كرولا موديل 2005 - 1300 أتوماتيك

**hfekry** · 23-09-2013 07:15 PM

خدتها بــ 93

**hfekry** · 23-09-2013 07:16 PM

المفروض ايه الصيانة اللى المفروض تتعمل دلوقتى ؟
- لو مركز خدمة كويس ومعتمد قريب من الرماية أو الهرم .
- منين اجيب قطع الغيار الأصلية بتاعتها .
ومعلش اسف على كثرة الأسئلة . التويوتا جديدة عليا لسه

**iwantes350** · 24-09-2013 06:36 PM

الف مبروك على الكورولا يا باشا
بس للاسف مقدرش افيد حضرتك عشان انا من اسيوط
بس عموما اقرب مركز خدمة من الرمايه فى تويوتا اللى فى ابو رواش
والتويوتا هتعجب حضرتك اوى

**said.d.y** · 25-09-2013 12:26 AM

المشاركة الأصلية كتبت بواسطة hfekry

المفروض ايه الصيانة اللى المفروض تتعمل دلوقتى ؟
- لو مركز خدمة كويس ومعتمد قريب من الرماية أو الهرم .
- منين اجيب قطع الغيار الأصلية بتاعتها .
ومعلش اسف على كثرة الأسئلة . التويوتا جديدة عليا لسه

مبروك عليك وربنا يديك خيرها ويكفيك شرها، وان شاء الله العربية هتعجبك
المفروض عندك صيانة ال60 الف ، دى لو كان صاحبها السابق معملهاش لسة ودى فيها زيت وفلتر على الاقل ، ويا ريت تعرف كان بيعمل صيانتها فين واخر صيانة ليها ، ولو كان بيعملها فى مركز معتمد اعمل عندة اول صيانة علشان تعرف الfile بتاع العربية.
بالنسبة لمراكز الخدمة فى الهرم والرماية المعتمدة ، عندك البرجسى فى شار ع فيصل وفرعة الجديد عند ميدان الرماية وانت خارج من شار ع الهرم ورايح الصحراوى على ايدك اليمين، وعندك تويوتا الرئيسى فى ابو رواش.
قطع الغيار الاصلية فى اماكن كتير ، منها البرجسى فى شارع مراد بالجيزة امام عمر افندى، واحمد الخواجة فى البحر الاعظم امام القرية الفرعونية بس قدام شوية.
اى استفسار انا تحت امرك ومبروك عليك مرة تانية