش هتخرج منه

**saddam** · 22-09-2013 02:37 PM

صديقي المواطن
في التوكيل غالب أجهزة.اﻹنذار نوع واحد ورخيص أما بره تقدر تجيب نوع محترم وبيدور العربية والتكييف عن.بعد عشان يسخنهالك الصبح قبل متنزل وتروح تركب في أدريان المطبعة.الهرم وكمان يربطولك قطع الكهربا بتاعه ودمتم للنضال

**Thebutcherr** · 22-09-2013 03:04 PM

توكيل طبعا

**محمد فوزى** · 22-09-2013 04:10 PM

فى التوكيل علشان متخرجش من الضمان فى الكهرباء

**mahmoud_afifi** · 22-09-2013 04:48 PM

المشاركة الأصلية كتبت بواسطة khaabas

فى التوكيل ركب الشوك سنسور مع انذار العربية الاصلى وتمنه 300 جند تقريبا وضمان الكهربا موش هتخرج منه

+1

بس قبل ما تركب الانذار ياريت تتأكد اذا كان فيه فصل طرمبة البنزين ولا لأ.
وكمان اسأل في اي محل اكسسوارات لو ركبت الانذار بتاع التوكيل هل ينفع يركبلك كتاوت بتاعة الفصل ولا ماينفعش.

**ahmedsho3a3** · 23-09-2013 11:25 AM

أنا سألت في التوكيل قالي في كود هيبقى على المفتاح و لو العربيه مادرتش بالكود ده طرمبه البنزين هتفصل ( بس الصراحه ماكنش واثق من نفسه كده المهندس) ده غير أنه قالي مش عندي حالياً

السؤال هنا لو أنا ركبته بره لازم يلعب في الضفيره ؟ و يخرج كهربا العربيه من الضمان ؟

**profimh** · 23-09-2013 01:25 PM

طبعا لازم هيتعامل مع الضفيرة و العربية حساسة جدا لاى لعب فى الكهربا عشان كده لازم واحد متخصص و فاهم و يفضل اللى بييشتغلوا فى الالمانى ده كلام واحد معرفة من جوة التوكيل نفسه
بالنسبة للخروج من الضمان فزى ما وضحت لو اكتشف هيخرج الضفيرة بره الضمان
عمو غبوربقه يتاخد اللى لا مؤاخذة عندنا يا تلبس فى الحيط

**kbarema** · 13-10-2013 01:17 PM

السبت 12/10/2013
رحت توكيل غبور بالعبور
ولازم تكون حاجز قبلها علشان القطعه بالطلب والزحمه الشديده هناك
المهم المهندس قلتله عاوز اركب القطعه بتاعت الانذار قالي اه اللي فطل طرمبه البنزين قولتله تمام وكمان حساس الصدمات قالي هى قطعه واحده
العربيه اخدت ساعه ونصف تقريبا
وجربته
قفلت العربيه بالريموت
فتحت بالمفتاح اشتغل الانزار
دخلت من الشباك ودورت العربيه ما دارتش واشتغل الانزار ( وهنا فيه نقطه عجيبه هو فصل المارش مش طلمبه البنزين )
خبطت العربيه مشتغلش خبط جامد اشتغل
المهندس قالي احنا بنظبط السينسور علي الوسط علشان مش كل ما قطه تعدى علي العربيه يشتغل الانذار
المهم قولتله طب ممكن تقولى مكانه علشان لو حبيت اعليه شويه
قالي علي مكانه ومشيت
وانا مروح عربيه نقل خبطتنى من ورا ربنا يجحمه وطبق حته في الرفرف بس الحمد لله علي كل شيء
روحت ادور علي القطعه اللي هم ركبوها ملقتهاش
وكمان الاول لما كنت ربكب العربيه واحط المفتاح كنت بسمع زنه بتاعت طلمبه البنزين ثانيتين وتفصل دلوقتى بسمع صوت مقطع مش عارف ده من ايه وقلقان جدا